NEHEMAÏAH 9:6 - Khasi CL Bible (BSI)

⁶ Bad nangta ki Israel ki duwai ïa kane ka jingduwai: “Ma me, Ko Trai, tang ma me hi marwei me long U Trai; me thaw ïa ki bneng bad ki khlur jong ka sahit bneng. Me thaw ïa ka ryngkew bad ïa ka duriaw bad baroh kiba don ha ki; me ai jingim ïa baroh. Ki bor ha bneng ki dem bad ki mane ïa me.

KA BAIBL

⁶ “Me long U Trai, tang ma me hi; me la thaw ïa ka bneng, ka bneng jong ki bneng, bad ki paidbah jong ki baroh, ïa ka khyndew bad kiei kiei baroh katba don ha ka, ïa ki duriaw bad baroh katba don ha ki, bad me kyrshan ïa ki baroh; bad u paidbah bneng u mane ïa me.

NEHEMAÏAH 9:6 ပူးပေါင်းရင်းမြစ်များ

JENESIS 1:1

Ha kaba mynnyngkong, haba U Blei u la thaw ïa ka pyrthei, ka pyrthei ka long kaba khlem dur bad kaba suda.

JENESIS 1:9

Nangta U Blei u la hukum, “Ai ba ka um kaba hapoh ka sahit bneng kan lang shi jaka khnang ba ka ryngkew kan paw” — bad la pyndep ïa ka.

JENESIS 2:1

Bad kumta la pyndep ïa ka pyrthei baroh kawei.

JENESIS 32:2

Haba u la ïohi ïa ki, u ong, “Kane ka dei ka jaka sher dara jong U Blei”; kumta u la khot kyrteng ïa kata ka jaka ka Mahanaim.

1 SYIEM 22:19

U Mikaïah u ong shuh shuh: “Mynta sngap ïa kaei ba U Trai u ong! Nga ïohi ïa U Trai ba u shong ha ka khet jong u ha bneng, lem bad ki angel jong u kiba ïeng hajan jong u.

1 SYIEM 8:27

“Hynrei me lah mo, A Blei, ban shong shisha ha ka pyrthei? Wat ka bneng baroh kam biang pura ban ngiam ïa me, kumta kumno ka lah ban long ba kane ka Templ ïa kaba nga la tei kan heh haduh katta?

2 SYIEM 19:15

bad u duwai, “A Trai, U Blei jong ki Israel, uba don ha ka khet halor ki Kherub, me hi me long U Blei, uba synshar halor ki hima baroh jong ka pyrthei. me la thaw ïa ka pyrthei bad ïa ka suiñbneng.

2 SYIEM 19:19

Mynta, A Trai U Blei jong ngi, to pyllait ïa ngi na ki Assyria, khnang ba baroh ki hima ka pyrthei kin tip ba tang ma me hi, U Trai, me long U Blei.”

NEHEMAÏAH 9:5

Kine ki Lebi harum ki ai ïa ka jingkhot sha ka jingmane: u Jeshua, u Kadmiel, u Bani, u Hashabneïah, u Sherebaïah, u Hodaïah, u Shebanaïah, bad u Pethahaïah. Ki ong: “Ïeng bad ïaroh ïa U Trai U Blei jong phi; ïaroh ïa u junom la junom! Ai ba baroh kin ïaroh ïa ka kyrteng badonburom jong u, wat la ym don ka jingïaroh ba kynja briew kaba khraw palat.”

SALM 102:25

naduh slem bah me la thaw ïa ka pyrthei, bad da ki kti jong me hi me la thaw ïa ki bneng.

SALM 103:21

Ïaroh ïa U Trai, phi baroh ki bor ba kynja bneng, phi ki shakri jong u, kiba leh ïa ka mon jong u!

SALM 115:15

To phin long kiba la kyrkhu da U Trai, uba la thaw ïa ka bneng bad ïa ka pyrthei!

SALM 124:8

Ka jingïarap jong ngi ka wan na U Trai, uba la thaw ïa ka bneng bad ïa ka khyndew.

SALM 146:6

U Nongthaw jong ka bneng, ka pyrthei bad ka duriaw, bad baroh kiba don ha ki. U bat ïa ki jingkular jong u borabor;

SALM 24:10

Uei une u syiem uba khraw? U Trai uba jop — u dei u syiem uba khraw!

SALM 33:6

U Trai u thaw ïa ki bneng da ka hukum jong u, ïa ka sngi, u bnai bad ki khlur da ka sur kren jong u.

SALM 36:6

Ka hok jong me ka kerkut kum ki lumbah, ka jingbishar hok jong me ka long kum ki jingjylliew ka duriaw, ki briew bad ki mrad ki don ha ka jingsumar jong me.

SALM 86:10

Me long uba donbor bad me leh ïa kiei kiei kiba phylla, tang ma me hi me long U Blei.

ISAÏAH 37:16

“A Trai Badonbor Baroh, U Blei jong ki Israel, uba shong ha ka khet shajrong ki kherub, me marwei me long U Blei, uba synshar ïa baroh ki hima jong ka pyrthei. Me thaw ïa ka pyrthei bad ka sahit bneng.

ISAÏAH 37:20

Mynta, A Trai U Blei jong ngi, pyllait im ïa ngi na ki Assyria, kumta ba baroh ki jaitbynriew jong ka pyrthei kin tip ba tang ma me hi me long U Blei.”

ISAÏAH 43:10

“Ko ki paid Israel, phi long ki sakhi jong nga; nga la jied ïa phi ban long u shakri jong nga, khnang ba phin tip ïa nga bad ngeit ha nga bad sngewthuh ba nga long tang ma nga U Blei. Nalor jong nga ym don uwei pat u blei; u bym pat ju long bad u ban nym long.

ISAÏAH 44:6

U Trai uba synshar bad uba ïada ïa ki Israel, U Trai Badonbor Baroh, u don ïa kane ban ong: “Nga long uba nyngkong, uba khatduh, tang ma nga hi U Blei; ym don uwei pat U Blei hynrei tang ma nga.

ISAÏAH 44:8

Wat sheptieng, ko ki briew jong nga! Phi tip ba naduh ki por mynbarim haduh mynta nga la ïathuhlypa ïa baroh ka ban sa jia, bad phi long ki sakhi jong nga. Hato don uno uno uwei pat U Blei? Hato don kiwei pat ki blei badonbor ba ngam shym ïohsngew?”

ISAÏAH 45:12

Nga long uta uba thaw ïa ka pyrthei bad pynlong ïa ki briew ban shong hangta. Da ka bor jong nga, nga pynpyiar ïa ki bneng; nga pynïaid ïa ka sngi, u bnai, bad ïa ki khlur.

JEREMAÏAH 32:17

“A Trai Nongsynshar, me la thaw ïa ka khyndew bad ka suiñbneng da ka bor bad ka borbah bakhraw; ym don kaba eh than ïa me.

ESEKIEL 20:11

Nga la ai ha ki ïa ki hukum jong nga bad nga la hikai ha ki ïa ki aiñ jong nga, kiba wallam ka jingim ïa uno uno uba kohnguh ïa ki.

JONAH 1:9

“Nga dei u Hebru,” u Jonah u la jubab. “Nga mane ïa U Trai, U Blei ka bneng, uba la thaw ïa ka khyndew bad ka duriaw.”

ÏOANNIS 10:30

U Kpa bad ma nga ngi long kawei.”

KI KAM 4:24

Haba ki riewngeit ki la ïohsngew ïa kata, baroh ki la ïasoh lang ha ka jingduwai sha U Blei: “Ko Kynrad bad ko Nongthaw ïa ka bneng, ka pyrthei, bad ka duriaw, bad ïa baroh kaba don ha ki!

DEUTERONOMI 10:14

Wat ka bneng kaba jrong tam ka long ka jong U Trai; ka khyndew ruh ka long ka jong u, bad kiei kiei ruh kiba don ha ka.

DEUTERONOMI 32:39

“ ‘Nga, bad tang ma nga hi, nga long U Blei; ym don uwei pat u blei uba shisha. Nga pynïap bad nga ai jingim, nga pynmong bad nga pynkoit, bad ym don uba lah ban ïaleh pyrshah ïa kaei ba nga leh.

DEUTERONOMI 6:4

“To sngap ko ki Israel! U Trai U Blei jong ngi u long tang ma u hi U Trai.

HEBRU 1:3

U pynpaw ïa ka jingtyngshaiñ ka burom U Blei bad u ïasyriem thik bad ka dur U Blei hi, uba kyrshan ïa ka pyrthei da ka ktien badonbor jong u. Hadien ba u la ïohpdiang ka jingmap ïa ki pop u khunbynriew, u la shong ha bneng ha ka liang kamon jong U Blei, U Bakhrawbor Tam.

HEBRU 1:6

Hynrei haba U Blei u la dei ban phah ïa U Khun ba la kha nyngkong sha ka pyrthei, u la ong, “Baroh ki angel U Blei ki dei ban mane ïa u.”

JINGPYNPAW 14:7

U la kren ha ka sur kaba jam, “To pyndonburom ïa U Blei bad to ïaroh ïa ka jingkhraw jong u! Naba ka por ka la poi ïa u ba un bishar ïa u khunbynriew. To mane ïa uta uba la thaw ïa ka bneng, ïa ka khyndew, ïa ka duriaw bad ïa ki umpohliew!”

JINGPYNPAW 4:11

“U Trai bad U Blei jong ngi! Me long uba dei hok ban ïoh ïa ka burom, ka jingpyndonburom bad ka bor. Naba me la thaw ïa kiei kiei baroh, bad da ka mon jong me, la ai ïa ki ban im bad ïa ka jingim.”