NEHEMAÏAH 8:16 - Khasi CL Bible (BSI)

¹⁶ Kumta ki briew ki la ïoh ïa ki tnat bad shna ïa ki ïingtrep halor ki tnum ïing ba madan jong ki ïing jong ki, ha la ki jaka, ha ka phyllaw ka Templ, bad ha ki jaka paidbah basawdong hajan ka Khyrdop Um bad hajan ka Khyrdop Ephraim.

KA BAIBL

¹⁶ Kumta, u paidbah u la mih noh, bad u la wallam ïa ki, bad ki la shna ki ïingtrep ïa lade, uwei pa uwei halor ka paki ka ïing jong u, bad ha ki phyllaw jong ki, bad ha ki phyllaw ka ïing U Blei, bad ha ka madan ka khyrdop um, bad ha ka madan ka khyrdop Ephraim.

NEHEMAÏAH 8:16 ပူးပေါင်းရင်းမြစ်များ

2 SAMUEL 11:2

Ha kawei ka sngi, haba la kham janmiet, u Dabid u la khie na kaba thiah shipor bad u la leit shalor ka tnum ïing jong ka ïingsyiem. Katba u dang ïaid sawdong hangta, u la ïohi ïa ka kynthei kaba dang sum. Ka long kaba bhabriew shikatdei.

2 SYIEM 14:13

U Jehoash u kem koidi ïa u Amasaïah, u tur shaphrang sha Jerusalem, bad u pyntwa ïa ka kynroh ka nongbah naduh Khyrdop Ephraim haduh Khyrdop Kyndong, ka jingjngai kumba arspah mitar.

2 KHRONIKL 20:5

bad ma ki bad ki briew ka Jerusalem ki ïalumlang ha ka phyllaw bathymmai jong ka Templ. U syiem Jehoshaphat u leit bad u ïeng ha khmat jong ki bad duwai jam,

2 KHRONIKL 33:5

Ha ki ar tylli ki phyllaw jong ka Templ, u tei ïa ki duwan na ka bynta ka jingmane ïa ki khlur.

NEHEMAÏAH 12:37

Ha ka Khyrdop Umpohliew, kaba ïaid lait ïa ka ïingsyiem jong u Dabid, ki kiew ïa ki mawjam kiba ïalam sha ka Nongbah u Dabid, bad wan phai biang sha ka kynroh ha ka Khyrdop Um, kaba shaphang mihngi jong ka nongbah.

NEHEMAÏAH 12:39

bad nangta ngi ïaid lait ïa ka Kynroh Ephraim, ka Kynroh Jeshanah, ka Kynroh Dohkha, u Mot Hananel, bad u Mot Shispah sha ka Khyrdop Langbrot. Ngi pynkut ïa ka jingïaid jong ngi hajan ka khyrdop sha ka Templ.

NEHEMAÏAH 8:1

Haba la poi u bnai uba hynñiew, ki briew ka Israel ki la ïashong ïasah ha ki shnong. Ha ka sngi banyngkong jong uta u bnai, ki la ïalumlang ha Jerusalem, ha ka jaka basawdong hapoh ka Khyrdop Um. Ki ong ïa u Esra, u lyngdoh bad u riewstad ka Hukum ïa kaba U Trai u la ai ha ki Israel lyngba u Moses, ban wanrah ïa ka kitab jong ka Hukum.

NEHEMAÏAH 8:3

Hangta ha ka jaka basawdong hajan ka khyrdop u pule ïa ka Hukum ha ki naduh dang step phyrngab haduh shiteng sngi, bad baroh ki ïasngap bha.

JEREMAÏAH 19:13

Ki ïing jong ka Jerusalem bad ki ïing jong ki syiem ka Judah, bad shisha baroh ki ïing ha kiba halor ki tnum jong ki la thang ïa ki jingiwbih sha ki khlur bad ha kaba ïa ka waiñ la theh kum ka jingainguh sha kiwei pat ki blei — ma ki baroh kin long ki bymkhuid kum ka Topheth.”

JEREMAÏAH 32:29

Kin sa thang duh ïa ka, ryngkat bad ki ïing ki sem hangno hangno ha kiba ki briew ki la pynbitar ïa nga da kaba thang ki jingiwbih ha u Baal halor ki tnum ïing bad da kaba theh ïa ka waiñ jong ki jingainguh sha kiwei pat ki blei.

DEUTERONOMI 22:8

“Haba phi tei ïing thymmai, kynmaw ban da ker ïa ka tduh jong ka tnum ïing, ïoh phi hap kit pop lada uno uno u briew u hap nangta bad u ïap.