NEHEMAÏAH 8:12 - Khasi CL Bible (BSI)

¹² Kumta u paidbah u leit noh sha la ïing bad bam bad dih da kaba kmen bad ïasam ïa kaei kaba ki don bad kiwei pat, namar ki la sngewthuh ïa kaei kaba la pule ha ki.

KA BAIBL

¹² Bad u paidbah baroh u la leit noh ban bam, bad ban dih, bad ban phah ki bynta, bad ban leh kmen eh, namar ba ki la lah sngewthuh ïa kita ki ktien kiba la pynbna ha ki.

NEHEMAÏAH 8:12 ပူးပေါင်းရင်းမြစ်များ

1 KHRONIKL 29:22

Kumta ha kata ka sngi ki la kmen shikatdei katba ki ïabam ïadih ha ka jingdon ryngkat U Trai. Ha ka sien kaba ar ki la thung syiem ïa u Solomon. Ha ka kyrteng jong U Trai ki la pynsleh ïa u kum u nongsynshar jong ki bad ïa u Sadok kum u lyngdoh.

NEHEMAÏAH 8:10

Mynta leit noh sha la ïing bad bam bad dih sngewbha. Ïasam ïa ka jingbam bad ka waiñ bad kito ki bym dap bym biang. Mynta ka sngi ka long kaba khuid ha U Trai jong ngi, kumta wat sngewsih. Ka jingkmen kaba U Trai u la ai ha phi kan pynlong khlaiñ ïa phi.”

NEHEMAÏAH 8:11

Ki Lebi ki la pynjai jai ïa u paidbah bad ong ha ki ban ym sngewsih ha kum kata ka sngi kaba khuid.

NEHEMAÏAH 8:13

Ha ka sngi kaba bud, ki rangbah kur, ryngkat bad ki lyngdoh bad ki Lebi, ki leit sha u Esra ban pule bniah ïa ka jinghikai jong ka Hukum.

ESTHER 9:22

Kine ki long ki sngi ha kiba ki Jiw ki la pyllait ïa lade na ki nongshun jong ki; une u long u bnai ha uba la pynphai pat na ka por jong ka jingsngewsih bad jingduh jingkyrmen sha ka por jong ka jingsngewbha bad ka jingkmen. La ong ïa ki ban rakhe ïa kine ki sngi da kaba ïabam sngewbha bad lehkmen, da kaba ai jingai sngewbha da ka jingbam iwei ïa iwei pat bad ïa kiba duk.

Ka Kitab U Job 23:12

Nga leh borabor ïa kaei kaba U Blei u hukum; nga bud ïa ka mon jong u, ym ïa ki jingkwah jong nga hi.

SALM 119:111

Ki hukum jong me ki long ka jingïohkynti jong nga bymjukut, ki long ka jingkmen jong ka dohnud jong nga.

SALM 119:127

Nga ieit ïa ki hukum jong me palat ban ïa ka ksiar, palat ban ïa ka ksiar nylla.

SALM 119:130

Ka jingbatai jong ki jinghikai jong me ka ai jingshai bad ka wallam jingstad ïa ki bymtip ei ei.

SALM 119:14

Nga sngewkmen ha kaba bud ïa ki hukum jong me palat ban ïa kaba don ka spah kaba khraw.

SALM 119:16

Ngan sngewbha eh ha ki aiñ jong me; ïa ki hukum jong me ngan ym klet.

SALM 119:171

Ngan ïai ïaroh ïa me, namar me hikai ïa nga ïa ki aiñ jong me.

SALM 119:174

A katno nga thrang ïa ka jingïarap bapynim jong me, A Trai! Nga shem jingkmen ha ka aiñ jong me.

SALM 119:72

Ka aiñ kaba me la ai ka kham kordor ïa nga ban ïa ka pisa baroh ha ka pyrthei.

SALM 119:97

A katno nga ieit ïa ka aiñ jong me! Nga pyrkhat ïa ka baroh shi sngi.

JEREMAÏAH 15:16

Me la kren ïa nga, bad nga la shahshkor ïa kawei pa kawei ka kyntien. Nga long u jong me, A Trai U Blei Badonbor Baroh, bad kumta ki ktien jong me ki la pyndap ïa ka dohnud jong nga da kaba kmen bad ka jingsngewkmen.

LOUKAS 24:32

Ki la ong para ma ki, “Hato kam shym la long kum ka ding kaba klang hapoh jong ngi mynba u la kren ha ngi ha ka lynti bad batai ïa ki Jingthoh Bakhuid ha ngi?”

Ka Shithi U Paul Sha Ki Nong Rom 7:18

Nga tip ba kaba bha kam im hapoh jong nga — kata, ha ka jinglong ba kynja doh jong nga. Naba wat la ka jingkwah ban leh ïa kaba bha ka don hapoh jong nga, ngam lah ban leh ïa ka.

JINGPYNPAW 11:10

Ki briew kiba shong ha ka pyrthei kin ïakmen namar ka jingïap jong kine ki ar ngut. Kin ïalehkmen bad kin ïa-ai jingai sngewbha markylliang, namar ba kita ki ar ngut ki nongïathuhlypa ki la wallam shibun ki jingshitom halor u bynriew.