NEHEMAÏAH 8:3 - Khasi CL Bible (BSI)

³ Hangta ha ka jaka basawdong hajan ka khyrdop u pule ïa ka Hukum ha ki naduh dang step phyrngab haduh shiteng sngi, bad baroh ki ïasngap bha.

KA BAIBL

³ Bad u la pule na kata, ha khmat ka madan kaba la don ha khmat Ka Khyrdop Um naduh dang shai haduh shiteng sngi, ha khmat ki shynrang bad ki kynthei, bad kita kiba lah ban shemphang; bad ki shkor u paidbah baroh ki la shah ha Ka Kitab Ka Hukum.

NEHEMAÏAH 8:3 ပူးပေါင်းရင်းမြစ်များ

NEHEMAÏAH 10:29

hangne ngi ïasnohlang bad ki nongïalam jong ngi ha ka jingbam-smai, hapoh ka jingpynshitom jong ka jingtim, lada ngi pynkheiñ ïa ka, ba ngin im kat kum ka Hukum U Blei, kaba U Blei u la ai lyngba u shakri jong u, u Moses; ba ngin kohnguh ïa baroh kaba U Trai, U Trai jong ngi, u hukum ïa ngi; bad ba ngin sumar ïa baroh ki hukum bad ki jingkwah jong u.

NEHEMAÏAH 13:1

Katba dang pule jam ïa ka Hukum u Moses ha u paidbah, ki poi ha ka bynta kaba ong ba ym dei ban shah ïa u nong Amon ne u nong Moab ban ïasnohlang bad ki briew jong U Blei.

NEHEMAÏAH 8:1

Haba la poi u bnai uba hynñiew, ki briew ka Israel ki la ïashong ïasah ha ki shnong. Ha ka sngi banyngkong jong uta u bnai, ki la ïalumlang ha Jerusalem, ha ka jaka basawdong hapoh ka Khyrdop Um. Ki ong ïa u Esra, u lyngdoh bad u riewstad ka Hukum ïa kaba U Trai u la ai ha ki Israel lyngba u Moses, ban wanrah ïa ka kitab jong ka Hukum.

NEHEMAÏAH 8:18

Naduh ka sngi kaba nyngkong jong ka Jingkhawai Niam haduh ka sngi kaba khatduh, ki pule ïa ki bynta jong ka Hukum U Blei man ka sngi. Ka Jingkhawai Niam ka la long na ka bynta hynñiew sngi, bad ha ka sngi kaba phra, ka la don ka jingpynkut ïa ka Jingkhawai Niam kumba la ong ha ka Hukum.

NEHEMAÏAH 8:4

U Esra u ïeng ha ka jaka ba kham kynjang ba la shna da ka dieng ïa kaba la shna khnang na ka bynta kata ka por. Kine ki briew ki ïeng ha ka liang kamon jong u: U Mattithaïah, u Shema, u Anaïah, u Uriah, u Hilkaïah, bad u Maaseïah; bad kine pat ki ïeng ha ka liang kadiang jong u: u Pedaïah, u Mishael, u Malkhijah, u Hashum, u Hashbaddanah, u Sekharaïah bad u Meshullam.

NEHEMAÏAH 8:5

Katba u Esra u ïeng hangta ha ka jaka bakynjang ba kham hajrong ïa u paidbah, ki khmat jong ki, ki peit beit sha u. Tang shu plied ïa ka kitab, baroh ki ïa-ïeng.

MARKOS 12:37

“U Dabid hi da lade u la khot ïa u ‘U Trai’; te kumno U Messaïah u lah ban hiarpateng na u Dabid?” U paidbah babun u dang shahshkor ïa U Jisu da ka jingkmen.

LOUKAS 19:48

hynrei kim shym shem ka lad ban leh ïa kata, namar baroh ki briew ki la ïai shahshkor ïa u, kim kwah ban duh noh wat kawei ka kyntien.

LOUKAS 8:18

“Da phikir, te, kumno phi pynshahshkor; namar ha uno uno uba don yn ai kham bun shuh, hynrei ha uno uno u bym don, un shah shim noh na u wat ïa kata kaba rit tam kaba u pyrkhat ba u don.”

KI KAM 13:15

Hadien ka jingpule na ka Hukum u Moses bad na ki jingthoh jong ki nongïathuhlypa, ki rangbah synshar jong ka synagog ki la phah khubor sha ki: “Ko hynmen ko para, ngi kwah ïa phi ban kren ha u paidbah lada phi don ka khubor ai mynsiem na ka bynta jong ki.”

KI KAM 13:27

Naba ki briew kiba shong ha Jerusalem bad ki nongsynshar jong ki kim tip ba u long U Nongpynim, lymne ba ki la shemphang ïa ki kyntien jong ki nongïathuhlypa ïa kiba la pule man ka sngi Sabbaton. Pynban ki la pynlong ïa ki kyntien jong ki nongïathuhlypa ban urlong shisha da kaba pynrem ïa U Jisu.

KI KAM 15:21

Naba ïa ka Hukum u Moses la pule la slem bah ha ki synagog man la ka sngi Sabbaton, bad ïa ki ktien jong u la ïalap ha man ki shnong.”

KI KAM 16:14

Kawei na kito kiba la ïohsngew ïa ngi ka dei ka Lydia kaba na Thiatira, ka dei ka nongdie ïa ka jaiñ sawbthuh. Ka long ka briew kaba mane ïa U Blei, bad U Trai u la plie ïa ka jingmut jingpyrkhat jong ka ban pynshahshkor ïa kaei kaba u Paul u ong.

KI KAM 17:11

Ki briew hangta ki long kiba kham ïar jingmut ban ïa ki briew kiba ha Thessaloni. Ki la shahshkor ïa ka khubor da ka jingangnud bakhraw, bad man ka sngi ki ju pule bniah ïa ki Jingthoh Bakhuid ban khmih lada kaei kaba u Paul u ong ka long kaba shisha.

KI KAM 20:11

Nangta u la leit pat shajrong, u la kdiah kpu, bad u la bam. Hadien ba u la ïakren slem bad ki haduh ban da mih ka sngi, u Paul u leit noh.

KI KAM 20:7

Ha ka sngi nyngkong jong ka taïew ngi la ïalumlang na ka bynta ka jingïabam miet. U Paul u la kren ha ki paidbah bad u la ïai kren haduh shiteng synñia, namar ba un sa mihnoh ha ka sngi kaba bud.

KI KAM 28:23

Kumta ki la buh sngi bad u Paul, bad kham bun na ki, ki la ïawan ha kata ka sngi ha ka jaka ha kaba u Paul u la sah. Naduh mynstep haduh da miet u la batai ha ki ïa ka khubor jong u shaphang ka Hima U Blei, bad u la pyrshang ban pynngeit ïa ki shaphang U Jisu da kaba sot na ka Hukum u Moses bad na ki jingthoh jong ki nongïathuhlypa.

DEUTERONOMI 31:9

Kumta u Moses u thoh ïa ka Hukum U Blei bad u ai ïa ka ha ki lyngdoh Lebi kiba khmih ïa ka Synduk ka Jutang U Trai, bad ha ki nongïalam jong ki Israel.

1 THESSALONI 2:13

Bad don sa kawei pat ka daw balei ba ngi ainguh borabor ïa U Blei. Haba ngi la wallam ha phi ïa ka khubor jong U Blei, phi la ïohsngew bad pdiang ïa ka, ym kum ka khubor na ki briew hynrei kum ka khubor jong U Blei, kaba long shisha kumta. Naba U Blei u trei ha phi kiba ngeit.

JOSHUA 8:35

U Joshua u pule ïa kawei pa kawei na ki hukum u Moses ha kata ka jingïalang, ha kaba la kynthup ïa ki kynthei bad ki khynnah, lem bad ki nongwei kiba shong basah hapdeng jong ki.

JINGPYNPAW 2:29

“Te lada pha don ki shkor, shahshkor ïa kaei kaba U Mynsiem u ong ïa ki balang!

JINGPYNPAW 3:22

“Te lada pha don ki shkor, shahshkor ïa kaei kaba U Mynsiem u ong ha ki balang!”