PHILIPPI 3:6 - Khasi CL Bible (BSI)

⁶ Lada u briew u lah ban long uba hok da kaba kohnguh ïa ki jingong ka hukum, nga long uba khlem jingrem.

KA BAIBL

⁶ shaphang ka jingshitrhem, uba behbeiñ ïa ka balang; shaphang ka hok kaba na ka hukum, uba khlem jingrem.

PHILIPPI 3:6 ပူးပေါင်းရင်းမြစ်များ

2 SAMUEL 21:2

(Ki paid Gibeon kim dei ki Israel; ki dei ka kynhun barit ki Amor ïa kaba ki Israel ki la kular ban ïada, hynrei u Saul u la pyrshang ban pynjot ïa ki namar ka jingshitrhem na ka bynta ki paid Israel bad Judah.)

2 SYIEM 10:16

da kaba ong, “Wan bad nga bad khmih da lade haduh katno nga long uba la aiti ha U Trai.” Bad ki la ïashong lang haduh Samaria.

EKLESIASTIS 7:16

Kumta te wat long uba bha palat ne uba stad palat — balei yn pynïap ïa lade hi?

LEBITIKOS 13:16

Hynrei haba kata ka prum ka la jem bad ka la kylla lieh biang, uta u briew u dei ban leit sha u lyngdoh, u ban khmih bniah biang ïa u.

MATHAÏOS 23:25

“A katno ka long kaba shyrkhei ïa phi, ki nonghikai ka Hukum bad ki Pharisi! Phi kiba arsap! Phi pynkhuid ïa kaba shabar jong ka khuri bad ka pliang jong phi, katba kaba shapoh ka dap da kaei kaba phi ïoh da ka jingleh jubor bad ka jingpyrkhat tang ïa lade.

MATHAÏOS 5:20

Kumta, nga ong ïa phi, ba phin lah ban rung shapoh ka Hima ki bneng tang lada phi ïaineh skhem kham palat ban ïa ki nonghikai Aiñ bad ki Pharisi ha kaba leh ïa kaei kaba U Blei u dawa.

LOUKAS 1:6

Baroh ar ngut ki im ka jingim kaba bha ha khmat U Blei bad ki la kohnguh lut ïa baroh ki aiñ bad ki hukum jong U Trai.

KI KAM 21:20

Hadien ba la ïohsngew ïa u, ki baroh ki la ïaroh ïa U Blei. Nangta ki la ong, “Ko Paul, phi lah ban ïohi katno hajar ngut ki Jiw ki la kylla long ki parabangeit, bad katno ma ki baroh ki bat pyrkhing ïa ka Hukum.

KI KAM 22:5

U Rangbah Lyngdoh bad ka Dorbar hi baroh kawei ki lah ban pynshisha ba nga kren ïa ka jingshisha. Nga la ïohpdiang na ki ïa ki shithi kiba la thoh sha ki para Jiw kiba ha Damaskos, kumta nga la leit shata ban kem ïa kine ki briew bad wan ïalam pat ïa ki, kiba la khum ha ki kynjri sha Jerusalem ba yn pynshitom ïa ki.

KI KAM 26:5

Ki la tip borabor, lada ki mon ban phla, ba naduh kaba nyngkong nga la im kum u dkhot jong ka seng kaba pyrkhing tam jong ka niam jong ngi, ki Pharisi.

KI KAM 8:3

Hynrei u Saul u la pyrshang ban pynjot ïa ka balang, da kaba leit na kawei ka ïing sha kawei pat, u da paring shabar ïa ki riewngeit, shynrang bad kynthei, bad u la thep ïa ki sha ka ïingbyndi.

Ka Shithi U Paul Sha Ki Nong Rom 7:9

Ma nga, shisien nga la im khlem ka hukum; hynrei haba ka hukum ka la wan, ka pop ka khie im, bad nga la ïap.

1 KORINTH 10:32

To im ha kata ka rukom ban ym thaw jingeh ïa ki Jiw ne ïa ki Jentil ne ïa ka balang U Blei.

1 KORINTH 15:9

Naba nga long uba rit tam na baroh ki Apostol — ngam long wat uba bit ban khot u Apostol, namar nga la pynshitom beiñ ïa ka balang U Blei.

PHILIPPI 2:15

khnang ba phi lah ban long kiba lui lui bad kiba khuid kum ki khun kiba janai jong U Blei, kiba im ha ka pyrthei jong ki briew kiba bamsap bad kiba pop. Phi dei ban tyngshaiñ hapdeng jong ki kum ki khlur kiba pynshai ïa ka sahit bneng, kumba phi tyrwa ha ki ïa ka khubor jong ka jingim.

PHILIPPI 3:9

Na ka bynta jong u, nga la bret noh ïa kiei kiei baroh; nga ñiew ïa ka baroh tang kum ka synrum, khnang ba ngan ïoh ïa U Khrist, bad ba yn pynïasoh pura bad u. Ngam long shuh uba don ka hok ka jong nga hi, ka bynta kaba nga ïoh da kaba kohnguh ïa ka hukum. Nga mynta, nga ïoh ïa ka hok kaba la ai da ka jingngeit ha U Khrist, ka hok kaba wan na U Blei bad kaba pynshong nongrim ha ka jingngeit.

1 TIMOTHI 1:13

Hynrei U Blei u la leh-isynei ïa nga namar ngam pat shym la don ka jingngeit bad kumta ngam shym tip ïa kaei kaba nga la leh.

NONGBISHAR 6:30

Nangta ki ong ha u Joash, “Wallam shabar ïa u khun jong me hangne, ba ngin pynïap ïa u! U la pynkhyllem ïa ka duwan ïa u Baal bad pynngat ïa ka dak jong ka Asherah kaba ha syndah jong ka.”