NEHEMAÏAH 8:6 - Khasi CL Bible (BSI)

⁶ U Esra u ong, “Ïaroh ïa U Trai, U Blei uba khraw!” Baroh u paidbah u rah la ki kti shajrong bad ong, “Amen! Amen!” Ki dem khohsiew ha ka jingshakri, ki phai ki khmat jong ki sha khyndew.

KA BAIBL

⁶ bad u Esra u la kyrkhu ïa U Trai U Blei bakhraw. Bad u paidbah baroh u la ong, “Amen, Amen,” da kaba rah ïa la ki kti: bad ki la dem ïa la ki khlieh, bad ki la mane ïa U Trai la ki khmat sha ka khyndew.

NEHEMAÏAH 8:6 ပူးပေါင်းရင်းမြစ်များ

JENESIS 14:22

U Abram u ong, “Nga la smai ha khmat U Trai, U Blei Bahakhlieh Tam Eh, u Nongthaw ïa ka bneng bad ïa ka khyndew, ba ngan ym bat ei ei ïa kaba dei ka jong me, wat ïa u 'sai juti ruh.

JENESIS 24:26

Kumta uta u briew u la dem khohsiew bad mane ïa U Trai.

1 KHRONIKL 16:36

Ïaroh ïa U Trai, U Blei ki Israel! Ïaroh ïa u mynta bad junom! Nangta baroh u paidbah u ong, “Amen,” bad ïaroh ïa U Trai.

1 KHRONIKL 29:10

Hangta ha khmat uta u paidbah baroh, u syiem Dabid u ïaroh ïa U Trai. U ong “A Trai U Blei jong ki kpa tymmen jong ngi, ai ba yn ïaroh ïa me junom la junom!

1 KHRONIKL 29:20

Nangta u Dabid u la hukum ïa u paidbah, “Ïaroh ïa U Trai U Blei jong phi!” Bad kiba la ïalumlang baroh ki la ïaroh ïa U Trai, U Blei jong ki kpa tymmen jong ki, bad ki la pyndem la ki khlieh bad ai burom ïa U Trai bad ruh ïa u syiem.

2 KHRONIKL 20:18

Nangta u syiem Jehoshaphat u dem ngon, ka khmat jong u kaba dei ha ka khyndew, bad baroh u paidbah u dem ryngkat bad u bad mane ïa U Trai.

2 KHRONIKL 29:10

“Mynta nga la rai ban pynlong ka jutang bad U Trai, U Blei ka Israel, khnang ba un ym bitar shuh ïa ngi.

2 KHRONIKL 29:30

U syiem bad ki nongïalam jong ka jaitbynriew ki bthah ïa ki Lebi ban rwai ha U Trai ïa ki jingrwai ïaroh ba la thoh da u Dabid bad u Asaph, u nongïathuhlypa. Kumta uwei pa uwei u la rwai da ka jingkmen bakhraw katba ki dem khohsiew bad ki mane ïa U Blei.

2 KHRONIKL 6:4

U ong, “Ïaroh ïa U Trai U Blei ki Israel! U la bat ïa la ka kular ba u la pynlong bad u Dabid u kpa jong nga, mynba u ong ha u,

NEHEMAÏAH 5:13

Nangta nga shim ïa ka jaiñ ba nga teh sawdong ïa ka syngkai jong nga bad kynther ïa ka. “Kumne U Blei un kynther ïano ïano na phi u bym bat ïa la ka kular,” nga ong. “U Blei un shim noh ïa ki ïing jong phi bad ïa kiei kiei baroh ba phi don, bad un iehnoh ïa phi khlem don ei ei shuh.” Baroh kiba don hangta ki ong, “Amen!” bad ki ïaroh ïa U Trai. Bad ki nongïalam ki bat ïa ka kular jong ki.

NEHEMAÏAH 8:7

Nangta ki ïeng ha la ki jaka, bad kine ki Lebi ki batai ïa ka Hukum ha ki: u Jeshua, u Bani, u Sherebaïah, u Jamin, u Akkub, u Shabbethai, u Hodaïah, u Maaseïah, u Kelita, u Asaraïah, u Josabad, u Hanan, bad u Pelaïah.

SALM 134:2

To rah ïa la ki kti ha ka jingduwai ha ka Templ, bad to ïaroh ïa U Trai!

SALM 141:2

To pdiang ïa ka jingduwai jong nga kum ka jingiwbih, ki kti ba la rah jong nga kum ka jingkñia janmiet.

SALM 28:2

Shahshkor ïa nga haba nga kyang ha me ban ïoh jingïarap, haba nga rah ïa ki kti sha ka Templ bakhuid jong me.

SALM 41:13

Ïaroh ïa U Trai, U Blei ki Israel! Ïaroh ïa u mynta bad junom! Amen! Amen!

SALM 63:4

Ngan ainguh ïa me katba nga dang im; ngan rah ïa la ki kti sha me ha ka jingduwai.

SALM 95:3

Naba U Trai u long U Blei bakhlaiñbor, u syiem uba khrawbor halor ki blei baroh.

EKSODOS 12:27

Phin jubab, ‘Ka long ka jingkñia jong ka Niam Ka Jinglait ban pyndonburom ïa U Trai, naba u la ïaid lait ïa ki ïing jong ki Israel ha ka ri Ijipt. U la pynïap ïa ki nong Ijipt, hynrei u la pyllait im ïa ngi.’ ” Ki Israel ki la dem khohsiew bad ki la mane.

EKSODOS 4:31

Ki paidbah ki la ngeit, bad haba ki ïohsngew ba U Trai u la wan sha ki bad ba u la ïohi kumno ki la shah lehbeiñ tyngeh, ki la nguh la dem bad ki la ïamane ruh.

JEREMAÏAH 28:6

“Kaba phylla! Nga kyrmen U Trai un leh ïa kane! Nga da kyrmen shisha un pynlong ïa ka jingïathuhlypa jong phi ban urlong shisha bad un wallam pat na Babilonia ïa baroh ki jingkynshew ka Templ bad ïa ki briew baroh kiba la shah ïalam noh kum ki koidi.

SNGEWSYNEI 3:41

To ngin plie ïa la ki dohnud sha U Blei ha bneng bad duwai,

LEBITIKOS 9:24

Kynsan U Trai u phah ïa ka ding, bad ka bam duh ïa ka jingkñia ainguh thang bad ïa ki bynta bakhleiñ baroh ha ka duwan. Haba ki paidbah ki ïohi ïa kata, ki la ïa-pyrta jam, bad ki ïadem ngon haduh khyndew.

MATHAÏOS 26:39

U la leit kham jngai sa katto katne, u la dem khrup ïa lade bad ka khmat sha khyndew, bad u la duwai, “Ko Kpa jong nga, lada ka long kaba lah, to shim noh ïa kane ka khuri ka jingshah shitom na nga! Pynban, ym ïa kaei kaba nga mon, hynrei ïa kaei kaba me mon.”

MATHAÏOS 6:13

Wat ïalam ïa ngi sha ka jingtynjuh kaba eh, hynrei sumar ïada ïa ngi na Uba Sniew. Naba ka jong me long ka hima, bad ka bor, bad ka burom junom. Amen.’

1 KORINTH 14:16

Haba phi ainguh ha U Blei tang ha ka mynsiem, da kumno u riewpaidbah uba shim bynta ha ka jingïaseng u lah ban ong “Amen” ha kata ka jingduwai ainguh jong phi? Kim don lynti ban sngewthuh ïa kaei kaba phi kren.

EPHESOS 1:3

To ngin ai ki jingnguh sha U Blei bad U Kpa U Jisu Khrist uba U Trai jong ngi! Naba ha U Khrist, u la kyrkhu ïa ngi da kaba ai ha ngi ïa ka jingkyrkhu ba kynja mynsiem baroh ha ka pyrthei kaba kynja bneng.

1 TIMOTHI 2:8

Ha man la ka jingshakri ha ka balang, nga kwah ba ki rangbah kin duwai, ki briew kiba la pynkyntang sha U Blei bad kiba lah ban rah ïa la ki kti ha ka jingduwai khlem jingbitar lane ka jingïakajia.

1 PETROS 1:3

To ngin ainguh ïa U Blei bad ïa U Kpa U Jisu Khrist uba U Trai jong ngi. Namar ka jingisynei bakhraw jong u, u la ai ha ngi ïa ka jingim bathymmai da kaba pynmihpat ïa U Jisu Khrist na ka jingïap.

JINGPYNPAW 7:11

Ki angel baroh ki la ïeng sawdong ka khet, ki nongsharai balang, bad ki saw tylli ki jingthaw ba-im.