NEHEMAÏAH 9:1 - Khasi CL Bible (BSI)

^1-2 Ha ka sngi kaba arphew saw jong ujuh u bnai, ki Israel ki ïalumlang ban shahjingit ban pynpaw ka jingsngewsih na ka bynta ki pop jong ki. Ki la lah pynïakhlad ïa lade na ki nongwei baroh. Ki phong ki jaiñ khain bad sleh pui pui ha ki khlieh jong ki kum ka dak jong ka jingsngewsih. Nangta ki ïeng bad sdang ban phla ïa ki pop kiba ma ki bad ki kpa tymmen jong ki, ki la leh.

KA BAIBL

¹ Bad ha ka ba-arphew saw sngi na une u bnai, ki khun Israel ki la ïalang da kaba shah jingit, bad kup jaiñ byrni, bad ki da ïasleh khyndew de.

NEHEMAÏAH 9:1 ပူးပေါင်းရင်းမြစ်များ

2 SAMUEL 1:2

Ha ka sngi kaba bud, uwei u samla u la wan poi na ka jaka sher dara jong u Saul. Ban pynpaw ïa la ka jingsngewsih, u la kad ïa la ki jaiñ bad sleh ïa la ka khlieh da ka khyndew. U leit sha u Dabid bad u dem ngon da kaba burom haduh khyndew.

2 KHRONIKL 20:3

U Jehoshaphat u la sheptieng bad duwai ha U Trai na ka bynta ka jingïalam. Hadien kata u ai hukum ban pynlong ka jingshah jingit ha ka ri baroh kawei.

2 KHRONIKL 7:10

Ha ka sngi kaba bud kaba long ka sngi kaba arphew lai jong u bnai uba hynñiew, u Solomon u phah noh ïa ki briew sha la ïing. Ki la kmen ïa baroh ki jingkyrkhu ba U Trai u la ai ha ki briew jong u ki Israel, ha u Dabid bad ha u Solomon.

ESRA 8:21

Hangta harud ka nur-um jong ka Ahaba, nga ai ki hukum na ka bynta jong ngi baroh ban shahjingit bad pynrit ïa lade ha khmat U Blei jong ngi bad ban kyrpad ïa u ban ïalam ïa ngi ha ka jingïaid lynti jong ngi bad ban ïada ïa ngi bad ki khun ki kti jong ngi bad ïa baroh ki jingdon jingem jong ngi.

ESRA 8:23

Kumta ngi la shahjingit bad duwai ïa U Blei ban ïada ïa ngi, bad u jubab ïa ki jingduwai jong ngi.

NEHEMAÏAH 8:2

Kumta u Esra u wanrah ïa ka sha ka jaka kaba u paidbah u la ïalumlang — ki rangbah, ki kynthei bad ki khynnah kiba la san kiba la lah ban sngewthuh.

ESTHER 4:16

“To khie leit bad ïalumlang ïa baroh ki Jiw ha Susa; pynlong ka jingshah jingit bad duwai na ka bynta jong nga. Wat bam lane dih ei ei na ka bynta lai sngi bad lai miet. Ki shakri kynthei jong nga bad ma nga, ngin leh kumjuh. Hadien kata, ngan leit sha u syiem, wat la ka long pyrshah ïa ka aiñ. Lada ka dei ïa nga ban ïap na ka bynta kata, ai ngan ïap.”

ESTHER 4:3

Ha baroh ki jylla, hangno hangno ba la pynbna paidbah ïa ka jingpynbna u syiem, la don ka jingsawa jong ka jingïambriew hapdeng ki Jiw. Ki shahjingit, ki ïam bad lynñiar bad bun na ki, ki phong jaiñ khain bad thiah ha u dpei.

Ka Kitab U Job 2:12

Katba ki dang don kham sha jngai ki la ïohi ïa u Job, hynrei kim shym ithuh ba dei ma u. Haba ki la ithuh, ki la sdang ban ïam bad lynñiar kthang, ki kad ïa la ki jaiñphong ha ka jingsngewsih bad ki kynting pui pui sha suiñ bad ha la ki khlieh.

ISAÏAH 22:12

U Trai U Nongsynshar Badonbor Baroh u la khot ïa phi ha kato ka por ban ïam bad ïam pangnud, ban khi ïa ki khlieh jong phi bad ban phong ki jaiñ khain.

JOEL 2:12

“Hynrei wat mynta,” ong U Trai, “kylla-kaba-mut da shisha bad phai sha nga da ka jingshah jingit bad ka jingïam bad ka jingïambriew.

LEBITIKOS 23:34

ban ong ha ki Israel, “Ka Jingkhawai Niam ki Ïingtrep ka sdang na ka sngi kaba khatsan jong u bnai uba hynñiew, bad ka neh hynñiew sngi.

LEBITIKOS 23:39

“Ynda phi la dep lum ïa ki jingmih na ki lyngkha jong phi, rakhe ïa kane ka Jingkhawai Niam hynñiew sngi naduh ka sngi kaba khatsan jong u bnai uba hynñiew. Ka sngi nyngkong ka dei ka sngi shongthait, bad kumjuh ruh ka sngi kaba phra.

JOSHUA 7:6

U Joshua bad ki nongïalam jong ki Israel ki la kad ïa la ki jaiñ da ka jingsngewdiaw, bad ki dem khrup ha khyndew ha khmat ka Synduk ka Jutang U Trai bad dem hangta haduh janmiet lem bad u pui pui halor ki khlieh jong ki ban pyn-i ïa ka jingsngewsih jong ki.

JINGPYNPAW 11:3

Ngan sa phah ïa ki sakhi jong nga ar ngut kiba kup da ki jaiñ khain, bad kin pynbna ïa ka khubor U Blei ha kita ki shihajar arspah hynriewphew sngi.”

NONGBISHAR 20:26

Nangta baroh ki briew ka Israel ki leit kiew sha Bethel bad ki ïamkthang. Ki shong hangta ha khmat U Trai bad kim shym bam ei ei haduh janmiet. Ki kñia ki jingainguh ïasyllok bad ki thang ïa ki jingainguh pynïasuk — baroh ha jingdon ryngkat U Trai.

1 SAMUEL 4:12

Uwei u rangbah uba na ka jait Benjamin u la mareh na ka madan thma shaduh Shiloh bad u la poi hangta ha kajuh ka sngi. Ban pynpaw ïa la ka jingsngewsih u da kad ïa la ki jaiñ, bad u sleh ïa la ka khlieh da ka khyndew.

1 SAMUEL 7:6

Kumta baroh ki ïalumlang ha Mispah. Ki tong ïa ka um bad ki theh ïa ka kum ka jingainguh ha U Trai bad ki shahjingit baroh shi sngi. Ki ong, “Ngi la leh pop pyrshah ïa U Trai.” Dei ha Mispah ba u Samuel u pynbeit ïa ki jingïakajia hapdeng ki Israel.