NEHEMAÏAH 7:73 - Khasi CL Bible (BSI)

⁷³ Ki lyngdoh, ki Lebi, ki nongap phira ïa ka Templ, ki nongtem nongput, kiba bun na ki riewpaidbah, ki nongtrei ka Templ — baroh u paid Israel — ki la shongduh ha ki shnong bad nongbah jong ka Judah.

KA BAIBL

⁷³ Kumta ki lyngdoh, bad ki Lebi, bad ki nongap jingkhang, bad ki nongrwai, bad kiba na u paidbah, bad ki Nethin, bad Israel baroh, ki la shong duh ha la ki shnong. Bad haba u 'nai hynñiew u la poi, ki khun Israel ki la don ha la ki shnong.

NEHEMAÏAH 7:73 ပူးပေါင်းရင်းမြစ်များ

2 SYIEM 7:10

Kumta ki mihnoh na ka jaka shong dara jong ki Syria, ki leit phai sha Samaria bad ki la khot ïa ki nongap phira ha ki khyrdop: “Ngi la leit sha ka jaka shong dara jong ki Syria bad ngim shym la ïohi ne ïohsngew ïano ïano; ki kulai bad ki kada kiba dang shah teh, bad ki ïingjaiñ ki long kumjuh kumba ki Syria ki la ieh ïa ki.”

1 KHRONIKL 9:2

Kiba la wan phai nyngkong sha la ki jaka ha ki nongbah ki dei ki traishnong Israel, ki lyngdoh, ki Lebi, bad ki nongtrei ha ka Templ.

ESRA 2:70

Ki lyngdoh, ki Lebi bad katto katne na ki briew ki la shongduh ha Jerusalem ne ki jaka ba-marjan; ki nongtem nongput, ki nongap phira ka Templ, bad ki nongtrei shynrang ka Templ ki la shongduh ha ki shnong ba-marjan; bad kiba sah na ki Israel ki shongduh ha ki shnong kiba ki kpa tymmen jong ki, ki la shong la sah.

ESRA 3:1

Haba la dap hynñiew bnai, ki Israel ki la ïashongduh ha la ki shnong jong ki. Nangta baroh ki ïalumlang ha Jerusalem,

NEHEMAÏAH 11:3

Ha kiwei pat ki shnong bad ki nongbah, ki Israel, ki lyngdoh, ki Lebi, ki nongtrei ka Templ bad ki khun ki ksiew jong ki nongtrei u Solomon, ki shong ki sah ha ki jaka la jong ha ki shnong jong ki. Kane ka long ka thup jong ki nongshong shnong bapawkhmat jong ka probins jong ka Judah kiba shong basah ha Jerusalem: Ki dkhot jong ka jait Judah: U Athaïah, u khun jong u Ussaïah bad u ksiew jong u Sekharaïah. Kiwei pat ki kpa tymmen ki kynthup ïa u Amaraïah, u Shephataïah, bad u Mahalalel, ki khun ki ksiew u Peres, u khun jong u Judah. U Maaseïah, u khun jong u Barukh bad u ksiew jong u Kolhoseh. Kiwei ki kpa tymmen ki kynthup ïa u Hasaïah, u Adaïah, u Joïarib bad u Sekharaïah, ki khun ki ksiew jong u Shelah, u khun jong u Judah. Na ki khun ki ksiew u Peres, sawspah hynriewphew phra ngut ki rangbah bapawkhmat ki shong ki sah ha Jerusalem. Ki dkhot jong ka jait Benjamin: U Sallu, u khun jong u Meshullam bad u ksiew jong u Joed. Kiwei ki kpa tymmen jong u ki kynthup ïa u Pedaïah, u Kolaïah, u Maaseïah, u Ithiel bad u Jeshaïah. U Gabbai bad u Sallai, ki long ki ba-ha-ïing bajan jong u Sallu. Ha baroh, Khyndaispah arphew phra ngut ki Benjamin ki shong ki sah ha Jerusalem.