PHILIPPI 2:22 - Khasi CL Bible (BSI)

²² Bad phi hi phi tip, kumno u la pynshisha ïa ka jingkordor jong u, kumno ma u bad ma nga, kum u khun bad u kpa jong u, ngi la ïatreilang na ka bynta ka gospel.

KA BAIBL

²² Hynrei, phi tip ïa ka jingtynjuh ïa u, ba kum u khun bad la u kpa u la shakri lem bad nga ha ka jingpynroi ïa ka gospel.

PHILIPPI 2:22 ပူးပေါင်းရင်းမြစ်များ

KI KAM 16:2

Baroh ki riewngeit ha Lystra bad Ikoniom ki ïakren babha shaphang u Timothi.

Ka Shithi U Paul Sha Ki Nong Rom 5:4

ka jingïaishah ka wallam ïa ka jingmynjur U Blei, bad ka jingmynjur jong u ka pynlong ka jingkyrmen.

1 KORINTH 16:10

Lada u Timothi un wan poi ïaid lynti sha phi, da pynthikna ba un sngew ba phi pdiang sngewbha hapdeng jong phi, namar u trei na ka bynta U Trai, kum ma nga.

1 KORINTH 4:17

Na ka bynta kane ka jingthmu nga phah ha phi ïa u Timothi, uba long u khun ba-ieit bad baïaineh jong nga ha ka jingim kum uba ngeit. Un pynkynmaw ïa phi ïa ki nongrim kiba nga bud ha ka jingim kaba thymmai ha U Khrist Jisu bad kaba nga hikai ha ki balang baroh kiba don kylleng.

2 KORINTH 2:9

Nga la thoh sha phi ïa kato ka shithi namar nga la kwah eh ban tip haduh katno phi la ïeng ha kata ka jingtynjuh bad la phi la kloi borabor ban kohnguh ïa ki jingbthah jong nga.

2 KORINTH 8:22

Kumta ngi phah ïa u parabangeit jong ngi lem bad ki; ngi la tynjuh ïa u bunsien bad ngi la shem ïa u ba u long borabor uba thrang ban ïarap. Bad mynta ba u la don haduh katta ïa ka jingshaniah ïa phi, u nang kham thrang shuh shuh ban ïarap.

2 KORINTH 8:24

To pyn-i ïa ka jingieit jong phi ïa ki, khnang ba ki balang baroh kin sngewskhem ïa kata bad kin tip ba ngim shym bakla ha kaba ngi kob sarong shaphang jong phi.

2 KORINTH 8:8

Ngam buh ïa kino kino ki aiñ. Hynrei da kaba pyn-i kumno kiwei ki kloi ban ïarap, nga pyrshang ban wad katno ka jingieit jong phi hi ka long kaba shisha.

PHILIPPI 1:12

Nga kwah ïa phi ban tip, ko parabangeit jong nga, ba kiei kiei kiba la jia ha nga ki la ïarap da shisha ïa ka jingpynroi ïa ka gospel.

PHILIPPI 1:16

Kine ki leh kumta na ka jingieit, namar ki tip ba U Blei u la ai ha nga ïa ka kam ban ïada ïa ka gospel.

PHILIPPI 1:5

namar ka rukom kaba phi la ïarap ïa nga ha ka kam jong ka gospel sha kiwei pat naduh ka sngi kaba sdang haduh mynta.

PHILIPPI 1:7

Phi long borabor ha ka dohnud jong nga! Kumta ka long kaba dei ïa nga ban sngew kumba nga sngew shaphang jong phi. Namar phi baroh phi la ïoh bynta lem bad nga ha kane ka lad kaba U Blei u la ai ha nga, mynta haba nga don ha byndi bad ruh haba nga la long laitluid ban ïada ïa ka gospel bad ha kaba tei pynskhem ïa ka.

PHILIPPI 2:20

U long tang ma u marwei, uba sngewthuh ïa ki jingsngew jong nga, bad uba sngewlem shisha shaphang jong phi.

1 TIMOTHI 1:18

Ko Timothi, u khun jong nga, nga pynkhamti ha me ïa kane ka hukum, kaba katba kum ki ktien jong ka jingïathuhlypa ba la kren shaphang jong me ha ka por kaba la leit.

1 TIMOTHI 1:2

Ha u Timothi, u khun bashisha jong nga ha ka jingngeit: To U Blei U Kpa bad U Khrist Jisu uba U Trai jong ngi un ai ha me ïa ka jingaiei, ka jingisynei bad ka jingsuk.

1 TIMOTHI 4:6

Lada me ai ïa kine ki jinghikai ha ki parabangeit, men long u shakri babha jong U Khrist Jisu, kumba me bsa ïa lade ha ka mynsiem da ki ktien jong ka jingngeit bad jong ki jinghikai bashisha ïa kiba me la bud.

2 TIMOTHI 1:2

Ha u Timothi, u khun ba-ieit jong nga: To ai ba U Blei uba U Kpa bad U Khrist Jisu uba U Trai jong ngi un ai ha me ïa ka jingaiei, ka jingisynei, bad ka jingsuk.

2 TIMOTHI 3:10

Hynrei ma me, me la bud ïa ka jinghikai jong nga, ka jinglong jingim jong nga, bad ka jingthmu jong nga ha ka jingim; me la khmih ïa ka jingngeit jong nga, ka jingïaishah jong nga, ka jingieit jong nga, ka jingïaineh jong nga, ka jingshah pynshitom jong nga, bad ki jingshah shitom jong nga.

TITOS 1:4

Nga thoh sha u Titos, u khun bashisha jong nga ha ka jingngeit kaba ngi ïadon lang. To U Blei uba long U Kpa bad U Khrist Jisu uba long U Nongpynim jong ngi un ai ha phi ïa ka jingaiei bad ka jingsuk.