NEHEMAÏAH 9:10 - Khasi CL Bible (BSI)

¹⁰ Me pynjia ki kambah baphylla pyrshah ïa u Pharoah, pyrshah ïa ki rangbah synshar ki briew jong ka ri jong u, namar me tip kumno ki la banbeiñ ïa ki briew jong me. Me la jop ha kata ka por, ka nam kaba me dang don ha kane ka sngi.

KA BAIBL

¹⁰ bad me la pyni ïa ki dak phylla bad ki jingphylla halor u Pharaoh, bad halor ki shakri jong u baroh, bad halor ki briew ka ri jong u baroh; namar me la tip ba ki la leh khraw halor ïa ki; bad me la ïoh nam ïa lade, kumba ha kane ka sngi.

NEHEMAÏAH 9:10 ပူးပေါင်းရင်းမြစ်များ

NEHEMAÏAH 9:16

Hynrei ki kpa tymmen jong ngi ki la sarong bad eh dohnud bad kyntait ban kohnguh ïa ki hukum jong me.

NEHEMAÏAH 9:29

Me maham ïa ki ban kohnguh ïa ki jinghikai jong me, hynrei ha ka jingsarong ki kyntait ïa ki hukum jong me, wat la kaba sumar ïa ka Hukum ka long ka lynti sha ka jingim. Kiba mutlop bad kiba ehrang, ki kyntait ban kohnguh.

SALM 83:18

Ai ba kin tip ba tang ma me hi me long U Trai u nongsynshar uba hakhlieh tam ha ka pyrthei baroh kawei.

EKSODOS 18:11

Mynta nga tip ba U Trai u kham khraw ban ïa ki blei baroh, namar u la leh ïa kane mynba ki nong Ijipt ki la lehbeiñ shaba palat ïa ki Israel.”

EKSODOS 3:20

Hynrei ngan pyn-i ïa la ka bor bad ngan pynshitom ïa ka ri Ijipt da kaba leh hangta ïa kiei kiei kiba shyrkhei. Hadien kata un sa shah ba phin leit.

EKSODOS 5:2

“Uei uta U Trai?” u Pharaoh u kylli. “Balei ba nga dei ban shahshkor ïa u, bad shah ïa ki Israel ban leit? Ngam ithuh ïa U Trai, bad ngam shah ïa ki Israel ban leit.”

EKSODOS 7:1

U Trai u ong ha u Moses, “Ngan pynlong ïa me kum U Blei ha u Pharaoh, bad u Aaron u hynmen jong me un kren ha u kum u nongïathuhlypa jong me.

EKSODOS 9:16

Hynrei ban pyn-i ha me ïa ka bor jong nga, nga la shah ba men dang im, khnang ba yn ïoh pynbna ïa ka kyrteng jong nga ha ka pyrthei baroh kawei.

ISAÏAH 42:20

Ko Israel, phi la ïohi shibun bha, hynrei ka don jingmut aïu ïa phi? Phi don ki shkor ban sngew, hynrei phi ïohsngew aïu da shisha?”

ISAÏAH 63:12

Hangno u don U Trai, uba da ka bor jong u, u la leh ki kam bakhraw lyngba u Moses, u da kad arliang ïa ki um ka duriaw bad ïalam ïa ki briew jong u lyngba ki um kiba jylliew, ban ïoh ïa ka nam baneh junom na ka bynta ïa lade?” Ha ka jingïalam U Trai, ki kjat jong ki, ki long skhem kum ki kulai khlaw, bad kim ju jynthut.

ISAÏAH 63:14

Kumba ïalam ïa ki jingri sha ka them baseisoh, kumta U Trai u ai ka jingjahthait ha ki briew jong u. U ïalam ïa ki briew jong u bad pyndonburom ïa la ka kyrteng.

JEREMAÏAH 32:20

Naduh mynbarim, me la leh ïa ki kambah bad ki jingphylla ha Ijipt, bad me ïai leh ïa ki haduh kane ka sngi, ha Israel bad hapdeng kiwei ki hima baroh, ba kumta ïa me mynta la tip kylleng sawdong.

ESEKIEL 20:9

Hynrei ngam shym la leh kumta, naba kata kan wallam ka jingjahburom ïa ka kyrteng jong nga, namar ha ka jingdon ryngkat jong ki briew ha kiba hapdeng jong ki, ki shong ki sah nga la lah pynbna ha ki Israel ba nga ngan ïalam noh ïa ki na Ijipt.

DANIEL 4:37

“Bad mynta, ma nga, u Nebukhadnessar, nga ïaroh, nga pyndon burom, bad nga ai burom ïa U Syiem jong ka Bneng. Kaei kaei baroh kaba u leh ka long kaba dei bad kaba hok, bad u lah ban pynhiar ïa uno uno uba leh sarong.”

DANIEL 5:23

Phi la leh pyrshah ïa U Trai jong ka bneng bad phi la wallam shapoh ïa ki khuri bad ïa ki pliang kiba la shim na ka Templ jong u. Ma phi, ki rangbah donburom jong phi, ki tnga jong phi, bad ki tnga kliar jong phi ki la dih waiñ na ki bad ki la ïaroh ïa ki blei kiba la shna da ka ksiar, ka rupa, ka rnong, ka nar, ka dieng, bad u maw — ki blei ki bym lah ban ïohi lane ïohsngew bad ba kim lah ban tip ei ei. Hynrei phim shym la pyndonburom ïa U Blei uba rai la phin im ne phin ïap bad uba synshar ïa kaei kaei baroh kaba phi leh.

DANIEL 9:15

“A Trai U Blei jong ngi, me la pyn-i ïa ka bor jong me da kaba wallam noh ïa ki briew jong me na ri Ijipt, bad ïa ka bor jong me la ïai kynmaw. Ngi la leh pop; ngi la leh bakla.

KI KAM 7:36

U la ïalam ïa ki briew na ka ri Ijipt, u da leh ki kambah bad ki kamphylla ha ka ri Ijipt bad ha ka Duriaw Basaw bad haduh sawphew snem ha ka ri shyiap.

Ka Shithi U Paul Sha Ki Nong Rom 9:17

Naba ka Jingthoh Bakhuid ka ong ïa u syiem ka Ijipt, “Nga la pynlong syiem ïa me khnang ban pyndonkam ïa me ban pyn-i ïa ka bor jong nga bad ban pynphriang ïa ka nam jong nga ha ka pyrthei baroh kawei.”

DEUTERONOMI 4:34

Ju don mo u blei uba nud ban leit shim ïa ka jaitbynriew napdeng kawei pat ka jaitbynriew bad pynlong ïa ka, ka jong u hi, kumba U Trai U Blei jong phi u la leh ïa phi ha Ijipt? Phi la ïohi da la ki khmat ba u la pyndonkam ïa la ka borbah; u la wallam ïa ki khlam bad ïa ka thma, u la leh ïa ki kambah bad ki kamphylla, bad u la pynjia ïa kiei kiei kiba ishyrkhei.

DEUTERONOMI 7:19

Kynmaw ruh ïa ki jingtynjuh kiba shyrkhei kiba phi la ïohi, da ki kambah bad ki kamphylla, bad da ka borbah da ka ksang'ti kaba la kner da kaba U Trai U Blei jong phi u la pyllait ïa phi, kumta ruh un pynjot ïa kita ki jaitbynriew baroh ïa kiba phi sheptieng.

1 PETROS 5:5

Ha kajuh ka rukom ma phi kiba dang kham samla phi donkam ban kohnguh ïa kiba la kham rangbah. Bad ma phi baroh phi dei ban phong ïa ka jaiñkup ka jingsngewrit, ban shakri iwei ïa iwei pat; naba ka Jingthoh Bakhuid ka ong, “U Blei u ïaleh pyrshah ïa kiba sarong, hynrei u pyn-i ïa ka jingsngewbha ïa kiba sngewrit.”