NEHEMAÏAH 9:13 - Khasi CL Bible (BSI)

¹³ Ha u Lum Sinai me wan hiar na bneng; me kren ha ki briew bad me ai ïa ki, ki hukum babha bad ki jinghikai baskhem.

KA BAIBL

¹³ Me la hiar halor u lum Sinai ruh, bad me la kren bad ki na bneng, bad me la ai ha ki, ïa ki jingbishar bahok bad ki rukom bashisha, ki aiñ bad ki hukum babha:

NEHEMAÏAH 9:13 ပူးပေါင်းရင်းမြစ်များ

2 SYIEM 17:37

Phi dei borabor ban kohnguh ïa ki aiñ bad ki hukum kiba nga la thoh na ka bynta jong phi. Phim dei ban kohnguh ïa kiwei ki blei,

ESRA 7:6

U Esra u long u riewstad uba don ka jingtip bajylliew ïa ka Hukum kaba U Trai U Blei ki Israel u la ai ha u Moses. Namar ba u Esra u don ïa ka jingkyrkhu U Trai U Blei jong u, u patsha u ai kat ïa kaba u pan. Ha ka snem kaba hynñiew jong ka jingsynshar u Artakserksis, u Esra u la mih na Babilonia ban leit sha Jerusalem ryngkat bad shi kynhun ki Israel kiba kynthup ïa ki lyngdoh, ki Lebi, ki nongput nongtem ka Templ, ki nongap phira ka Templ bad ki nongtrei.

SALM 119:137

Me long uba hok, A Trai, bad ki aiñ jong me ki long kiba hok.

SALM 119:160

Ka tynrai jong ka aiñ jong me ka dei ka jingshisha, bad baroh ki jingbishar bahok jong me ki long bymjukut.

SALM 119:4

A Trai me la ai ha ngi ïa ki aiñ jong me bad me la ong ïa ngi ban kohnguh biang biang ïa ki.

EKSODOS 16:23

bad u la ong ha ki, “U Trai u la hukum ba lashai ka dei ka sngi shongthait ïa kaba la pynkyrpang sha u. Shet mynta kat ïa kaba phi dei ban shet, bad pynthnam kat ïa kaba phi dei ban pynthnam. Sa buh kyrpang kat ïa kaba tam bad tyngkai ïa ka na ka bynta lashai.”

EKSODOS 19:11

Ki dei ban sait ïa la ki jaiñkup bad ban long kiba la khreh la shi sngi. Ha kata ka sngi ngan wan hiar ha u Lum Sinai; ha kaba ki briew baroh kin ïohi ïa nga.

EKSODOS 20:1

U Blei u la kren, bad kine ki dei ki ktien jong u:

EKSODOS 20:22

U Trai u la hukum ïa u Moses ban ong ha ki Israel: “Phi la ïohi kumno ma nga, U Trai, nga la kren ha phi na bneng.

ISAÏAH 64:1

Balei ba mem kad arliang ïa ka sahit bneng bad wan hiar? Ki lumbah kin ïohi ïa me bad khynñiuh da ka jingsheptieng.

ISAÏAH 64:3

Ka la don ka por mynba me wan bad leh ïa kiei kiei kiba shyrkhei kiba ngim shym khmih lynti; ki lumbah ki ïohi ïa me bad ki khynñiuh da ka jingsheptieng.

HABAKKUK 3:3

U Blei u wan biang na Edom; U Blei bakhuid u wan na ki lumrit ka Paran. Ka burom jong u ka dap ïa ki bneng, bad ka pyrthei ka dap da ka jingïaroh ïa u.

Ka Shithi U Paul Sha Ki Nong Rom 7:16

Naba kaei kaba nga leh, ka dei kaei kaba ngam kwah ban leh, kane ka pyn-i ba nga ïamynjur ba ka Hukum ka long kaba dei.

DEUTERONOMI 33:2

U Trai u wan na u Lum Sinai; u mih kum ka sngi ha Edom, bad u tyngshaiñ ha la ki briew na u Lum Paran. Shiphew hajar ki angel ki don ryngkat bad u, bad ka ding kaba meh ha ka kti kamon jong u.

DEUTERONOMI 4:33

Don mo ki briew kiba dang im hadien ba ki la ïohsngew ïa u blei uba kren ha ki na ka ding, kumba phi, phi la ïohsngew?

DEUTERONOMI 4:36

U la ailad ïa phi ban ïohsngew ïa ka ktien jong u na bneng khnang ba u lah ban hikai ïa phi; bad hangne ha pyrthei u la ailad ba phin ïohi ïa ka ding kaba kyntang jong u, bad u la kren ha phi na ka.

DEUTERONOMI 4:8

Ym don kawei pat ka jaitbynriew, la ka khraw katno katno, kaba don ki aiñ kiba hok kat kito kiba nga la hikai ïa phi mynta ka sngi.

DEUTERONOMI 5:4

Hangta halor u lum, U Trai u la kren ha phi markhmat napdeng ka ding.