NEHEMAÏAH 8:9 - Khasi CL Bible (BSI)

⁹ Haba u paidbah u ïohsngew ïa kaei kaba ka Hukum ka dawa ïa ki, la pynkhih ïa ki dohnud jong ki bad ki sdang ban ïam. Kumta u Nehemaïah, uba long u lat, u Esra, uba long u lyngdoh bad u riewstad ka Hukum, bad ki Lebi kiba dang batai ïa ka Hukum, ki la ong ha u paidbah, “Kane ka sngi ka long kaba khuid ha U Trai U Blei jong phi, kumta phim dei ban sngewsih ne ïam.

KA BAIBL

⁹ Bad u Nehemaïah, uba la long u Tirshatha, bad u Esra lyngdoh u nongthoh, bad ki Lebi kiba hikai ïa u paidbah, ki la ong ha u paidbah baroh, “Kane ka sngi ka long ka bakyntang ïa U Trai U Blei jong phi; wat sngewsih, lymne ïam.” Namar u paidbah baroh u la ïam, haba ki la ïohsngew ïa ki ktien Ka Hukum.

NEHEMAÏAH 8:9 ပူးပေါင်းရင်းမြစ်များ

2 SYIEM 22:11

Haba u syiem u ïohsngew ba la pule ïa ka Kitab, u kad ïa la ki jaiñ ha ka jingsheptieng,

2 SYIEM 22:19

bad kylla-kaba-mut bad pynrit ïa lade ha khmat jong nga, kad ïa ki jaiñ jong phi bad ïam, haba phi ïohsngew kumno nga byrngem ban pynshitom ïa ka Jerusalem bad ki briew jong ka. Ngan pynlong ïa ka kaba ishyrkhei ban peit, ka jaka ha kaba ïa ka kyrteng jong ka, ki briew kin pyndonkam kum ka jingtim. Hynrei nga la ïohsngew ïa ka jingduwai jong phi,

2 KHRONIKL 15:3

Slem bah ki Israel ki la im khlem U Blei uba shisha, khlem ki lyngdoh ban hikai ïa ki, bad khlem ka hukum.

2 KHRONIKL 30:22

U Hesekaïah u la ïaroh ïa ki Lebi na ka bynta ka jingtbit jong ki ha kaba pynïaid ïa ka jingmane ïa U Trai. Hadien ki hynñiew sngi ha kaba ki la ai ki jingkñia ban ïaroh ïa U Trai U Blei jong ki kpa tymmen jong ki,

2 KHRONIKL 34:19

Haba u syiem u la ïohsngew ïa ka jingpule na kata ka kitab, u kad ïa la ki jaiñ ha ka jingsngewsih

2 KHRONIKL 34:21

“Khie leit bad kylli na U Trai na ka bynta jong nga bad na ka bynta ki briew kiba dang sah ha Israel bad Judah. Wad bniah shaphang ki jinghikai na kane ka kitab. U Trai u bitar ïa ngi namar ki kpa tymmen jong ngi kim shym la kohnguh ïa ka ktien U Trai bad kim shym la leh ïa kaei kaba kane ka kitab ka ong ban leh.”

2 KHRONIKL 35:3

U ai ruh ïa kine ki jingbthah sha ki Lebi, ki nonghikai jong ki Israel, ïa kiba la pynkyntang sha U Trai: “Buh ïa ka Synduk ka Jutang bakyntang ha ka Templ kaba u syiem Solomon, u khun jong u Dabid, u la tei. Phim dei ban rah shuh ïa ka na kawei ka jaka sha kawei pat, hynrei phi dei ban shakri ïa U Trai U Blei jong phi bad ki briew jong u ki Israel.

ESRA 2:63

U lat uba dei u Jiw u ong ïa ki ba kim lah ban bam ïa ki jingbam ba la kñia ha U Blei haduh ban da don u lyngdoh uba lah ban pyndonkam ïa u Urim bad u Thummim.

ESRA 7:11

U Artakserksis u ai ïa kane ka jingthoh ha u Esra, u lyngdoh bad u riewstad, uba don ka jingtip bajylliew ïa ki aiñ bad ki hukum kiba U Trai u la ai ha ki Israel:

NEHEMAÏAH 10:1

Uba nyngkong ban soi u dei u lat, u Nehemaïah u khun jong u Hakalaïah, bad nangta u Sedekaïah u soi. Kine harum ruh ki soi: Ki lyngdoh: U Seraïah, u Asaraïah, u Jeremaïah, U Pashhur, u Amaraïah, u Malkhijah, U Hattush, u Shebanaïah, u Mallukh, U Harim, u Meremoth, u Obadaïah, U Daniel, u Ginnethon, u Barukh, U Meshullam, u Abijah, u Mijamin, U Maasaïah, u Bilgai bad u Shemaïah. Ki Lebi: U Jeshua, u khun jong u Asanaïah, U Binnui jong ka kur Henadad, U Kadmiel, u Shebanaïah, u Hodaïah, U Kelita, u Pelaïah, u Hanan, U Mika, u Rehob, u Hashabaïah, U Sakkur, u Sherebaïah, u Shebanaïah, U Hodaïah, u Bani, bad u Beninu. Ki nongïalam u paidbah: U Parosh, u Pahath Moab, U Elam, u Sattu, u Bani, U Bunni, u Asgad, u Bebai, U Adonijah, u Bigbai, u Adin, U Ater, u Hesekaïah, u Assur, U Hodaïah, u Hashum, u Besai, U Hariph, u Anathoth, u Nebai, U Makpiash, u Meshullam, u Hesir, U Meshesabel, u Sadok, u Jaddua, U Pelataïah, u Hanan, u Anaïah, U Hoshea, u Hananaïah, u Hasshub, U Hallohesh, u Pilha, u Shobek, U Rehum, u Hashabnah, u Maaseïah, U Ahaïah, u Hanan, u Anan, U Mallukh, u Harim, bad u Baanah.

NEHEMAÏAH 12:26

Kine ki briew ki im ha ka por u Joïakim, u khun jong u Joshua bad u ksiew jong u Jehosadak, bad ha ka por u Nehemaïah, u lat, bad ha ka por u Esra, u lyngdoh uba long u riewstad ka Hukum.

NEHEMAÏAH 7:65

U lat uba dei u Jiw u ong ïa ki ba kim lah ban bam ïa ki jingbam ba la kñia ha U Blei haduh ban da don u lyngdoh uba lah ban pyndonkam ïa u Urim bad u Thummim.

NEHEMAÏAH 7:70

Bun ki briew kiba la synñiang ban ïarap ban siew ïa ka jinglut na ka bynta ka jingpynbha pat ïa ka Templ: U lat — Phra kilo ka ksiar; sanphew tylli ki pliang lehniam; sanspah laiphew tylli ki jaiñkup na ka bynta ki lyngdoh. Ki rangbah kur — Shispah hynriewphew phra kilo ka ksiar; Shihajar arspah sanphew kilo ka rupa. Kiba sah na ki briew — Shispah hynriewphew phra kilo ka ksiar; Shispah sawphew kilo ka rupa; Hynriewphew tylli ki jaiñkup na ka bynta ki lyngdoh.

NEHEMAÏAH 8:2

Kumta u Esra u wanrah ïa ka sha ka jaka kaba u paidbah u la ïalumlang — ki rangbah, ki kynthei bad ki khynnah kiba la san kiba la lah ban sngewthuh.

EKLESIASTIS 3:4

U buh ka por ban sngewsih bad ka por ban kmen, ka por ban ïam sngewsih bad ka por ban shad,

ISAÏAH 61:3

ban ai ha kito kiba ïam sngewsih ha Seïon ïa ka jingkmen bad jingsngewbha ha ka jaka ka jingsngewsih, ka jingrwai jong ka jingïaroh ha ka jaka ki ummat kthang. Kin long kum ki dieng ba U Trai da lade hi u la thung. Baroh kin leh ïa kaei kaba dei. Bad ïa U Blei yn ai ka jingïaroh ïa kaei ba u la leh.

HOSIA 4:6

Ki briew jong nga ki shu jot ei namar kim pdiang ïa nga. Phi ki lyngdoh phim suidñiew ban pdiang ïa nga bad phi la kyntait ïa ka jinghikai jong nga, bad kumta nga la kyntait noh ïa phi bad ngan ym pdiang ïa ki khun jong phi kum ki lyngdoh jong nga.

LEBITIKOS 23:24

Ong ha ki Israel, “Ha ka sngi kaba nyngkong jong u bnai uba hynñiew, rakhe ïa ka kum ka sngi shongthait kaba kyrpang, bad haba ka turoi ka sawa, wan ïalumlang ban mane Blei.

MALAKHI 2:13

Kane ka long kawei pat kaba phi leh. Phi pynjhieh ïa ka duwan U Trai da ki ummat, da kaba ïam bad kyang namar um shym pdiang shuh ïa ki jingainguh kiba phi wanrah sha u.

Ka Shithi U Paul Sha Ki Nong Rom 3:20

Naba ym don uno uno ruh uba hok ha khmat U Blei da kaba leh ïa kaei kaba ka Hukum ka dawa; kaei kaba ka Hukum ka leh ka long ban pynlong ïa u briew ban tip ba u la leh pop.

Ka Shithi U Paul Sha Ki Nong Rom 7:9

Ma nga, shisien nga la im khlem ka hukum; hynrei haba ka hukum ka la wan, ka pop ka khie im, bad nga la ïap.

DEUTERONOMI 12:12

Shadkmen ha khmat jong u hangta, lem bad ki khun ki kti jong phi, ki shakri shakor jong phi, bad ki Lebi kiba shong ha ki shnong jong phi; to kynmaw ba ki Lebi kim don bri don khyndew la ka jong.

DEUTERONOMI 12:7

Hangta ha khmat U Trai U Blei jong phi, uba la kyrkhu ïa phi, ma phi bad ki ba-ha-ïing ha-sem jong phi phin ïabam bad ïalehkmen ha kiei kiei kiba bha kiba phi la trei shitom.

DEUTERONOMI 16:11

Lehkmen ha khmat U Trai ryngkat bad ki khun ki kti jong phi, ki shakri shakor jong phi, bad ki Lebi, ki nongwei, ki khunswet, bad ki riewkynthei kiba shong ha ki shnong jong phi. Leh ïa kane ha kata ka jaka mane Blei.

DEUTERONOMI 26:14

Mynba nga ïambriew, ngam shym la bam ei ei na ka; mynba nga long u bymkhuid, ngam shym la rah ei ei na ka shabar ïing; bad ngam shym la ai ei ei na ka kum ka jingainguh ïa kiba ïap. Nga la kohnguh ïa me, ko Trai; nga la leh ïa kaei kaei baroh kat kaba me la hukum ïa nga kiba ïadei bad kawei na ki shiphew.

JAKOB 4:9

To leh sngewsih, to ïam, bad to ïamkthang; to pynlong ïa ka jingrkhie ban kylla sha ka jingïam, ka jingkmen sha ka jingsngewdiaw!