PHILEMON 1:16 - Khasi CL Bible (BSI)

¹⁶ Bad mynta um long shuh tang kum u mraw, hynrei kham palat ban ïa u mraw: u long u para ba-ieit ha U Khrist. Katno u long uba kordor ïa nga! Bad katno khraw un long uba kordor ïa me, kum u mraw bad kum u para ha u Trai!

KA BAIBL

¹⁶ ym kum u mraw shuh, hynrei, kham halor ïa u mraw, u parabangeit ba-ieit, kham tam ha nga, hynrei, kaba katno tam ha me, ha ka doh bad ha U Trai!

PHILEMON 1:16 ပူးပေါင်းရင်းမြစ်များ

MATHAÏOS 23:8

Ïa phi ym dei ban khot ‘ko Nonghikai,’ namar ba phi baroh phi ïalong mar ryngkat bad don tang uwei U Nonghikai.

KI KAM 9:17

Kumta u Ananias u la leit, u la rung shapoh ka ïing ha kaba u Saul u don, bad u la buh ïa la ki kti halor jong u. “Ko Saul, u para jong nga,” u la ong, “U Trai u la phah ïa nga — U Jisu hi, uba la mihpaw ha me ha ka lynti katba me dang wan shane. U la phah ïa nga khnang ba men ïoh imat pat bad ban pyndap ïa me da U Mynsiem Bakhuid.”

1 KORINTH 7:22

Naba u mraw uba la khot da U Trai u long uba laitluid na ka bynta U Trai; kumjuh ruh u briew uba laitluid ïa uba la khot da U Khrist u long u mraw jong U.

KOLOSSAI 3:22

Ko ki shakri, to kohnguh ïa ki kynrad jong phi ha kiei kiei baroh, ym tang haba ki ïohi ïa phi namar ba phi kwah ban ïoh pynsngewbha ïa ki; hynrei to leh ïa ka da ka dohnud bashisha namar ka jingsheptieng burom jong phi ïa U Trai.

1 TIMOTHI 6:2

Ki mraw kiba long ki jong ki kynrad kiba ngeit kim dei ban ñiewbeiñ ïa ki, naba ki long ki parabangeit jong ki. Pynban, ki dei ban shakri ïa ki kham bha shuh shuh, namar kito kiba ïoh myntoi na ka jingtrei jong ki, ki long ki parabangeit ïa kiba ki ieit. Me dei ban hikai bad ïalap ïa kine kiei kiei.

HEBRU 3:1

Ko parabangeit jong nga ïa kiba U Blei u la khot! To pyrkhat ïa U Jisu, ïa uba U Blei u la phah ban long U Rangbah Lyngdoh jong ka jingngeit kaba ngi ïaphla.

1 ÏOANNIS 5:1

Uno uno uba ngeit ba U Jisu u long U Messaïah, u long u khun U Blei; bad uno uno uba ieit ïa u kpa, u ieit ïa u khun jong u ruh.