NONGBISHAR 7:4 - Khasi CL Bible (BSI)

⁴ Nangta U Trai u ong ha u Gideon, “Me dang don bun bah ki rangbah. Ïalam ïa ki sha um, bad hangta ngan pynkhlad ïa ki na ka bynta jong me. Lada nga ong ha me ba u briew un leit bad me, un leit. Lada nga ong ha me ba u briew un ym leit bad me, un ym leit.”

KA BAIBL

⁴ Te U Trai u la ong ha u Gideon, “U paidbah u shu dang bun pynban; to ïalam arsut ïa ki sha ka um, te ngan tynjuh ïa ki hangta na ka bynta jong me: bad kan long ruh, ïa uba ngan ong ha me, ‘Une un leit bad me,’ uta keiñ un leit bad me; bad ïa uba ngan ong ha me, ‘Une un ym leit bad me,’ uta un ym ïoh leit.”

NONGBISHAR 7:4 ပူးပေါင်းရင်းမြစ်များ

JENESIS 22:1

Hadien khyndiat por, U Blei u la tynjuh ïa u Abraham; u khot ïa u, “Abraham!” Bad u Abraham u jubab, “Oi, nga hangne!”

Ka Kitab U Job 23:10

Pynban U Blei u tip ïa ka jingjam baroh kaba nga shim; lada u tynjuh ïa nga, un shem ba nga long khuid.

SALM 33:16

U syiem um shym jop namar ka kynhun shipai badonbor jong u; u shipai um shym jop namar ka jingkhlaiñ jong u.

SALM 66:10

Me la buh ïa ngi ha ka jingtynjuh, A Blei; kumba ïa ka rupa la phrang da ka ding kumta me la tynjuh ïa ngi.

SALM 7:9

Me long U Blei uba hok, bad me bishar ïa ki jingpyrkhat bad ïa ki jingkwah jong ngi. Pynsangeh ïa ka jingbymman jong ki nongkamsniew bad ainong ïa kito kiba bha.

NONGBISHAR 7:5

U Gideon u ïalam ïa kita ki briew sha um, bad U Trai u ong ha u, “Pynkhlad ïa uwei pa uwei uba jliah ïa ka um da la u thylliej kum u ksew, na uwei pa uwei uba dem khohsiew ban dih um.”

1 SAMUEL 14:6

U Jonathan u ong ha u samla, “Ïa ngin ïaleit sha shiliang sha ka jaka sher dara jong kito ki Philistia ba mane blei thala. Lehse U Trai un ïarap ïa ngi; lada u ïarap, ym don ei ei kaba lah ban khang ïa u ban ai ha ngi ka jingjop, kam pher la ngi don tang khyndiat ruh.”

1 SAMUEL 16:7

Hynrei U Trai u ong ha u, “Wat pynleit jingmut katno u jrong ka rynïeng bad katno u bhabriew, namar nga la kyntait ïa u; naba ngam bishar kumba bishar ki briew. U briew u peit ïa ka dur kaba shabar, hynrei nga, nga peit ïa ka dohnud.”