NEHEMAÏAH 8:2 - Khasi CL Bible (BSI)

² Kumta u Esra u wanrah ïa ka sha ka jaka kaba u paidbah u la ïalumlang — ki rangbah, ki kynthei bad ki khynnah kiba la san kiba la lah ban sngewthuh.

KA BAIBL

² Bad u Esra lyngdoh u la wallam ïa Ka Hukum ha khmat u paidlang, shynrang bad kynthei, bad baroh kat kiba lah ban sngap da kaba shemphang, ha ka sngi nyngkong u 'nai bahynñiew.

NEHEMAÏAH 8:2 ပူးပေါင်းရင်းမြစ်များ

NEHEMAÏAH 10:29

hangne ngi ïasnohlang bad ki nongïalam jong ngi ha ka jingbam-smai, hapoh ka jingpynshitom jong ka jingtim, lada ngi pynkheiñ ïa ka, ba ngin im kat kum ka Hukum U Blei, kaba U Blei u la ai lyngba u shakri jong u, u Moses; ba ngin kohnguh ïa baroh kaba U Trai, U Trai jong ngi, u hukum ïa ngi; bad ba ngin sumar ïa baroh ki hukum bad ki jingkwah jong u.

NEHEMAÏAH 13:1

Katba dang pule jam ïa ka Hukum u Moses ha u paidbah, ki poi ha ka bynta kaba ong ba ym dei ban shah ïa u nong Amon ne u nong Moab ban ïasnohlang bad ki briew jong U Blei.

NEHEMAÏAH 8:18

Naduh ka sngi kaba nyngkong jong ka Jingkhawai Niam haduh ka sngi kaba khatduh, ki pule ïa ki bynta jong ka Hukum U Blei man ka sngi. Ka Jingkhawai Niam ka la long na ka bynta hynñiew sngi, bad ha ka sngi kaba phra, ka la don ka jingpynkut ïa ka Jingkhawai Niam kumba la ong ha ka Hukum.

NEHEMAÏAH 8:9

Haba u paidbah u ïohsngew ïa kaei kaba ka Hukum ka dawa ïa ki, la pynkhih ïa ki dohnud jong ki bad ki sdang ban ïam. Kumta u Nehemaïah, uba long u lat, u Esra, uba long u lyngdoh bad u riewstad ka Hukum, bad ki Lebi kiba dang batai ïa ka Hukum, ki la ong ha u paidbah, “Kane ka sngi ka long kaba khuid ha U Trai U Blei jong phi, kumta phim dei ban sngewsih ne ïam.

NEHEMAÏAH 9:1

Ha ka sngi kaba arphew saw jong ujuh u bnai, ki Israel ki ïalumlang ban shahjingit ban pynpaw ka jingsngewsih na ka bynta ki pop jong ki. Ki la lah pynïakhlad ïa lade na ki nongwei baroh. Ki phong ki jaiñ khain bad sleh pui pui ha ki khlieh jong ki kum ka dak jong ka jingsngewsih. Nangta ki ïeng bad sdang ban phla ïa ki pop kiba ma ki bad ki kpa tymmen jong ki, ki la leh.

ISAÏAH 28:9

Ki mudui shaphang jong nga. Ki ong, “U mut aïu utai u briew ba u wan hikai? Uei uba donkam ïa ka khubor jong u? Ka long kaba bha tang na ka bynta ki khunlung ba dang shu iehnoh buiñ!

LEBITIKOS 23:24

Ong ha ki Israel, “Ha ka sngi kaba nyngkong jong u bnai uba hynñiew, rakhe ïa ka kum ka sngi shongthait kaba kyrpang, bad haba ka turoi ka sawa, wan ïalumlang ban mane Blei.

MALAKHI 2:7

Ka dei ka kamram ki lyngdoh ban hikai ïa ka jingtip bashisha ïa U Blei. Ki briew ki dei ban leit sha ki ban tip ïa ka mon jong nga, namar ki long ki nonglamktien jong U Trai Badonbor Baroh.

JINGKHEIÑ 29:1

Ha ka sngi kaba nyngkong jong u bnai uba hynñiew phi dei ban ïalumlang ban mane Blei, bad wat trei kano kano ka kam. Ha kata ka sngi put ïa ki turoi.

KI KAM 15:21

Naba ïa ka Hukum u Moses la pule la slem bah ha ki synagog man la ka sngi Sabbaton, bad ïa ki ktien jong u la ïalap ha man ki shnong.”

DEUTERONOMI 17:18

Ynda u long syiem, u dei ban don kopi ïa ka kitab jong ki aiñ U Blei bad ki jinghikai kaba la shna na ka kot aiñ kaba ki lyngdoh Lebi ki bat.

JOSHUA 8:35

U Joshua u pule ïa kawei pa kawei na ki hukum u Moses ha kata ka jingïalang, ha kaba la kynthup ïa ki kynthei bad ki khynnah, lem bad ki nongwei kiba shong basah hapdeng jong ki.