NEHEMAÏAH 9:17 - Khasi CL Bible (BSI)

¹⁷ Ki la kyntait ban kohnguh; ki la klet ïa baroh kaba me la leh; ki la klet noh ïa ki kambah kiba me la leh. Ha ka jingsarong jong ki, ki la jied u nongïalam ban ïalam biang ïa ki sha ka jinglongmraw ha Ijipt. Hynrei me long U Blei uba map; me long uba dap da ka jingaiei bad ka jingieit, uba suki ban bitar. Ka jingisynei jong me ka long kaba khraw; mem shym iehnoh ïa ki.

KA BAIBL

¹⁷ bad ki la kyrngah ban kohnguh, bad kim shym la kynmaw ïa ki jingphylla kiba me la leh hapdeng jong ki; hynrei, ki la pyneh ïa la ka ryndang, bad ha ka jingïaleh pyrshah jong ki, ki la thung nongïalam ban phai pat sha ka jinglongmraw: hynrei, me long U Blei uba kloi ban map, uba aiei bad uba dap ka jingisynei, uba tud ban bitar, uba kynrei ha ka jingisynei, bad mem shym la kyntait noh ïa ki.

NEHEMAÏAH 9:17 ပူးပေါင်းရင်းမြစ်များ

1 SYIEM 6:13

Ngan shong hapdeng ki Israel ki briew jong nga, ha kane ka Templ kaba me dang tei bad ngan ym iehnoh ïa ki.”

1 SYIEM 8:57

To U Trai U Blei jong ngi un don ryngkat bad ngi, kumba u la don ryngkat bad ki kpa tymmen jong ngi; to un ym iehnoh ïa ngi lane lyndet ïa ngi;

2 KHRONIKL 36:13

U Sedekaïah u ïaleh pyrshah ïa u Syiem Nebukhadnessar, uba pynbor ïa u bad smai ha ka kyrteng U Blei ba un ïaineh ha u. Da kaba leh mutlop u kyntait ban kylla-kaba-mut bad ban phai pat sha U Trai, U Blei ki Israel.

ESRA 9:9

Ngi la long ki mraw, hynrei mem shym la iehnoh ïa ngi ha ka jinglongmraw. Me la pynlong ïa ki patsha ka Persia ban lehsbun ïa ngi bad ban shah ïa ngi ban dang ïoh ban im bad ban tei pat ka Templ jong me, kaba la long ha ka jingjot jingpra, bad ban ïoh ïa ka jingshongshngain hangne ha Judah bad Jerusalem.

NEHEMAÏAH 9:31

Bad pynban, namar ka jingkhraw ka jingisynei jong me, mem shym iehnoh ne pynjot ïa ki. Me long U Blei ka jingaiei bad ka jingisynei!

SALM 106:13

Hynrei shen ki klet noh ïa kaei kaba u la leh bad ki la leh khlem ap ïa ka jingai jingmut jong u.

SALM 106:7

Ki kpa tymmen jong ngi ha Ijipt kim shym la sngewthuh ïa ki kam baphylla jong U Blei; ki la klet ba bunsien u la pyn-i ha ki ïa ka jingieit jong u, bad ki la ïaleh pyrshah ïa U Badonbor Baroh ha ka Duriaw Basaw.

SALM 130:4

Hynrei me map ei ïa ngi, khnang ba ngi dei ban tiengburom ïa me.

SALM 78:10

Kim shym bat ïa ka jutang jong ki bad U Blei; ki kyntait ban kohnguh ïa ka aiñ jong u.

SALM 78:11

Ki la klet ïa kaei kaba u la leh, ki kambah kiba ki lah ïohi ïa u ba u leh.

SALM 78:38

Hynrei U Blei u la sngewsynei ïa ki briew jong u. U la map ïa ki pop jong ki bad um shym pynjot ïa ki. Bunsien u set noh ïa ka jingbitar jong u bad u tyngkai ïa ka jingbitar shla jong u.

SALM 86:15

Hynrei ma me, ko Trai, me long U Blei uba isynei bad uba ieit, uba ïaishah borabor, uba ïai lehsbun bad uba ïaineh.

SALM 86:5

Me long uba bha ïa ngi bad uba map ei, uba shlei da ka jingieit baneh ïa kito baroh kiba duwai sha me.

EKSODOS 32:9

Nga tip haduh katno kine ki briew ki long kiba mutlop.

PROBERB 1:24

Nga ïai pyrta ïa phi, nga da khot sngewbha ba phin wan, hynrei phim sngap. Phim shahshkor satia ïa nga.

JEREMAÏAH 18:15

Pynban ki briew jong nga ki la klet noh ïa nga; ki thang jingiwbih ïa ki bleithaw. Ki la jynthut ha ka lynti ba ki dei ban leit, kim shym bud shuh ïa ki lynti ba-mynshuwa; ki ïaid ha ki lynti ba khlem buh dak.

JEREMAÏAH 19:15

ba U Trai Badonbor Baroh, U Blei jong ka Israel, u la lah ong, “Ngan wallam ha kane ka nongbah bad ha kawei pa kawei ka shnong ba-marjan ïa ka jingpynshitom baroh kaba nga la ong ba ngan leh, namar phi long kiba mutlop bad phim shym shahshkor ïa kaei kaba nga kren.”

JEREMAÏAH 7:26

Pynban ym don mano mano ba sngap lane pynshahshkor. Pynban, phi la nang kham mutlop bad ïeng ïaleh pyrshah ban ïa ki kpa tymmen jong phi.

ESEKIEL 5:6

Hynrei ka Jerusalem ka la ïaleh pyrshah ïa ki hukum jong nga, ka da pynpaw ba ka long kaba kham sniew ban ïa kiwei pat ki ri, ka la long bymkohnguh kham palat ïa ki ri kiba don sawdong jong ka. Ka Jerusalem ka la kyntait ïa ki hukum jong nga bad kam kohnguh satia ïa ki aiñ jong nga.

DANIEL 9:9

Me long uba dap da ka jingisynei bad uba map, wat la ngi la ïeng ïaleh pyrshah ïa me.

JOEL 2:13

Ai ba ka dohnud ba la pait jong phi kan pyn-i ïa ka jingsngewsih jong phi; kaba kad ïa ki jaiñphong jong phi kam biang.” To wan phai pat sha U Trai U Blei jong phi. U long uba sbun bad uba dap da ka jingisynei; u long uba ïaishah slem bad uba bat ïa la ka kular; u long borabor uba kloi ban map bad ym ban pynshitom.

LEBITIKOS 26:44

Hynrei la katta ruh, katba ki dang don ha ka ri ki nongshun jong ki, ngan ym iehnoh syndon lane pynjot ïa ki. Da kumta ngan ym pyndkut noh ïa ka jutang jong nga bad ki, naba nga long U Trai U Blei jong ki.

NAHUM 1:3

U Trai um ju bitar shen, hynrei u long uba khrawbor bad um ju shah ba kiba shah rai pynrem kin lait khlem shah pynshitom. Hangno ha kaba U Trai u ïaid, ki 'erïong ki khie; ki lyoh ki long ki pui pui ba la pynmih da ki kjat jong u!

JINGKHEIÑ 14:11

U Trai u ong ha u Moses, “Sa katno kine ki briew kin kyntait ïa nga? Sa katno ruh kin kyntait ban shaniah ha nga, wat la nga la leh bun ki kambah hapdeng jong ki?

JINGKHEIÑ 14:41

Hynrei u Moses u ong, “Te balei phi dang ïaleh pyrshah ïa U Trai mynta? Phin ym jop!

JINGKHEIÑ 16:14

Da shisha, phim shym la ïalam ïa ngi sha kata ka ri kaba tuid da ka dud bad ka ngap lane ai ha ngi ïa ki lyngkha bad ki bri sohwaiñ kum ka jingïohkynti jong ngi, bad mynta phi pyrshang ban shukor ïa ngi. Ngim wan!”

KI KAM 7:39

“Hynrei ki kpa tymmen jong ngi ki la kyntait ban kohnguh ïa u; ki la ñiat ïa u sharud bad ki la kwah ban leit phai pat sha ka ri Ijipt.

Ka Shithi U Paul Sha Ki Nong Rom 9:15

Naba u la ong ha u Moses, “Ngan leh-isynei ha uno uno uba nga kwah; ngan sngewsynei ïa uno uno uba nga kwah.”

HEBRU 12:25

Te, to sumar bad wat kyntait ban shahshkor ïa uta uba kren. Kita kiba kyntait ïa uta uba ïathuh ïa ka khubor ba kynja bneng ha pyrthei kim shym lait im. Sa katno tam ma ngi, ngin ïohlait im, te, lada ngi phai noh na uta uba kren na bneng.

1 SAMUEL 12:22

U Trai u la ai ka jingkular kaba kyntang bad un ym iehnoh ïa phi namar u la rai ban pynlong ïa phi ki briew jong u.