NEHEMAÏAH 8:10 - Khasi CL Bible (BSI)

¹⁰ Mynta leit noh sha la ïing bad bam bad dih sngewbha. Ïasam ïa ka jingbam bad ka waiñ bad kito ki bym dap bym biang. Mynta ka sngi ka long kaba khuid ha U Trai jong ngi, kumta wat sngewsih. Ka jingkmen kaba U Trai u la ai ha phi kan pynlong khlaiñ ïa phi.”

KA BAIBL

¹⁰ Ynda kumta, u la ong ha ki, “Khie leit, to bam ïa kaba khleiñ, bad dih ïa kaba thiang, bad phah ïa ki bynta ha uta ha uba ym shym la khreh ei ei: namar kane ka sngi, ka long ka bakyntang ha U Trai jong ngi: lymne wat sngewsih; namar ka jingkmen U Trai ka long ka bor jong phi.”

NEHEMAÏAH 8:10 ပူးပေါင်းရင်းမြစ်များ

1 SYIEM 8:66

Ha ka sngi kaba phra u Solomon u phah noh sha ïing ïa u paidlang. Baroh ki la ïaroh ïa u bad ki leit suk sha ïing namar ki jingkyrkhu baroh ba U Trai u la ai ha u Dabid u shakri jong u bad ha ki briew jong u ki Israel.

1 KHRONIKL 16:27

Ka burom bad ka jinglong syiem ki ker sawdong ïa u, ka bor bad ka jingkmen ki dap ïa ka Templ jong u.

NEHEMAÏAH 8:11

Ki Lebi ki la pynjai jai ïa u paidbah bad ong ha ki ban ym sngewsih ha kum kata ka sngi kaba khuid.

NEHEMAÏAH 8:12

Kumta u paidbah u leit noh sha la ïing bad bam bad dih da kaba kmen bad ïasam ïa kaei kaba ki don bad kiwei pat, namar ki la sngewthuh ïa kaei kaba la pule ha ki.

ESTHER 9:19

Kane ka long balei ba ki Jiw kiba shong basah ha ki shnongrit ki rakhe ïa ka sngi kaba khatsaw jong u bnai Adar kum ka sngi shuti bakmen, ka por jong ka jingkhawai sngewbha bad jingai sngewbha da ka jingbam iwei ïa iwei. Ka Jingkhawai Niam ki Purim.

ESTHER 9:22

Kine ki long ki sngi ha kiba ki Jiw ki la pyllait ïa lade na ki nongshun jong ki; une u long u bnai ha uba la pynphai pat na ka por jong ka jingsngewsih bad jingduh jingkyrmen sha ka por jong ka jingsngewbha bad ka jingkmen. La ong ïa ki ban rakhe ïa kine ki sngi da kaba ïabam sngewbha bad lehkmen, da kaba ai jingai sngewbha da ka jingbam iwei ïa iwei pat bad ïa kiba duk.

SALM 149:2

To kmen, ko Israel, namar u Nongthaw jong phi; to shadkmen, ko ki briew ka Seïon, na ka bynta u syiem jong phi!

SALM 89:17

Me ai ki jingjop bakhraw ïa ngi; ha ka jingieit jong me, me pynlong ïa ngi ban leh risa.

PROBERB 17:22

Kaba dap da ka jingkmen ka pynlong ïa phi ban shait ban khlaiñ. Ban sngewdiaw man ka por ka long ka jingïap suki pa suki.

EKLESIASTIS 11:2

Buh ïa ki jingthep pisa jong phi ha ki jaka babun — wat ha kiba bun ki jaka — namar ba phim tip da lei lei ka jait jingsniewbok aïu kaba phin ïoh ha kane ka pyrthei.

EKLESIASTIS 2:24

Kaba bha tam kaba u briew u lah ban leh ka long ban bam bad dih bad ban lehkmen ïa kaei kaba u la kamai. Bad wat la katta, nga la sngewthuh ba wat kane ka wan na U Blei.

EKLESIASTIS 3:13

Baroh na ngi, ngi dei ban bam bad dih bad lehkmen ïa kaei kaba ngi la trei. Ka dei ka jingai jong U Blei.

EKLESIASTIS 5:18

Kane ka dei kaei kaba nga la shem: Kaba bha tam kaba ngi lah ban leh ka long ban bam bad ban dih bad ban lehkmen ïa kaei kaba ngi la trei ha ka jingim balyngkot kaba U Blei u la ai ïa ngi; kane ka dei ka kupar jong ngi.

EKLESIASTIS 9:7

To leh — bam ïa ka jingbam jong phi bad long uba kmen; dih ïa ka waiñ jong phi bad to long kiba dap da ka jingkmen. Ka long kaba biang bad U Blei.

JINGRWAI SOLOMON 5:1

Nga la rung sha ka kper jong nga, ko ba-ieit thep mynsiem jong nga, ko nongleitkurim jong nga. Nga la lum ïa ki musla bad ka mirr jong nga; nga bam ïa ka ngap bad ka rewngap jong nga; nga dih ïa ka waiñ bad ka dud jong nga. To bam, ko ki nongphylliew jingieit, to dih tad haduh ba phin da buaid da ka jingieit.

ISAÏAH 49:5

Ha shuwa ban kha ïa nga, U Trai u la thung ïa nga; u la pynlong ïa nga u shakri jong u ban wallam pat ïa ki briew jong u, ban wallam pat ïa ka jaitbynriew Israel kaba la saphriang kylleng. U Trai u ai ha nga ka burom; u long u tyllong jong ka jingkhlaiñ jong nga.

ISAÏAH 61:10

Ko Jerusalem to shadkmen namar kaei kaba U Trai u la leh. Ka long kum ka nongleitkurim kaba riam na ka bynta ka jingkyntiew kurim jong ka. U Blei u la pynkup ïa ka da ka jingpynim bad ka jingjop.

JOEL 2:23

“To lehkmen, ko ki briew ka Seïon, to shadkmen ha kaei kaba U Trai U Blei jong phi u la leh ïa phi. U la ai ïa phi ïa u slap synrai uba biang; u la theh ïa u slap tlang na ka bynta jong phi bad ïa u slap pyrem kumba mynshuwa.

SEKHARAÏAH 14:21

Ïa uwei pa uwei u khiew shet ha Jerusalem bad ha baroh ka Judah yn pynkyrpang na ka bynta ban pyndonkam ha ka jingmane ïa U Trai Badonbor Baroh. Ki briew kiba ai ïa ki jingkñia kin pyndonkam ïa ki ban phon ïa ka doh jong ki jingkñia. Haba kata ka por ka poi, yn ym don shuh uno uno u nongkhaïi ha ka Templ jong U Trai Badonbor Baroh.

LOUKAS 11:41

Hynrei ai ïa kaei kaba hapoh ki khuri bad ki pliang jong phi ha kiba duk, bad kiei kiei baroh kin long kiba khuid kat kum ka jinglehniam na ka bynta jong phi.

2 KORINTH 8:2

Ki la shah tynjuh palat da ki jingjynjar kiba ki la ïaid lyngba; hynrei ka jingkmen jong ki ka la long kaba khraw haduh katta katta ba ki la long kiba sbun shikatdei eh ha ka jingai jong ki, wat la ki long kiba duk shisha.

PHILIPPI 3:4

Nga lah eh, da shisha, ban shaniah ha kum kito kiei kiei. Lada uno uno u pyrkhat ba u lah ban shaniah ha ki jinglehniam kiba shabar, nga don ka daw kaba kham khraw ban sngew kumta.

JINGPYNPAW 11:10

Ki briew kiba shong ha ka pyrthei kin ïakmen namar ka jingïap jong kine ki ar ngut. Kin ïalehkmen bad kin ïa-ai jingai sngewbha markylliang, namar ba kita ki ar ngut ki nongïathuhlypa ki la wallam shibun ki jingshitom halor u bynriew.

1 SAMUEL 25:8

Shu kylli ïa ki, bad kin ïathuh ïa phi. Ngi la wan ha ka sngi jingkhawai, bad u Dabid u kyrpad ïa phi ban pdiang sngewbha ïa ngi. Sngewbha ai ïa kaba phi lah ha ngi ki shakri jong phi bad ha u paralok ba-ieit jong phi, u Dabid.”