NEHEMAÏAH 6:9 - Khasi CL Bible (BSI)

⁹ Ki pyrshang ban pyntieng ïa ngi ban pynsangeh ïa ka kam. Nga la duwai, “Hynrei mynta, A Blei, pynlong khlaiñ ïa nga!”

KA BAIBL

⁹ Namar, ki baroh, ki la kwah ban pynsheptieng ïa ngi, ki ïa-ong, “Yn pyntlot bor ïa ki kti jong ki na kata ka kam, ba yn ym pyndep ïa ka.” “Hynrei, mynta, A U Blei, pynshaitbor ma me ïa ki kti jong nga.”

NEHEMAÏAH 6:9 ပူးပေါင်းရင်းမြစ်များ

2 KHRONIKL 15:7

Hynrei phi dei ban long kiba khlaiñ bad phim dei ban noh mynsiem. Ka kam kaba phi leh yn sa ai bainong.”

2 KHRONIKL 32:18

Ki rangbah synshar ki pyrta ïa kane ha ka ktien Hebru khnang ban pynsheptieng bad pynnoh mynsiem ïa ki briew ka Jerusalem kiba don ha ka kynroh jong ka nongbah, te kan long kaba kham suk ban knieh ïa ka nongbah.

ESRA 1:6

Baroh ki paramarjan ki la ïarap ïa ki da kaba ai ïa ki bun kiei kiei: ki khiew rupa, ka ksiar, ki mar ki mata bad ki jingai sngewbha na ka bynta ka Templ.

NEHEMAÏAH 6:14

Nga duwai, “A Blei, to kynmaw ïa kaei kaba u Tobiah bad u Sanballat ki la leh bad to pynshitom ïa ki. To kynmaw ïa kato ka kynthei, ka Noadaïah, bad baroh kiwei ki nongïathuhlypa kiba la pyrshang ban pyntieng ïa nga.”

SALM 138:3

Me jubab ïa nga haba nga khot kyrpad ïa me; da ka jingkhlaiñ jong me, me pynshaitbor ïa nga.

SALM 56:3

Haba nga sheptieng, A Trai Badonbor Baroh, nga buh ïa ka jingshaniah ha me.

SALM 68:35

A katno uba itynnat eh long U Blei haba u wan na ka jaka kyntang jong u — U Blei jong ki Israel! U ai ka jingkhlaiñ bad ka bor ha ki briew jong u. To ïaroh ïa U Blei!

SALM 71:1

A Trai, nga la wan ha me ban ïoh jingïada; wat shah da lei lei ba ngan shahjop!

ISAÏAH 40:29

U pynshaitbor ïa kito kiba tlot bad kiba thait.

ISAÏAH 41:10

Wat sheptieng — nga long ryngkat bad me! Nga long U Blei jong me — wat ai ba kano kano kan pynsheptieng ïa me! Ngan pynlong ïa me uba khlaiñ bad ngan ïarap ïa me; ngan ïada ïa me bad ngan pynim ïa me.

JEREMAÏAH 38:4

Te ki rangbah synshar ki la leit sha u syiem bad ki ong, “Ïa une u briew dei ban pynïap. Da kaba u kren kumne, u pynlong ïa ki shipai ha ka nongbah ban duh noh ïa ka jingshlur, bad u leh kumjuh ïa uwei pa uwei baroh ba dang sah ha ka nongbah. Um shym pyrshang ban ïarap ïa ki paidbah; u kwah tang ban pynmong ïa ki.”

ESEKIEL 30:24

Nangta ngan pynlong ïa ki ksang'ti jong u syiem ka Babilonia kaba khlaiñ bad ngan buh ïa ka waitlam jong nga ha ki kti jong u. Hynrei ngan pynkheiñ ïa ki ksang'ti jong u syiem ka Ijipt, bad un ud bad ïap ha khmat u nongshun jong u.

SEKHARAÏAH 10:12

Ngan pynkhlaiñ ïa ki briew jong nga; kin ïamane bad kohnguh ïa nga.” U Trai u la kren.

2 KORINTH 12:9

Hynrei ka jubab jong u ka la long: “Ka jingaiei jong nga ka long baroh kaba me donkam, naba ka bor jong nga ka khraw tam dei haba me tlot.” Nga kmen eh, namarkata, ban sngewsarong ha ki jingtlot jong nga, khnang ban mad ïa ka jingïada ka bor jong U Khrist halor jong nga.

EPHESOS 3:16

Nga kyrpad ïa U Blei na ka jingkynrei spah ka burom jong u ban ai ha phi ïa ka bor da U Mynsiem jong u ba phin long kiba khlaiñ ha ki jinglong bashapoh jong phi, bad nga duwai ba U Khrist un pynlong ka ïingshong jong u ha ki dohnud jong phi da ka jingngeit.

EPHESOS 6:10

Ha kaba pynkut noh, to long kiba khlaiñ ha U Trai bad ha ka bor ka jingkhlaiñ jong u.

PHILIPPI 4:13

Nga don ka bor ban mad ïa baroh ki jinglong da ka bor kaba U Khrist u ai ïa nga.

HEBRU 12:12

Te to rah ïa ki kti ba la thait jong phi, bad pynkhlaiñ ïa ki khohsiew kiba la kyiuh jong phi!

1 PETROS 5:10

Hynrei hadien ba phi la shahshitom tang khyndiat por, U Blei jong ka jingaiei baroh, uba la khot ïa phi ban ïoh bynta na ka burom bymjukut jong u ha U Khrist, ma u hi keiñ un pynjanai ïa phi bad un ai ha phi ïa ka jingsngewskhem, ka jingkhlaiñ, bad ka nongrim kaba skhem shisha.

1 SAMUEL 30:6

U Dabid u don mynta ha ka jingma kaba khraw, namar ki briew jong u kiba la sngewkthang haba ki la duh ïa la ki khun ki kti bad ki byrngem ban lynthem maw ïa u; hynrei U Trai U Blei jong u, u ai ha u ka jingshlur.