NEHEMAÏAH 9:11 - Khasi CL Bible (BSI)

¹¹ Lyngba ka duriaw me pynlong ka lynti ïaid na ka bynta ki briew jong me bad me ïalam ïa ki lyngba ka khyndew ba-rkhiang. Ïa kito kiba beh ïa ki, me pynïap jyllop ha ka um bajylliew, kum u maw uba ngam ha ka duriaw ba-atphyllung.

KA BAIBL

¹¹ Bad me la pynkad ïa ka duriaw ha khmat jong ki, ba kumta ki la ïaid lyngba ka duriaw ha ka 'dewrkhiang; bad ïa ki nongbeh jong ki, me la shat ha ki jingjylliew, kum ïa u maw ha ki um bah.

NEHEMAÏAH 9:11 ပူးပေါင်းရင်းမြစ်များ

SALM 66:6

U pynkylla ïa ka duriaw sha ka dewryngkhiang; ki kpa tymmen jong ngi ki la jam lyngba ïa ka wah da ka kjat. Hangta ngi la ïashad kmen namar kaei kaba u la leh.

SALM 78:13

U la kad arliang ïa ka duriaw bad u la ïalam ïa ki lyngba jong ka; u la pynlong ïa ki um ban ïeng kum ki kynroh.

EKSODOS 14:14

U Trai un ïaleh na ka bynta jong phi, bad phim donkam ban leh ei ei ruh em.”

EKSODOS 14:25

U la pynsahkut ïa ki shalyntem jong ki kali ïapom jong ki, bad kumta ki la ïaid da kaba shitom eh. Ki nong Ijipt ki la ong, “U Trai u ïaleh pyrshah ïa ngi na ka liang ki Israel. Ïa ngin ïaphet noh nangne.”

EKSODOS 14:29

Hynrei ki Israel ki ïaid lyngba ïa ka duriaw ha ka khyndew kaba rkhiang, katba ki um ki ïeng kum ki kynroh na baroh arliang.

JEREMAÏAH 32:20

Naduh mynbarim, me la leh ïa ki kambah bad ki jingphylla ha Ijipt, bad me ïai leh ïa ki haduh kane ka sngi, ha Israel bad hapdeng kiwei ki hima baroh, ba kumta ïa me mynta la tip kylleng sawdong.

1 KORINTH 10:1

Nga kwah ïa phi ban kynmaw, ko parabangeit jong nga, ïa kaei kaba la jia ïa ki kpa tymmen jong ngi kiba la bud ïa u Moses. Baroh ki la don hapoh ka jingïada jong u lyoh, bad baroh ki la ïaid lyngba ïa ka Duriaw Basaw.

HEBRU 11:29

Dei ka jingngeit kaba la pynlong ïa ki khun Israel ba kin lah ban ïaid lyngba ïa ka Duriaw Basaw la kum ha ka dewryngkhiang; haba ki nong Ijipt ki la pyrshang ban leh kumta, ka um ka la tyllep noh ïa ki.

JINGPYNPAW 18:21

Nangta u angel bakhlaiñbor u la shim ïa u maw uba heh la kat u mawtylliat baheh bad u la kawang ïa u sha ka duriaw, da kaba ong, “Kane ka long kumno ïa ka nongbah Babilon bakhraw yn pynkhyllem ha ka borbah bad yn ym ïohi shuh ïa ka da lei lei.