NEHEMAÏAH 6:6 - Khasi CL Bible (BSI)

⁶ La thoh: “U Geshem u ong ïa nga ba ka don ka hamsaïa kaba ïaid kylleng hapdeng ki jaitbynriew kaba don marjan, ba ma phi bad ka jaitbynriew Jiw phi don jingthmu ban ïaleh pyrshah bad dei na kane ka daw balei ba phi la tei pat ïa ka kynroh. U ong ruh ba phi thmu ban pynlong ïa lade u syiem

KA BAIBL

⁶ ha kaba la thoh, “La bna hapdeng ki jaid bynriew, bad u Gashmu u ong ïa kata, ba ma me bad ki Jiw phi thmu ban ïaleh pyrshah; ba namar kata me tei ïa ka kynroh: bad ba me kwah ban long u syiem jong ki, katba kum kine ki ktien.

NEHEMAÏAH 6:6 ပူးပေါင်းရင်းမြစ်များ

ESRA 4:12

“Ngi kwah ba u syiem un tip ba ki Jiw kiba la wan hangne na kiwei ki ri, ki la shong la sah ha Jerusalem bad ki dang tei pat ïa kato ka nongbah kaba sniew bad kaba ïaleh pyrshah. Ki la sdang ban tei pat ïa ki kynroh bad shen kin sa pyndep ïa ki.

ESRA 4:15

ba phin hukum ban wad ïa ki jingbuh jingthoh kiba ki kpa tymmen jong phi ki la buh. Lada phi leh kumta, phin shem ba kane ka nongbah ka la long borabor kaba ïaleh pyrshah bad ba naduh ki por mynhyndai, ka la ju ai jingshitom ïa ki syiem bad ki nongsynshar ki jylla. Ka long borabor kaba eh ban synshar ïa ki briew jong ka. Dei na kane ka daw ba ïa ka nongbah la pynjot.

NEHEMAÏAH 2:19

Haba u Sanballat, u Tobiah, bad u nong Arab uba kyrteng u Geshem ki la ïohsngew ïa kaei kaba ngi la thmu ban leh, ki rkhie ïa ngi bad ong, “Kaei kaba phi tharai phin leh? Hato phin ïaleh pyrshah ïa u patsha?”

NEHEMAÏAH 6:13

Ki la pyndonkam ïa u ban pyntieng ïa nga sha ka jingleh pop, khnang ba ki lah ban pynsniew ïa nam babha jong nga bad pynjahburom ïa nga.

NEHEMAÏAH 6:5

Kumta u Sanballat u phah ïa uwei na ki shakri jong u sha nga ryngkat bad ka khubor kaba san, kane kawei ha ka rukom jong ka shithi ka bym shym la shon muhor.

NEHEMAÏAH 6:7

bad ba phi la pynbeit ba katto katne ki nongïathuhlypa kin pynbna ha Jerusalem ba phi long u syiem ka Judah. U syiem, khlem pep, un ïohsngew shaphang kane, kumta nga ai jingmut ba ma phi bad nga ngin ïakynduh ban ïakren halor kane ka kam.”

JEREMAÏAH 20:10

Nga ïohsngew uwei uwei baroh u ïa-pasiaw, “Ka jingshyrkhei ka don ha kylleng! Ïa ngin ïamudui ïa u sha ki bor pynïaid!” Wat ki paralok kiba ïajan eh ki ap khmih ïa ka jingkyllon jong nga. “Lehse lah ban pynthame ïa u,” ki ong; “te ngi lah ban kem ïa u bad ïoh pynhiarkput.”

MATHAÏOS 5:11

“Suk ma phi haba ki briew ki krenbeiñ bad pynshitom beiñ ïa phi, bad ong bun jait ki jinglamler basniew pyrshah ïa phi namar ba phi long ki nongbud jong nga.

LOUKAS 23:2

“Ngi la kem ïa une u briew uba ïalam bakla ïa ki briew jong ngi, da kaba ong ïa ki ban ym siew khajna sha u Patsha bad u kam ba ma u hi u long U Messaïah, u syiem.”

ÏOANNIS 19:13

Haba u Pilat u la ïohsngew ïa kine ki ktien, u la ïalam shabar ïa U Jisu bad u la shong halor ka khet u nongbishar ha ka jaka ba la khot “Kaba la Siang Maw.” (Ha ka ktien Hebru ka kyrteng ka long “Gabbatha.”)

Ka Shithi U Paul Sha Ki Nong Rom 3:8

Balei yn ym ong te, “To ngin leh ïa kaba sniew khnang ba kaba bha kan mih?” Katto katne ngut ki briew, shisha, ki pynjahburom ïa nga da kaba pharep ïa nga da kaba ong ïa kane kaei kaei hi! Kin shah pynrem, kumba ki dei ban shah.

2 KORINTH 6:8

Ïa ngi la pyndonburom bad la pynlehrain; la krenbeiñ bad la ïaroh. La ñiew ïa ngi kum ki nongshukor, pynban ngi kren ïa ka jingshisha;

1 PETROS 3:16

hynrei, to leh ïa kata ha ka jingjai jai bad da kaba burom. To sumar khuid ïa ka jingïatiplem jong phi, khnang ba haba phi shah krenbeiñ, kita kiba kren sniew ïa ka jinglong jingim babha jong phi kum ki nongbud jong U Khrist kin shah lehrain na ka bynta kaei kaba ki ong.