NEHEMAÏAH 9:19 - Khasi CL Bible (BSI)

¹⁹ Hynrei mem shym iehnoh ïa ki hangta ha ka ri shyiap, namar ka jingisynei jong me ka long kaba khraw. Mem shym la shim noh ïa u lyoh lane ïa ka ding uba pyn-i ha ki ïa ka lynti mynsngi bad mynmiet.

KA BAIBL

¹⁹ pynban, me ha ki jingisynei babun jaid jong me, mem shym la iehnoh noh ïa ki ha ka ri khlaw: u rishot lyoh um shym la kynriah noh na shaneng jong ki mynsngi, ban ïalam ïa ki ha ka lynti; lymne u rishot ding mynmiet, ban pynshai ïa ki, bad ïa ka lynti kaba ki dei ban ïaid.

NEHEMAÏAH 9:19 ပူးပေါင်းရင်းမြစ်များ

NEHEMAÏAH 9:12

Da u lyoh me ïalam ïa ki ha ka por mynsngi, bad mynmiet me pynshai ïa ka lynti jong ki da ka ding.

NEHEMAÏAH 9:27

kiba ong ïa ki ba ki dei ban phai pat sha me. Ki la ñiewbeiñ ïa me na ka por sha ka por, ba kumta me shah ïa ki nongshun jong ki ban jop bad synshar ïa ki. Ha ka jingeh jong ki, ki khot ïa me na ka bynta ka jingïarap, bad me jubab ïa ki na bneng. Ha ka jingisynei bakhraw me phah ki nongïalam ïa ki kiba pyllait ïa ki na ki nongshun jong ki.

NEHEMAÏAH 9:31

Bad pynban, namar ka jingkhraw ka jingisynei jong me, mem shym iehnoh ne pynjot ïa ki. Me long U Blei ka jingaiei bad ka jingisynei!

SALM 106:45

Na ka bynta jong ki u kynmaw ïa ka jutang jong u, bad namar ka jingieit bakhraw jong u, u la kylla jingmut.

SALM 136:16

U la ïalam ïa la ki briew lyngba ka ri shyiap; ka jingieit jong u ka neh bymjukut.

EKSODOS 40:36

Ki Israel ki kynriah jaka tang lada uta u lyoh u kiew shajrong na kata ka Ïingjaiñ.

EKSODOS 40:38

Ha ki jingïaid lynti jong ki baroh shi lynter, ki lah ban ïohi mynsngi ïa ka jingdon ryngkat U Trai ha uta u lyoh halor ka Ïingjaiñ, bad mynmiet pat ha ka ding kaba meh halor jong ka.

ISAÏAH 44:21

U Trai u ong, “Ko Israel to kynmaw ïa kane; kynmaw ba phi long u shakri jong nga. Nga la thaw ïa phi ban long u shakri jong nga, bad ngan ym klet ïa phi.

SNGEWSYNEI 3:22

Ka jingieit baneh bad ka jingisynei jong U Trai ka ïaineh,

ESEKIEL 20:14

Hynrei ngam shym la leh kumta, naba kata kan jin da la wallam ka jingjahburom ïa ka kyrteng jong nga hapdeng ki jaitbynriew kiba la lah ïohi ïa nga ba nga ïalam noh ïa ki Israel na Ijipt.

ESEKIEL 20:17

“Hynrei pynban nga la pyrkhat isynei ïa ki. Nga la rai ban ym pynïap ïa ki ha ka ri shyiap.

ESEKIEL 20:22

Hynrei ngam shym la leh kumta, naba kata kan jin da la wallam ka jingjahburom ïa ka kyrteng jong nga hapdeng ki jaitbynriew kiba la lah ïohi ïa nga ba nga ïalam ïa ki Israel shabar na ka Ijipt.

DANIEL 9:18

To shahshkor ïa ngi, A Blei; to khmih sha ngi, bad peit ïa ka jingjynjar kaba ngi don bad ïa ka jingshah shitom jong ka nongbah kaba kit ïa ka kyrteng jong me. Ngi duwai ha me namar ba me long uba dap da ka jingisynei, ym namar ba ngi la leh ïa kaba dei.

DANIEL 9:9

Me long uba dap da ka jingisynei bad uba map, wat la ngi la ïeng ïaleh pyrshah ïa me.

MALAKHI 3:6

“Nga long U Trai, bad ngam ju kylla. Bad kumta ma phi, ki khun ki ksiew u Jakob, phim pat shym la jah noh khoit.

JINGKHEIÑ 14:14

kin sa ïathuh ïa kata ha ki briew kiba shong ha kane ka ri. Kine ki briew ki la lah ïohsngew ba me, A Trai, me don lem bad ngi, bad ba me paw ha kaba ïohi shai haba u lyoh jong me u sangeh halor jong ngi bad ba me leit ha shuwa jong ngi ha u rishot lyoh mynsngi bad u rishot ding mynmiet.

DEUTERONOMI 8:2

Kynmaw kumno U Trai U Blei jong phi u la ïalam ïa phi baroh shi lynter lynti lyngba ka ri shyiap ha kine ki sawphew snem kiba la dep ba un pyndem ïa phi, u da tynjuh ïa phi ba un ïoh tip aïu phi thmu ban leh, bad la phin kohnguh ne em ïa ki hukum jong u.

1 SAMUEL 12:22

U Trai u la ai ka jingkular kaba kyntang bad un ym iehnoh ïa phi namar u la rai ban pynlong ïa phi ki briew jong u.