NEHEMAÏAH 9:16 - Khasi CL Bible (BSI)

¹⁶ Hynrei ki kpa tymmen jong ngi ki la sarong bad eh dohnud bad kyntait ban kohnguh ïa ki hukum jong me.

KA BAIBL

¹⁶ “Hynrei, ma ki bad ki kpa jong ngi ki la leh meng, bad ki la pyneh ïa la ka ryndang, bad kim shym la sngap ïa ki hukum jong me,

NEHEMAÏAH 9:16 ပူးပေါင်းရင်းမြစ်များ

2 SYIEM 17:14

Hynrei kim shym la kohnguh; ki long kiba mutlop kum ki kpa tymmen jong ki, ki bym shym la shaniah ha U Trai U Blei jong ki.

2 KHRONIKL 29:6

Ki kpa tymmen jong ngi kim shym la ïaineh bad U Trai U Blei jong ngi, bad ki la leh ïa kata kaba pynsngewsih ïa u. Ki la iehnoh ïa u, bad ki la phai dien noh na kata ka jaka ha kaba u shong.

2 KHRONIKL 30:8

Wat long kiba mutlop kum ma ki, hynrei to kohnguh ïa U Trai. Wan sha ka Templ ha Jerusalem ïa kaba U Trai U Blei jong phi u la pynlong khuid junom, bad to mane ïa U, ba kumta phin un ym bitar shuh ïa phi.

2 KHRONIKL 36:13

U Sedekaïah u ïaleh pyrshah ïa u Syiem Nebukhadnessar, uba pynbor ïa u bad smai ha ka kyrteng U Blei ba un ïaineh ha u. Da kaba leh mutlop u kyntait ban kylla-kaba-mut bad ban phai pat sha U Trai, U Blei ki Israel.

NEHEMAÏAH 9:10

Me pynjia ki kambah baphylla pyrshah ïa u Pharoah, pyrshah ïa ki rangbah synshar ki briew jong ka ri jong u, namar me tip kumno ki la banbeiñ ïa ki briew jong me. Me la jop ha kata ka por, ka nam kaba me dang don ha kane ka sngi.

NEHEMAÏAH 9:29

Me maham ïa ki ban kohnguh ïa ki jinghikai jong me, hynrei ha ka jingsarong ki kyntait ïa ki hukum jong me, wat la kaba sumar ïa ka Hukum ka long ka lynti sha ka jingim. Kiba mutlop bad kiba ehrang, ki kyntait ban kohnguh.

SALM 106:6

Ngi la leh pop kumba ki kpa tymmen jong ngi ki la leh; ngi la long bymman bad sniew.

SALM 81:8

To sngew, ko ki briew jong nga, ïa ka jingmaham jong nga; ko Israel, katno nga kwah ïa phi ba phin sngap ïa nga!

EKSODOS 15:26

U la ong, “Lada phi kohnguh ïa nga naduh ka dohnud da kaba leh ïa kata kaba nga ñiew ba ka long kaba dei, bad da kaba sumar ïa ki hukum jong nga, ngan ym pynshitom ïa phi da kano kano ka jingpang kaba nga la pynngat ha ki nong Ijipt. Nga long U Trai uba pynkhiah ïa phi.”

EKSODOS 32:9

Nga tip haduh katno kine ki briew ki long kiba mutlop.

PROBERB 29:1

Lada phi ïai mutlop man la ka por ba phi shah pynbeit, ha kawei ka sngi phin sa shah pynlwet bad phin ym lah khie shuh.

ISAÏAH 48:18

“Tang lada phi la sngap ïa ki hukum jong nga! Te ki jingkyrkhu kin jin da la tuid ha phi kum ka wahduid ka bym ju rngad! Ka jingjop kan jin da la wan ha phi kum ki jingat phyllung kiba phaloh ha ka rud duriaw.

ISAÏAH 48:4

Nga la tip ba phin pynshisha ba phi long kiba mutlop, kiba pyneh kum ka nar bad ka rnong bym lah ban pynkdor.

ISAÏAH 63:10

hynrei ki la ïaleh pyrshah ïa u bad ki la pynsngewsih ïa U Mynsiem Bakhuid jong u. Namar kata U Trai u la kylla long u nongshun jong ki bad u la ïaleh pyrshah ïa ki.

JEREMAÏAH 19:15

ba U Trai Badonbor Baroh, U Blei jong ka Israel, u la lah ong, “Ngan wallam ha kane ka nongbah bad ha kawei pa kawei ka shnong ba-marjan ïa ka jingpynshitom baroh kaba nga la ong ba ngan leh, namar phi long kiba mutlop bad phim shym shahshkor ïa kaei kaba nga kren.”

JEREMAÏAH 2:31

Ko paid Israel, to shahshkor ïa kaei kaba nga ong. Hato nga la long kum ka ri shyiap ïa phi, kum ka ri kaba dum bad kaba ma? Balei te ba phi ong ba phin leh kat kaba phi sngewbha, ba phin ym wan phai shuh sha nga?

JEREMAÏAH 7:26

Pynban ym don mano mano ba sngap lane pynshahshkor. Pynban, phi la nang kham mutlop bad ïeng ïaleh pyrshah ban ïa ki kpa tymmen jong phi.

ESEKIEL 5:6

Hynrei ka Jerusalem ka la ïaleh pyrshah ïa ki hukum jong nga, ka da pynpaw ba ka long kaba kham sniew ban ïa kiwei pat ki ri, ka la long bymkohnguh kham palat ïa ki ri kiba don sawdong jong ka. Ka Jerusalem ka la kyntait ïa ki hukum jong nga bad kam kohnguh satia ïa ki aiñ jong nga.

KI KAM 7:51

“A katno phi long kiba eh ryndang!” u Stephan u bteng ban kren. “A katno ki dohnud jong phi ki long kum kiba mane blei thala, katno phi leh kyllut ïa ka khubor jong U Blei! Phi long kum ki kpa tymmen jong phi: Phi ruh phi la ïai ïaleh pyrshah ïa U Mynsiem Bakhuid!

Ka Shithi U Paul Sha Ki Nong Rom 2:5

Hynrei phi don ka dohnud kaba eh bad kaba kuman, bad kumta phi pynlong ka jingpynshitom ïa lade hi wat kham khraw ha ka Sngi ha kaba ïa ka jingbitar U Blei bad ki jingbishar bahok yn pynpaw.

DEUTERONOMI 31:27

Nga tip haduh katno phi long kiba mutlop bad kiba ïaleh pyrshah. Phi la ïaleh pyrshah ïa U Trai mynba nga dang im, bad ynda nga la ïap lei lei, phin nang kham ïaleh pyrshah ïa u.

DEUTERONOMI 32:15

“Ki briew U Trai ki la riewspah, hynrei kiba ïaleh pyrshah; ki la sngaid bad ki la dap bha da ka jingbam. Te ki la iehnoh ïa U Blei uba la thaw ïa ki, bad ki la kyntait ïa u nongpynim bakhrawbor jong ki.

DEUTERONOMI 5:29

A, ba kin da la ïoh ïa kane ka dohnud! Ba kin da la sheptieng burom ïa nga bad kohnguh ïa ki hukum jong nga borabor, ma ki bad ki khun ki ksiew jong ki kin jin da la manbha junom.

DEUTERONOMI 9:13

“U Trai u la ong ruh ha nga, ‘Nga tip ba kine ki briew ki long kiba mutlop palat.

DEUTERONOMI 9:27

Kynmaw ïa la ki shakri, ïa u Abraham, u Isaak, bad u Jakob, bad wat thew ïa ka jingmutlop, ka jingbymman, bad ka pop jong une u paidlang.

DEUTERONOMI 9:6

Phi dei ban tip, namar kata, ba U Trai um shym ai ha phi ïa kane ka ri kaba seisoh ban ïohkynti namar ka hok jong phi. Phi dei ka jaitbynriew kaba mutlop.

HEBRU 3:13

Pynban, khnang ba ym don uwei na phi u ban shah shukor ha ka pop bad eh dohnud; phi dei ban ïarap iwei ïa iwei pat ha la ka sngi, katba ka ktien “Mynta” ha ka Jingthoh Bakhuid ka kren ïa ngi.

HEBRU 3:15

Kane ka long kaei ba ka Jingthoh Bakhuid ka ong: “Lada phi ïohsngew ïa ka sur jong U Blei ha kane ka sngi, wat pyneh ïa la ki dohnud, kumba ki kpa tymmen jong phi ki la long haba ki ïaleh pyrshah ïa U Blei.”