NEHEMAÏAH 8:17 - Khasi CL Bible (BSI)

¹⁷ Baroh ki briew kiba la wan phai na ka jinglongmraw, ki la shna ïa ki jakarieh bad shong hapoh jong ki. Kane ka la long ka sien kaba nyngkong ba la leh naduh ki sngi u Joshua u khun jong u Nun, bad baroh ki la kmen haduh katta katta.

KA BAIBL

¹⁷ Bad u paidlang jong kita baroh kiba la wan phai pat na ka jingpynwir ki la shna ïa ki ïingtrep, bad ki la shong ha ki ïingtrep: namar naduh ki sngi u Jeshua u khun u Nun haduh kata ka sngi, ki khun Israel kim shym la leh kumta. Bad la don ka jingkmen bakhraw eh.

NEHEMAÏAH 8:17 ပူးပေါင်းရင်းမြစ်များ

1 KHRONIKL 29:22

Kumta ha kata ka sngi ki la kmen shikatdei katba ki ïabam ïadih ha ka jingdon ryngkat U Trai. Ha ka sien kaba ar ki la thung syiem ïa u Solomon. Ha ka kyrteng jong U Trai ki la pynsleh ïa u kum u nongsynshar jong ki bad ïa u Sadok kum u lyngdoh.

2 KHRONIKL 30:26

Ka nongbah Jerusalem ka la dap da ka jingkmen, namar ym pat ju jia kaba kum kane naduh ki sngi jong u syiem Solomon, u khun jong u Dabid.

2 KHRONIKL 35:18

Naduh ki sngi jong u Samuel u nongïathuhlypa, ïa ka Jingkhawai Niam Ka Jinglait ym pat ju rakhe kum kane. Ym don napdeng ki syiem ba-mynshuwa kiba la rakhe ïa ka Jingkhawai Niam Ka Jinglait kum kane ba la rakhe da u Syiem Josaïah, ki lyngdoh, ki Lebi, bad ki paid Judah, Israel, bad Jerusalem

2 KHRONIKL 8:13

u la kñia ki jingainguh thang kat kum ka jingdawa jong ka Hukum u Moses na ka bynta kawei pa kawei ka sngi kaba khuid: ki Sabbaton, ki Jingkhawai Niam Bnai Thymmai, bad ki lai tylli ki Jingkhawai Niam kiba man ka snem — ka Jingkhawai Niam U Kpu Bakhlem Thiat, ka Jingkhawai Niam ka Jingot, bad ka Jingkhawai Niam Ki Ïingtrep.

ESRA 3:4

Ki rakhe ïa ka Jingkhawai Niam Ki Ïingtrep kat kum ki jingbuhbeit ryntih; ha kawei pa kawei ka sngi ki ai ki jingkñia kiba donkam ha kata ka sngi;

ÏOANNIS 1:14

U Ktien la kylla long u briew bad, uba dap da ka jingaiei bad ka jingshisha, u la im hapdeng jong ngi. Ngi la ïohi ïa ka burom jong u, ka burom kaba u la ïohpdiang kum U Khun marwei jong U Kpa.

DEUTERONOMI 16:15

Pyndonburom ïa U Trai U Blei jong phi da kaba phi rakhe hynñiew sngi ïa kane ka Jingkhawai Niam ha kata ka jaka mane Blei. To lehkmen, namar U Trai u la kyrkhu ïa ki jingmih baroh ba phi la ïoh ot bad ïa ka kam jong phi baroh.

HEBRU 11:13

Dei ha ka jingngeit ba kine ki briew baroh ki la ïap. Kim shym la ïohpdiang ïa kiei kiei ïa kiba U Blei u la kular, hynrei na sha jngai ki ïohi ïa ki bad ki pdiang sngewbha ïa ki, bad ki la pynbna paidbah ba ki la long ki nongwei bad ki sohshnong ha kane ka pyrthei.

HEBRU 11:9

Da ka jingngeit u la im kum u nongwei ha ka ri ha kaba U Blei u la kular ïa u. U la shong ha ki ïingjaiñ, kumta ruh u Isaak bad u Jakob, kiba la ïohpdiang ïa kajuh ka jingkular na U Blei.

HEBRU 4:8

Lada u Joshua u la ai ha ki briew ïa ka jingjahthait kaba U Blei u la kular, U Blei un ym kren hadien shaphang kata kawei pat ka sngi.

JOSHUA 1:1

Hadien ka jingïap u Moses, u shakri jong U Trai; U Trai u la kren ha u nongïarap lem jong u Moses, u Joshua u khun jong u Nun.