NEHEMAÏAH 8:1 - Khasi CL Bible (BSI)

¹ Haba la poi u bnai uba hynñiew, ki briew ka Israel ki la ïashong ïasah ha ki shnong. Ha ka sngi banyngkong jong uta u bnai, ki la ïalumlang ha Jerusalem, ha ka jaka basawdong hapoh ka Khyrdop Um. Ki ong ïa u Esra, u lyngdoh bad u riewstad ka Hukum ïa kaba U Trai u la ai ha ki Israel lyngba u Moses, ban wanrah ïa ka kitab jong ka Hukum.

KA BAIBL

¹ Bad u paidbah baroh, u la ïalum lang ryntih ha ka madan kaba la don ha khmat ka khyrdop um; bad ki la ong ha u Esra u nongthoh ban wallam ïa Ka Kitab Ka Hukum u Moses, ïa kaba U Trai u la lah hukum ha ki Israel.

NEHEMAÏAH 8:1 ပူးပေါင်းရင်းမြစ်များ

2 SYIEM 23:2

bad baroh lang ki leit sha ka Templ, ba la synran da ki lyngdoh bad ki nongïathuhlypa bad baroh kiwei pat ki briew, kiba riewspah bad baduk kumjuh. Ha khmat jong ki baroh, u syiem u pule jam baroh kawei ïa ka Kitab ka Jutang kaba la shem ha ka Templ.

2 KHRONIKL 34:15

U ong ha u Shaphan, “Nga la shem ïa ka kitab jong ka Hukum hangne ha ka Templ.”

2 KHRONIKL 34:30

bad ryngkat lang ki leit sha ka Templ, ba la synran da ki lyngdoh bad ki Lebi bad da baroh kiwei ki briew, kiba riewspah bad kiba duk kumjuh. Ha khmat jong ki baroh, u syiem u pule jam ïa ka kitab baroh jong ka jutang, kaba la shem ha ka Templ.

ESRA 7:1

Bun snem hadien, mynba u Artakserksis u long u patsha ha Persia, la don u briew uba kyrteng u Esra. U don ka jinghiarpateng na u kpa tymmen jong u, u Aaron, u Rangbah Lyngdoh, kumne harum: U Esra u long u khun jong u Seraïah, u khun jong u Asaraïah, u khun jong u Hilkaïah,

ESRA 7:10

U Esra u la aiti ïa la ka jingim ha kaba pule ïa ka Hukum jong U Trai, ha kaba pyntreikam ïa ka, bad ha kaba hikai ïa baroh ki aiñ bad ki jingbuhbeit ryntih ha ki paid Israel.

ESRA 7:11

U Artakserksis u ai ïa kane ka jingthoh ha u Esra, u lyngdoh bad u riewstad, uba don ka jingtip bajylliew ïa ki aiñ bad ki hukum kiba U Trai u la ai ha ki Israel:

ESRA 7:6

U Esra u long u riewstad uba don ka jingtip bajylliew ïa ka Hukum kaba U Trai U Blei ki Israel u la ai ha u Moses. Namar ba u Esra u don ïa ka jingkyrkhu U Trai U Blei jong u, u patsha u ai kat ïa kaba u pan. Ha ka snem kaba hynñiew jong ka jingsynshar u Artakserksis, u Esra u la mih na Babilonia ban leit sha Jerusalem ryngkat bad shi kynhun ki Israel kiba kynthup ïa ki lyngdoh, ki Lebi, ki nongput nongtem ka Templ, ki nongap phira ka Templ bad ki nongtrei.

NEHEMAÏAH 12:26

Kine ki briew ki im ha ka por u Joïakim, u khun jong u Joshua bad u ksiew jong u Jehosadak, bad ha ka por u Nehemaïah, u lat, bad ha ka por u Esra, u lyngdoh uba long u riewstad ka Hukum.

NEHEMAÏAH 12:37

Ha ka Khyrdop Umpohliew, kaba ïaid lait ïa ka ïingsyiem jong u Dabid, ki kiew ïa ki mawjam kiba ïalam sha ka Nongbah u Dabid, bad wan phai biang sha ka kynroh ha ka Khyrdop Um, kaba shaphang mihngi jong ka nongbah.

NEHEMAÏAH 8:16

Kumta ki briew ki la ïoh ïa ki tnat bad shna ïa ki ïingtrep halor ki tnum ïing ba madan jong ki ïing jong ki, ha la ki jaka, ha ka phyllaw ka Templ, bad ha ki jaka paidbah basawdong hajan ka Khyrdop Um bad hajan ka Khyrdop Ephraim.

NEHEMAÏAH 8:3

Hangta ha ka jaka basawdong hajan ka khyrdop u pule ïa ka Hukum ha ki naduh dang step phyrngab haduh shiteng sngi, bad baroh ki ïasngap bha.

ISAÏAH 8:20

Me dei ban jubab ïa ki, “To shahshkor ïa kaei kaba U Trai u hikai ïa phi! Wat shahshkor ïa ki nongkren byrtong — kaei kaba ki ong ïa phi kan ym weng ïa ka jingjynjar.”

LEBITIKOS 9:5

Ki wanlam sha khmat ka Ïingjaiñ ïa kaei kaei baroh kaba u Moses u la hukum, bad ki paidbah baroh ki ïalumlang ban mane ïa U Trai.

MALAKHI 4:4

“To kynmaw ïa ki jinghikai u Moses u shakri jong nga, ki aiñ bad ki hukum kiba nga la ai ha u ha u Lum Sinai na ka bynta ki paid Israel baroh ban kohnguh.

MATHAÏOS 13:52

Kumta u la jubab, “Kane ka mut, te, ba uwei pa uwei u nonghikai Aiñ uba long u synran hapoh ka Hima ki bneng u long kum u trai jong ka ïing uba la sei shabar ïa kiei kiei kiba thymmai bad kiba rim napoh ka kamra kynshew jong u.”

MATHAÏOS 23:13

“A katno ka long kaba shyrkhei ïa phi, ki nonghikai ka Hukum bad ki Pharisi! Phi kiba arsap! Phi khang ïa ka jingkhang sha ka Hima ki bneng na khmat ki briew, hynrei ma phi da lade hi phim leit rung shapoh, lymne ba phi shah shapoh ïa kito kiba pyrshang ban rung!

MATHAÏOS 23:2

“Ki nonghikai ka Hukum bad ki Pharisi ki long kiba la pynkupbor ban batai ïa ka Hukum u Moses.

MATHAÏOS 23:34

Bad kumta nga ong ha phi ba ngan phah ha phi ïa ki nongïathuhlypa bad ïa ki briew kiba stad bad ïa ki nonghikai; phin pynïap katto katne ngut na ki, phin sahnarphna ïa kiwei pat, bad phin sympat ïa kiwei pat ha ki synagog bad beh ïa ki na kawei ka shnong sha kawei pat.

DEUTERONOMI 31:11

Pule ïa ka ha ki paid Israel haba ki wan ban mane ïa U Trai U Blei jong ki ha kata ka jaka mane Blei.

NONGBISHAR 20:1

Baroh ki paid Israel naduh Dan kaba shaphang shatei haduh Beersheba kaba shaphang shathie, kumjuh ruh naduh ri Gilead kaba shaphang mihngi, ki la ïawanlang. Ki ïalumlang kum kawei ka kynhun ha khmat U Trai ha Mispah.

NONGBISHAR 20:8

U paidbah baroh u ïeng tylli lang kawei bad u ong, “Yn ym don na ngi, la u sah ha la ka ïingjaiñ ne ha la ïing ban leit sha la ïing.