NEHEMAÏAH 9:32 - Khasi CL Bible (BSI)

³² “A Blei, U Blei jong ngi, katno me long uba khraw! Katno me long uba shyrkhei bad uba donbor! Me batskhem ïa ki kular ka jingïateh jutang. Naduh ka por ba ki syiem Assyria ki banbeiñ ïa ngi, wat haduh kane ka por, haduh katno ngi shahshitom! Ki syiem jong ngi, ki nongïalam jong ngi, ki lyngdoh jong ngi bad ki nongïathuhlypa, ki kpa tymmen jong ngi, bad baroh ki briew jong ngi ki shitom. To kynmaw haduh katno ngi la shahshitom!

KA BAIBL

³² “Mynta, namar kata, U Blei jong ngi, uba khraw, uba don bor, bad uba itieng, uba sumar ïa ka jutang bad ïa ka jingisynei, wat ai ba kane ka jingshitom baroh kan i rit ha khmat jong me, kaba la jia ïa ngi, ïa ki syiem jong ngi, ïa ki rangbah jong ngi, bad ïa ki lyngdoh jong ngi, bad ïa ki nongïathuhlypa jong ngi, bad ïa ki kpa jong ngi, bad u paidbah jong me baroh, naduh ki sngi ki syiem ka Assyria haduh kane ka sngi.

NEHEMAÏAH 9:32 ပူးပေါင်းရင်းမြစ်များ

1 SYIEM 8:23

bad u duwai, “A Trai U Blei ki Israel, ym don U Blei uba kum ma me ha bneng shajrong ne ha khyndew shapoh! Me bat ïa ka jutang bad me pynpaw ïa la ka jingieit ha la ki jong ki briew kiba kohnguh ïa me naduh ka mynsiem.

2 SYIEM 15:19

U Tiglath Pileser, u patsha ka Assyria, u tur ïaleh ïa ka Israel, bad u Menahem u ai ïa u laiphew saw ton ka rupa ban ïoh ïa ka jingkyrshan jong u ban nang pynkhlaiñbor ïa u Menahem halor ka ri.

2 SYIEM 15:29

Ka la jia ba katba u Pekah u long syiem ba u Tiglath Pileser, u patsha ka Assyria, u kurup ïa ki nongbah jong ka Ijon, ka Abel Beth Maakah, ka Janoah, ka Kedesh, bad ka Hasor, bad ki ri jong ka Gilead, ka Galilaïa, bad ka Naphtali, bad u rah koidi ïa ki briew sha Assyria.

2 SYIEM 17:23

haduh ha kaba khatduh U Trai u pyndam noh ïa ki na khmat jong u, kumba u la maham lyngba ki shakri jong u ki nongïathuhlypa, ba un leh kumta. Te ki paid Israel ki la shah pynryngkang par sha Assyria, ha kaba ki dang ïaisah hangta.

2 SYIEM 17:3

U Shalmaneser u patsha ka Assyria u ïaleh thma pyrshah ïa u; u Hoshea u pyndem wait ha u Shalmaneser bad u siew jingnguh syiem man la ka snem.

2 SYIEM 17:6

kaba long ka snem kaba khyndai jong ka jingsynshar u Hoshea, u patsha ka Assyria u kurup ïa ka Samaria, u rah ïa ki Israel sha Assyria kum ki koidi, bad pynsah katto katne ngut na ki ha ka nongbah Halah, katto katne pat hajan ka wah Habor ha ka distrik Gosan, bad katto katne ha ki nongbah jong ka Media.

2 SYIEM 23:29

Katba u Josaïah u long syiem, u Neko u syiem ka Ijipt u ïalam ïa ka kynhun shipai sha ka wah Ïuphratis ban ïarap ïa u patsha ka Assyria. U syiem Josaïah u la pyrshang ban pynsangeh ïa ka kynhun shipai ki Ijipt ha Megiddo bad u la shah pynïap ha ka thma.

2 SYIEM 25:7

Katba u Sedekaïah u dang peit, la pynïap ïa ki khun shynrang jong u; nangta u Nebukhadnessar u la phah khlaw noh ïa ki khmat jong u Sedekaïah, u la buh ïa u ha ki kynjri, bad ïalam ïa u sha Babilon.

ESRA 4:10

ryngkat bad kiwei ki jaitbynriew ïa kiba u Ashurbanipal bakhraw bad badonbor, u la pynkynriah ïa ki na ki ïing jong ki bad pynsah ïa ki ha ka nongbah Samaria bad shawei shaei ha ka probins jong ka Ïuphratis Sepngi.”

ESRA 4:2

Kumta ki leit ban ïakynduh ïa u Serubbabel bad ïa ki rangbah kur bad ki ong, “To ngin ïasnohkti lang bad phi ha ka jingtei ïa ka Templ. Ngi mane ïa ujuh U Blei uba phi mane, bad ngi ju ai ki jingkñia ha u naduh ka por u Esarhaddon, u patsha ka Assyria, uba phah ïa ngi ban shong ban sah hangne.”

ESRA 9:13

Wat hadien kiei kiei kiba la jia ïa ngi da ka jingpynshitom na ka bynta ki pop bad ki jingleh bymdei jong ngi, ngi tip ba ma me, U Blei jong ngi, mem shym la pynshitom than ïa ngi kumba ka dei ïa ngi bad me la shah ïa ngi ban ïoh im.

NEHEMAÏAH 1:5

Nga duwai ha U Blei, “A Trai U Blei jong ka bneng! Me long uba khraw, ngi ïeng ha ka jingsheptieng ïa me. Me batskhem ïa la ka jutang bad kito kiba ieit ïa me bad kiba leh ïa kaei kaba me hukum.

SALM 47:2

U Trai, u Bahakhlieh Tam Eh, u long uba dei ban sheptieng; U long u syiem bakhraw, uba synshar halor ka pyrthei baroh.

SALM 66:3

To ong ha U Blei, “A katno kiba phylla long kiei kiei kiba me leh! Ka bor jong me ka long kaba khraw katta katta ba ki nongshun jong me ki dem ngon ha ka jingsheptieng ha khmat jong me.

SALM 66:5

To wan bad peit aïu U Blei u la leh, ki kam baphylla jong u hapdeng ki briew.

EKSODOS 18:8

U Moses u la ïathuh ha u Jethro ïa kaei kaei baroh kaba U Trai u la leh ïa u Pharaoh bad ïa ki nong Ijipt khnang ba un ïoh pyllait im ïa ki Israel. U la ïathuh ruh ha u ïa ki jingeh ba ki Israel ki la ïakynduh ha lynti bad kumno U Trai u la pyllait im ïa ki.

ISAÏAH 9:6

Ïa i khunlung la kha ha ngi! Ïa u khun la ai ha ngi! Bad un long u nongsynshar jong ngi. Yn khot ïa u, “U Nongsyllok Baphylla,” “U Blei Bakhrawbor,” “U Kpa Bymjukut,” “U Syiem ka Jingsuk.”

DANIEL 9:4

Nga la duwai ha U Trai U Blei jong nga bad nga la phla ïa ki pop jong ki briew jong nga. Nga la ong, “A Trai U Blei, me long uba khraw, bad ngi pyndonburom ïa me. Me long uba bat ïa la ka jutang bad me pyn-i ka jingieit baneh ïa kito kiba ieit ïa me bad leh ïa kaei kaba me hukum.

DANIEL 9:6

Ngim shym la shahshkor ïa ki nongïathuhlypa, ki shakri jong me, kiba la kren ha ka kyrteng jong me sha ki syiem jong ngi, ki nongsynshar jong ngi, ki kpa tymmen jong ngi, bad ka jaitbynriew jong ngi baroh kawei.

DANIEL 9:8

Ki syiem jong ngi, ki nongsynshar jong ngi, bad ki kpa tymmen jong ngi ki la pynlehrain bad ki la leh pop pyrshah ïa me a Trai.

LEBITIKOS 26:18

“Lada wat hadien kat kane phim treh satia ban shahshkor ïa nga, ngan pynshitom jur ïa phi sa hynñiew shah.

LEBITIKOS 26:21

“Lada phi dang ïaleh pyrshah ïa nga bad phim treh ban kohnguh ïa nga, ngan pynshitom shuh shuh ïa phi sa hynñiew shah.

LEBITIKOS 26:24

te nga ruh ngan phai pyrshah ïa phi bad ngan pynshitom ïa phi kham jur sa hynñiew shah.

LEBITIKOS 26:28

te ha ka jingbitar ngan phai pyrshah ïa phi, bad sa shisien ngan pynshitom jur shuh shuh ïa phi sa hynñiew shah ban ïa kaba la long mynshuwa.

DEUTERONOMI 7:12

“Lada phi shahshkor ïa kine ki hukum bad kohnguh hok ïa ki, U Trai U Blei jong phi un ïai bat ïa la ka jutang bad phi bad un pynpaw ha phi ïa ka jingieit jong u kaba ïaineh, kumba u la kular ha ki kpa tymmen jong phi.

DEUTERONOMI 7:13

Un ieit bad kyrkhu ïa phi, ba phin nang roi kyrhai. Un kyrkhu ruh ba phin ïoh shibun ki khun ki kti; un kyrkhu ïa ki lyngkha jong phi ba phin ïoh u kew, ka waiñ, bad ka umphniang Olib; bad un kyrkhu ruh ïa phi da kaba ai ha phi shibun ki masi bad ki langbrot, ha kata ka ri ïa kaba u la kular ha ki kpa tymmen jong phi ban ai ha phi.

DEUTERONOMI 7:21

Kumta wat sheptieng ïa kita ki briew. U Trai U Blei jong phi u don ryngkat bad phi; u long U Blei uba donbor bad uba itieng.

DEUTERONOMI 7:9

To kynmaw ba U Trai U Blei jong phi u long ma u hi U Blei, U Blei uba ïaineh. Un bat ïa la ka jutang bad pynpaw ïa la ka jingieit kaba ïaineh ha ki hajar pateng bynriew kiba ieit ïa u bad kiba kohnguh ïa ki hukum jong u,