Kumta ki mihnoh na ka jaka shong dara jong ki Syria, ki leit phai sha Samaria bad ki la khot ïa ki nongap phira ha ki khyrdop: “Ngi la leit sha ka jaka shong dara jong ki Syria bad ngim shym la ïohi ne ïohsngew ïano ïano; ki kulai bad ki kada kiba dang shah teh, bad ki ïingjaiñ ki long kumjuh kumba ki Syria ki la ieh ïa ki.”
NEHEMAÏAH 7:1 - Khasi CL Bible (BSI)1 Bad mynta ïa ka kynroh la dep tei pat, ïa ki khyrdop la pynïeng ha ki jaka jong ki, bad ïa ki nongap phira ka templ, ki dkhot ka kynhun rwai ba la pynkyntang bad kiwei pat ki Lebi, la buh ki kam na ka bynta jong ki. အခန်းကိုကြည့်ပါ။KA BAIBL1 Bad haba la lah tei ïa ka kynroh, bad ba nga la lah pynïeng ïa ki jingkhang, bad ba la thung ïa ki nongap jingkhang bad ïa ki nongrwai bad ïa ki Lebi, အခန်းကိုကြည့်ပါ။ |
NEHEMAÏAH 7:1
12 ပူးပေါင်းရင်းမြစ်များ
U syiem Hesekaïah u pynskhem biang ïa ka kynhun ki lyngdoh bad ki Lebi, hapoh jong kata uwei pa uwei u don la ka jong ka jong ka kamram. Kine ki kynthup ïa ki jingainguh thang bad ki jingainguh ïasyllok, kaba shim bynta ha ka jingmane ha ka templ, bad kaba ai ïa ka jingïaroh bad jingainguh ha ki bynta bapher jong ka Templ.
Kumta ha u bnai ba ar jong ka snem hadien ba ki la wan pat sha ka jaka jong ka Templ ha Jerusalem, ki sdang ban ïatrei. U Serubbabel, u Joshua bad kiwei pat ki para rangbah ka ri, ki lyngdoh, bad ki Lebi, ha ka jingshisha, baroh kiba shah ringmraw kiba la wan phai pat sha Jerusalem, ki la ïasnohkti lang ha ka jingtrei. Ïa baroh ki Lebi kiba la dap arphew snem ka rta lane tam, la buh ban khmih ha ka jingtei pat ïa ka Templ.
Ki Israel bad ki Lebi kin rah ïa ki jingai sngewbha, u kew, ka waiñ bad ka umphniang Olib, sha ki kamra buh tiar kiba don ki khiew ka Templ bad ha kaba ki lyngdoh kiba don ha ka jingtreikam, ki nongap phira ka Templ bad ki dkhot ka kynhun nongrwai ka Templ, ki don ki jaka shong jaka sah. Ngin ym iehnoh khlem sumar bha ïa ka ïing U Blei jong ngi.
Ha kiwei pat ki shnong bad ki nongbah, ki Israel, ki lyngdoh, ki Lebi, ki nongtrei ka Templ bad ki khun ki ksiew jong ki nongtrei u Solomon, ki shong ki sah ha ki jaka la jong ha ki shnong jong ki. Kane ka long ka thup jong ki nongshong shnong bapawkhmat jong ka probins jong ka Judah kiba shong basah ha Jerusalem: Ki dkhot jong ka jait Judah: U Athaïah, u khun jong u Ussaïah bad u ksiew jong u Sekharaïah. Kiwei pat ki kpa tymmen ki kynthup ïa u Amaraïah, u Shephataïah, bad u Mahalalel, ki khun ki ksiew u Peres, u khun jong u Judah. U Maaseïah, u khun jong u Barukh bad u ksiew jong u Kolhoseh. Kiwei ki kpa tymmen ki kynthup ïa u Hasaïah, u Adaïah, u Joïarib bad u Sekharaïah, ki khun ki ksiew jong u Shelah, u khun jong u Judah. Na ki khun ki ksiew u Peres, sawspah hynriewphew phra ngut ki rangbah bapawkhmat ki shong ki sah ha Jerusalem. Ki dkhot jong ka jait Benjamin: U Sallu, u khun jong u Meshullam bad u ksiew jong u Joed. Kiwei ki kpa tymmen jong u ki kynthup ïa u Pedaïah, u Kolaïah, u Maaseïah, u Ithiel bad u Jeshaïah. U Gabbai bad u Sallai, ki long ki ba-ha-ïing bajan jong u Sallu. Ha baroh, Khyndaispah arphew phra ngut ki Benjamin ki shong ki sah ha Jerusalem.
Hapoh ka jingpynïaid u Hashabaïah, u Sherebaïah, u Jeshua, u Binnui bad u Kadmiel, ïa ki Lebi la buh ha ki kynhun kynhun. Ar kynhun ki rwai ïaroh ïa U Blei da kaba ïarwai-jubab kylliang ha kajuh ka por bad rwai ki jingainguh sha U, kat kum ki jingbthah ba la ai da u syiem Dabid, u briew jong U Blei.
ကြော်ငြာတွေ