PHILIPPI 2:8 - Khasi CL Bible (BSI)

⁸ U la long uba sngewrit bad u la ïaid ha ka lynti jong ka jingkohnguh baroh shi lynter lynti sha ka jingïap — ka jingïap jong u halor ka diengphna.

KA BAIBL

⁸ te haba la shem ïa u ha ka rukom kum u briew, u la leh rit ïa lade, haba u la jia long uba kohnguh wat haduh ka jingïap, ho-oid, ka jingïap ka diengphna keiñ.

PHILIPPI 2:8 ပူးပေါင်းရင်းမြစ်များ

SALM 22:16

Ka kynhun ki riewsniew ka don sawdong ïa nga; kum ka kynhun ki ksew, ki don hajan jong nga; ki patar ïa ki kti bad ki kjat jong nga.

PROBERB 15:33

Ka jingtiengburom ïa U Trai ka long ka jinghikai na ka hi. Phi dei ban long kiba sngewrit ha shuwa ba phin ïoh ïa ki jingkyntiew burom.

MATHAÏOS 17:2

Katba ki dang ïakhmih, ka jingkylla dur ka la wan ha U Jisu: Ka durkhmat jong u ka da tyngshaiñ kum ka sngi, bad ki jaiñ jong u ki la lieh phyrnai eh.

MATHAÏOS 26:39

U la leit kham jngai sa katto katne, u la dem khrup ïa lade bad ka khmat sha khyndew, bad u la duwai, “Ko Kpa jong nga, lada ka long kaba lah, to shim noh ïa kane ka khuri ka jingshah shitom na nga! Pynban, ym ïa kaei kaba nga mon, hynrei ïa kaei kaba me mon.”

MATHAÏOS 26:42

Sa shisien U Jisu u la leit noh bad u la duwai, “Ko Kpa jong nga, lada ïa kane ka khuri ka jingshah shitom ym lah ban shim noh lymda nga dih ïa ka, ïa ka mon jong me yn leh.”

LOUKAS 9:29

Katba u dang duwai, ka durkhmat jong u ka la kylla dur, bad ki jaiñ jong u ki la kylla lieh phyrnai.

ÏOANNIS 10:18

Ym don u ban shim noh ïa ka jingim jong nga na nga. Nga aiti ïa ka da la ka mon sngewbha hi. Nga don ka hok ban aiti noh ïa ka, bad nga don ka hok ban shim pat ïa ka. Kane ka long kaei kaba U Kpa jong nga u la hukum ïa nga ban leh.”

ÏOANNIS 15:10

Lada phi kohnguh ïa ki hukum jong nga, phin ïaineh ha ka jingieit jong nga, kumba nga la kohnguh ïa ki hukum U Kpa jong nga bad nga ïaineh ha ka jingieit jong u.

ÏOANNIS 4:34

“Ka jingbam jong nga,” U Jisu u la ong ha ki, “ka long ban kohnguh ïa ka mon jong uta uba la phah ïa nga bad ban pyndep ïa ka kam kaba u la ai ha nga ban leh.

KI KAM 8:33

La pynjahburom ïa u, bad ym shym la bishar hok ïa u. Ym don mano mano ba lah ban ïathuh shaphang ki khun ki ksiew jong u, namar ba ka jingim jong u ha ka pyrthei ka la kut.”

Ka Shithi U Paul Sha Ki Nong Rom 5:19

Bad kumba ïa baroh ki briew la pynlong ki nongpop na ka daw jong ka jingbymkohnguh jong uwei u briew, ha kajuh ka rukom yn pynïasuk ïa ki baroh bad U Blei na ka daw jong ka jingkohnguh jong uwei u briew.

2 KORINTH 8:9

Phi tip ïa ka jingaiei U Jisu Khrist uba U Trai jong ngi; la u la long uba riewspah, u la pynlong ïa lade uba duk na ka bynta jong phi, khnang ban ïoh pynriewspah ïa phi da kata ka jinglong duk jong u.

GALATIA 3:13

Hynrei, da kaba kylla long ka jingtim na ka bynta jong ngi, U Khrist u la siewspah ïa ngi na ka jingtim kaba ka Hukum ka wanrah; naba ka Jingthoh Bakhuid ka ong, “Uno uno uba la shah sdien ha u dieng un don hapoh ka jingtim U Blei.”

DEUTERONOMI 21:23

ym dei ban ieh ïa ka metïap hangta baroh shi miet. Tep ïa ka ha kajuh ka sngi, namar ka metïap kaba sdien ha u dieng ka long ka jingtim U Blei, khnang ba phin ym pyntngit ïa kata ka ri ba U Trai U Blei jong phi u ai ha phi.

TITOS 2:14

U la aiti ïa lade na ka bynta jong ngi, ban pyllait ïa ngi na ka jingbymman baroh bad ban pynlong ïa ngi ki briew kiba khuid kiba dei ki jong U hi bad kiba kwah hir hir ban leh ïa kaba bha.

HEBRU 12:2

To ngin ïakhmih shaiñ sha U Jisu, ha uba ka jingngeit jong ngi ka don naduh kaba sdang haduh kaba kut. U bym shym la kynran dien namar ka diengphna! Pynban, namar ka jingkmen kaba la ap ïa u, um shym pyrkhat ei ei ïa ka jingjahburom ban shahïap halor ka diengphna, bad mynta u la shong ha ka liang ka mon jong ka khet U Blei.

HEBRU 12:4

Naba ha kata ka jingïaleh jong phi pyrshah ïa ka pop, phim pat ïaleh pyrshah haduh ban da shah pynïap.

1 PETROS 2:24

U Khrist da lade hi u la bah noh ïa ki pop jong ngi ha ka met jong u sha ka diengphna, khnang ba ngin ïap ïa ka pop bad ïoh im na ka bynta ka hok. Ka dei da ki jingjngem snam jong u ba la pynkhiah ïa phi.

1 PETROS 3:18

Naba U Khrist u la ïap na ka bynta ki pop tang shisien bad na ka bynta ki por baroh, u briew uba bha na ka bynta ki nongpop, ba un ïoh ïalam ïa phi sha U Blei. La pynïap ïa u ha ka doh, hynrei la pynim pat ïa u ha ka mynsiem,