NEHEMAÏAH 9:30 - Khasi CL Bible (BSI)

³⁰ Na kawei ka snem sha kawei pat, ha ka jingïaishah me la maham ïa ki. Me pyrsad mynsiem ïa ki nongïathuhlypa jong me ban kren, hynrei ki briew jong me ki long kyllut, kumta me shah ïa kiwei pat ki jaitbynriew ban jop ïa ki.

KA BAIBL

³⁰ Pynban, bun snem me la shah ïa ki, bad me la phla pyrshah ïa ki da U Mynsiem jong me da ki nongïathuhlypa: pynban, kim shahshkor; namar kata, me la ai noh ïa ki ha ka kti ki kynja bynriew jong kita ki ri.

NEHEMAÏAH 9:30 ပူးပေါင်းရင်းမြစ်များ

2 SYIEM 18:11

U patsha ka Assyria u ïalam ïa ki Israel sha Assyria kum ki koidi bad u pynshong pynsah ïa ki katto katne na ki ha ka nongbah Halah, katto katne hajan ka wah Habor ha ka distrik Gosan, bad katto katne ha ki nongbah ka Media.

2 SYIEM 21:10

Lyngba ki shakri jong u, ki nongïathuhlypa U Trai u ong,

2 KHRONIKL 24:19

U Trai u la phah ïa ki nongïathuhlypa ban maham ïa ki ban phai pat sha u, hynrei ki paidbah ki kyntait ban shahshkor.

ESRA 9:10

“Hynrei mynta, A Blei, kaei kaba ngi lah ban ïa-ong hadien kata baroh kaba la jia? Ngi la long ki bymkohnguh biang ïa ki hukum kiba me la ai ha ngi lyngba ki shakri jong me, ki nongïathuhlypa.

NEHEMAÏAH 9:20

Ha ka jingbha jong me, me ong ïa ki ïa kaei kaba ki dei ban leh; me la bsa ïa ki da ka manna bad ai um ïa ki ban dih.

NEHEMAÏAH 9:26

“Hynrei ki briew jong me ki ïaleh pyrshah bad leh bymkohnguh ïa me; ki phai dien noh na ka Hukum jong me. Ki pynïap ïa ki nongïathuhlypa kiba maham ïa ki,

NEHEMAÏAH 9:29

Me maham ïa ki ban kohnguh ïa ki jinghikai jong me, hynrei ha ka jingsarong ki kyntait ïa ki hukum jong me, wat la kaba sumar ïa ka Hukum ka long ka lynti sha ka jingim. Kiba mutlop bad kiba ehrang, ki kyntait ban kohnguh.

SALM 86:15

Hynrei ma me, ko Trai, me long U Blei uba isynei bad uba ieit, uba ïaishah borabor, uba ïai lehsbun bad uba ïaineh.

SALM 95:10

Jin haduh sawphew snem nga la ijli ïa kito ki briew. Nga la ong, ‘Haduh katno ki long kiba shetkylla! Ki kyntait ban kohnguh ïa ki hukum jong nga.’

ISAÏAH 28:10

U pyrshang ban hikai ha ngi ïa kawei pa kawei ka kyntien, kawei pa kawei ka laiñ, kawei pa kawei ka jinghikai.”

ISAÏAH 42:24

Mano ba la ai ïa ki Israel ha ki nonglute? Ka long na U Trai hi, pyrshah ïa u ba ngi la leh pop! Ngim shym im kumba u kwah ïa ngi ban im, lane kohnguh ïa ki jinghikai kiba u ai ha ngi.

ISAÏAH 48:9

“Khnang ba ki briew kin ïaroh ïa ka kyrteng jong nga, nga pyntud ïa ka jingbitar jong nga ha lade; nga bat noh ïa ka bad ban ym pynjot ïa phi.

ISAÏAH 63:10

hynrei ki la ïaleh pyrshah ïa u bad ki la pynsngewsih ïa U Mynsiem Bakhuid jong u. Namar kata U Trai u la kylla long u nongshun jong ki bad u la ïaleh pyrshah ïa ki.

JEREMAÏAH 25:4

Wat la U Trai u ïai phah sha phi ïa ki shakri jong u ki nongïathuhlypa, pynban phim shym la sngap ne patiaw ei ei.

JEREMAÏAH 44:22

Ha kane hi ka sngi ka ri jong phi kan sah ha ki jingjot bad ym don mano mano ban shong ban sah ha ka. Ka la long ka jingïohi ba-itriem, bad ki briew ki pyndonkam ïa ka kyrteng jong ka kum ka jingtim, namar U Trai um lah shah shuh ïa ki kam bymman bad basniew jong phi.

JEREMAÏAH 44:4

Nga ïai phah sha phi ïa ki shakri jong nga kiba long ki nongïathuhlypa, kiba la ong ïa phi ban ym leh ïa kane kaei kaei kaba shyrkhei kaba nga isih.

JEREMAÏAH 44:5

Hynrei phim shahshkor satia lane pynleit jingmut. Phim iehnoh noh ïa ki jingmlien basniew ban kñia ha kiwei ki blei.

JEREMAÏAH 7:25

Naduh ka sngi ba ki kpa tymmen jong phi ki la mihnoh na Ijipt haduh kane hi ka sngi, nga la ïai phah ïa ki shakri jong nga, ki nongïathuhlypa, sha phi.

SNGEWSYNEI 2:17

U Trai u la pyndep khoit ïa kaei kaba u la byrngem ban leh: U la pynjot ïa ngi khlem jingisynei, kumba u la maham ïa ngi la slem bah. U la ai ka jingjop ha ki nongshun jong ngi, u la ai ha ki ka jingkmen ha ka jingkyllon jong ngi.

DANIEL 9:6

Ngim shym la shahshkor ïa ki nongïathuhlypa, ki shakri jong me, kiba la kren ha ka kyrteng jong me sha ki syiem jong ngi, ki nongsynshar jong ngi, ki kpa tymmen jong ngi, bad ka jaitbynriew jong ngi baroh kawei.

SEKHARAÏAH 7:12

bad ki pynlong ïa ki dohnud jong ki, kiba eh kum u mawsiang. Namar ba kim shym la shahshkor ïa ka jinghikai kaba nga la phah lyngba ki nongïathuhlypa kiba la im slem bah, nga la bitar shikatdei eh.

SEKHARAÏAH 7:13

Namar ba kim shym la shahshkor mynba nga la kren, ngam shym la jubab mynba ki la duwai.

JINGKHEIÑ 11:26

Ar ngut na kita ki hynñiewphew ngut ki nongïalam, u Eldad bad u Medad, ki sah ha ka jaka shong dara bad kim shym la leit sha ka Ïingjaiñ. Hangta ha ka jaka shong dara, kata ka bor mynsiem ka wan ha ki, bad ki ruh ki sdang ban pyrta jam kum ki nongïathuhlypa.

KI KAM 13:18

bad haduh sawphew snem u la ïaishah bad ki ha ka ri shyiap.

KI KAM 28:25

Kumta ki la leit noh, da ka jingbymïasngewthuh jingmut para ma ki, hadien ba u Paul u la lah ong ïa kane kawei: “Katno kaba dei ba U Mynsiem Bakhuid u la kren ha ki kpa tymmen jong ngi lyngba u Isaïah u nongïathuhlypa!

KI KAM 7:51

“A katno phi long kiba eh ryndang!” u Stephan u bteng ban kren. “A katno ki dohnud jong phi ki long kum kiba mane blei thala, katno phi leh kyllut ïa ka khubor jong U Blei! Phi long kum ki kpa tymmen jong phi: Phi ruh phi la ïai ïaleh pyrshah ïa U Mynsiem Bakhuid!

Ka Shithi U Paul Sha Ki Nong Rom 2:4

Lane lehse phi ibeiñ ïa ka jingsbun bakhraw jong u, ka jingshah laitluid, bad ka jingïaishah. Da shisha phi tip ba U Blei u long uba sbun, namar u pyrshang ban ïalam ïa phi ban kylla-kaba-mut.

1 PETROS 1:11

Ki pyrshang ban shem lano ka por kan long bad kumno kan wan. Kane ka la long ka por sha kaba U Mynsiem U Khrist uba don ha ki u kdew, ha kaba ïathuhlypa ïa ki jingshah shitom kiba U Khrist un hap ban shah bad ïa ka burom ka ban sa bud.

2 PETROS 1:21

Naba ym don khubor jingïathuhlypa kaba la ju wan tang na ka mon u briew, hynrei ki briew ki la long hapoh ka jingpynïaid jong U Mynsiem Bakhuid katba ki dang kren ïa ka khubor kaba la wan na U Blei.

2 PETROS 3:9

U Trai um pyntud ban leh ïa kaei kaba u la kular, kumba don kiba pyrkhat. Pynban, u long uba ïaishah slem bad phi, namar um kwah ïano ïano ban jot noh, hynrei u kwah ba baroh kin phai noh na ki pop jong ki.