NEHEMAÏAH 8:7 - Khasi CL Bible (BSI)

⁷ Nangta ki ïeng ha la ki jaka, bad kine ki Lebi ki batai ïa ka Hukum ha ki: u Jeshua, u Bani, u Sherebaïah, u Jamin, u Akkub, u Shabbethai, u Hodaïah, u Maaseïah, u Kelita, u Asaraïah, u Josabad, u Hanan, bad u Pelaïah.

KA BAIBL

⁷ U Jeshua ruh, bad u Bani, bad u Sherebiah, u Jamin, u Akkub, u Shabbethai, u Hodiah, u Maaseïah, u Kelita, u Asariah, u Josabad, u Hanan, u Pelaïah, bad ki Lebi, ki la pynsngewthuh ïa Ka Hukum ha u paidbah: bad u paidbah u la ïeng ha la ka jaka.

NEHEMAÏAH 8:7 ပူးပေါင်းရင်းမြစ်များ

1 SYIEM 8:14

Katba u paidbah u dang ïeng hangta, u Syiem Solomon u phai khmat sha ki bad pan ka jingkyrkhu U Blei halor jong ki.

2 KHRONIKL 30:22

U Hesekaïah u la ïaroh ïa ki Lebi na ka bynta ka jingtbit jong ki ha kaba pynïaid ïa ka jingmane ïa U Trai. Hadien ki hynñiew sngi ha kaba ki la ai ki jingkñia ban ïaroh ïa U Trai U Blei jong ki kpa tymmen jong ki,

2 KHRONIKL 35:3

U ai ruh ïa kine ki jingbthah sha ki Lebi, ki nonghikai jong ki Israel, ïa kiba la pynkyntang sha U Trai: “Buh ïa ka Synduk ka Jutang bakyntang ha ka Templ kaba u syiem Solomon, u khun jong u Dabid, u la tei. Phim dei ban rah shuh ïa ka na kawei ka jaka sha kawei pat, hynrei phi dei ban shakri ïa U Trai U Blei jong phi bad ki briew jong u ki Israel.

ESRA 8:18

Da ka jingaiei U Blei, ki phah sha ngi ïa u Sherebaïah, u briew uba tbit, u Lebi na ka kur u Mahli, bad khatphra ngut na ki khun shynrang jong u bad ki para, ki wan bad u.

NEHEMAÏAH 12:33

Kine ki lyngdoh, ryngkat ka jingput turoi, ki bud nadien: U Asaraïah, u Esra, u Meshullam, u Judah, u Benjamin, u Shemaïah bad u Jeremaïah. Nangta bud sa u Sekharaïah, u khun jong u Jonathan bad u ksiew jong u Shemaïah. (Ki kpa tymmen jong u ruh ki kynthup ïa u Mattanaïah, u Mikaïah, bad u Sakkur, jong ka kur Asaph.)

NEHEMAÏAH 3:17

Kine ki Lebi ki tei pat ïa kiba bun ki bynta kiba bud jong ka kynroh: U Rehum u khun jong u Bani u tei ïa ka bynta kaba bud; U Hashabaïah, u nongsynshar ïa shiteng jong ka Keilah distrik, u tei ïa ka bynta kaba bud na ka bynta ka distrik jong u;

NEHEMAÏAH 3:19

U Eser, u khun jong u Jeshua, u nongsynshar jong ka Mispah, u tei ïa ka bynta kaba bud kaba long ha khmat ka jaka buh tiar ïapom, haduh ka jaka ha kaba ka kynroh ka phai;

NEHEMAÏAH 3:23

U Benjamin bad u Hasshub ki tei ïa ka bynta kaba bud, kaba long ha khmat ki ïing jong ki. U Asaraïah, u khun jong u Maaseïah bad u ksiew jong u Ananaïah, u tei ïa ka bynta kaba bud, kaba long ha khmat ka ïing jong u.

NEHEMAÏAH 8:12

Kumta u paidbah u leit noh sha la ïing bad bam bad dih da kaba kmen bad ïasam ïa kaei kaba ki don bad kiwei pat, namar ki la sngewthuh ïa kaei kaba la pule ha ki.

NEHEMAÏAH 8:4

U Esra u ïeng ha ka jaka ba kham kynjang ba la shna da ka dieng ïa kaba la shna khnang na ka bynta kata ka por. Kine ki briew ki ïeng ha ka liang kamon jong u: U Mattithaïah, u Shema, u Anaïah, u Uriah, u Hilkaïah, bad u Maaseïah; bad kine pat ki ïeng ha ka liang kadiang jong u: u Pedaïah, u Mishael, u Malkhijah, u Hashum, u Hashbaddanah, u Sekharaïah bad u Meshullam.

NEHEMAÏAH 8:6

U Esra u ong, “Ïaroh ïa U Trai, U Blei uba khraw!” Baroh u paidbah u rah la ki kti shajrong bad ong, “Amen! Amen!” Ki dem khohsiew ha ka jingshakri, ki phai ki khmat jong ki sha khyndew.

NEHEMAÏAH 8:8

Ki ai ka jingpynkylla da ka ktien bad ki batai ïa ka khnang ba u paidbah u lah ban sngewthuh ïa ka.

NEHEMAÏAH 9:3

Kumba lai kynta, ïa ka Hukum jong U Trai U Blei jong ki, la pule ha ki, bad ha ki lai kynta kiba bud, ki phla ïa la ki pop bad mane ïa U Trai U Blei jong ki.

NEHEMAÏAH 9:4

Ka don ka jaka bakynjang, na ka bynta ki Lebi bad halor jong ka, u ïeng u Jeshua, u Bani, u Kadmiel, u Shebanaïah, u Bunni, u Sherebaïah, u Bani, bad u Khenani. Ki la duwai jam ha U Trai U Blei jong ki.

LEBITIKOS 10:11

Me dei ban hikai ïa ki paid Israel ïa ki aiñ baroh kiba nga la ai ha me lyngba u Moses.”

MALAKHI 2:7

Ka dei ka kamram ki lyngdoh ban hikai ïa ka jingtip bashisha ïa U Blei. Ki briew ki dei ban leit sha ki ban tip ïa ka mon jong nga, namar ki long ki nonglamktien jong U Trai Badonbor Baroh.

DEUTERONOMI 33:10

Kin hikai ïa ki briew jong me ban kohnguh ïa ka Aiñ jong me; Kin ai ïa ki jingkñia ha ka duwan jong me.