PHILEMON 1:6 - Khasi CL Bible (BSI)

⁶ Ka jingduwai jong nga ka long ba ka jingïasyllok jong ngi bad me kum ki bangeit kan wallam ïa ka jingsngewthuh ba kham jylliew ïa ki jingkyrkhu baroh ïa kiba ngi ïoh ha ka jingim jong ngi ha U Khrist.

KA BAIBL

⁶ ba ka jingïasyllok ka jingngeit jong me kan ïoh long kaba don bor, ha ka jingtip ïa ka babha baroh kaba ha phi, sha U Khrist.

PHILEMON 1:6 ပူးပေါင်းရင်းမြစ်များ

MATHAÏOS 25:16

U shakri uba la ïohpdiang san hajar tylli ki sbai u la leit shisyndon bad u la khaïi ïa la ka pisa bad u la ïohnong sa san hajar.

MATHAÏOS 5:16

Ha kajuh ka rukom ka jingshai jong phi ka dei ban shai ha khmat ki briew, khnang ba kin ïohi ïa kiei kiei kiba bha kiba phi leh bad ïaroh ïa u Kpa jong phi uba ha bneng.

1 KORINTH 14:25

Yn bishar ïa u da kiei kiei baroh kiba u ïohsngew; ïa ki jingpyrkhat barieh jong u yn pynpaw madan, bad un dem ngon bad mane ïa U Blei, da kaba phla, “Da shisha U Blei u don hangne hapdeng jong phi.”

1 KORINTH 16:9

Ka don ka kabu da shisha hangne na ka bynta ka jingtrei kaba khraw bad kaba myntoi, wat lada don bun ki nongïaleh pyrshah.

PHILIPPI 4:8

Ha kaba wai noh, ko parabangeit jong nga, to pyndap ïa ki jingmut jong phi da kito kiei kiei kiba bha bad kita kiba dei ïaroh: Kiei kiei kiba shisha, kiba donburom, kiba beit, kiba khuid, kiba itynnat, bad kiba donburom.

KOLOSSAI 1:9

Na kane ka daw, ngi ju duwai borabor na ka bynta jong phi, naduh ba ngi la ïohsngew shaphang jong phi. Ngi kyrpad ïa U Blei ban pyndap ïa phi da ka jingtip ïa ka mon jong u, da ka jingstad baroh bad ka jingshemphang ba U Mynsiem jong u, u ai.

KOLOSSAI 3:10

Une u long u jingthaw bathymmai uba U Blei, u Nongthaw jong u, u ïai pynthymmai ha ka dur jong u hi, khnang ban wallam ïa phi sha ka jingtip ba-pura shaphang jong u.

TITOS 3:14

Ki briew jong ngi ki dei ban nang ban pynlut ïa la ka por ha kaba leh babha, khnang ba ki lah ban pyndap ïa ki jingdonkam bashisha; kim dei ban im ka jingim ka bymlarkam.

HEBRU 6:10

U Blei um dei uba bishar bymhok. Un ym klet ïa ka kam kaba phi la leh lane ïa ka jingieit kaba phi la pynpaw na ka bynta jong u da ka jingïarap kaba phi la ai bad dang ïai ïarap ïa ki parabangeit.

JAKOB 2:14

Ko parabangeit jong nga, kan myntoi aïu ïa uba ong ba u don ka jingngeit lada da ki kam jong u, um pynshisha ïa kata? Hato kata ka jingngeit kan pynim ïa u?

JAKOB 2:17

Kumta ka long bad ka jingngeit: Lada ka long tang ma ka hi bad kam kynthup ïa ki kam, te ka long kaba ïap.

1 PETROS 2:12

Ka rukom im jong phi hapdeng ki bymngeit ka dei ban long kaba bha kumta ba haba ki mudui ïa phi kum ki nongleh bymman, kin hap ban ithuh shai ïa ki kam babha jong phi bad kumta kin ïaroh ïa U Blei ha ka Sngi ka jingwan jong u.

1 PETROS 3:1

Ha kajuh ka rukom, phi ki kynthei, to da pynkohnguh ïa lade ha la ki tnga, khnang ba lada don uno uno napdeng jong ki, ki bymngeit ïa ka ktien U Blei, ka jinglong jingim jong phi kan jop ïa ki ban ngeit.

1 PETROS 3:16

hynrei, to leh ïa kata ha ka jingjai jai bad da kaba burom. To sumar khuid ïa ka jingïatiplem jong phi, khnang ba haba phi shah krenbeiñ, kita kiba kren sniew ïa ka jinglong jingim babha jong phi kum ki nongbud jong U Khrist kin shah lehrain na ka bynta kaei kaba ki ong.

2 PETROS 1:8

Kine ki long ki jinglong kiba phi donkam, bad lada phi don kyrhai ïa ki, kin pynlong ïa phi kiba smat bad kiba seisoh ha ka jingtip ïa U Jisu Khrist U Trai jong ngi.