NEHEMAÏAH 6:13 - Khasi CL Bible (BSI)

¹³ Ki la pyndonkam ïa u ban pyntieng ïa nga sha ka jingleh pop, khnang ba ki lah ban pynsniew ïa nam babha jong nga bad pynjahburom ïa nga.

KA BAIBL

¹³ Na ka bynta kane keiñ, ki la wer ïa u, ba ngan dup sheptieng, bad ba ngan leh kumta, bad ba ngan leh pop, ba kin ïoh daw ban pynbna nam basniew, ba ki lah ban rkhiebeiñ ïa nga.

NEHEMAÏAH 6:13 ပူးပေါင်းရင်းမြစ်များ

NEHEMAÏAH 6:12

Haba nga la pyrkhat bha ïa ka, nga sngewthuh ba U Blei um pat shym la kren ha u Shemaïah, hynrei ba u Tobiah bad u Sanballat ki la pynbam pisa ïa u ban ai ïa nga ïa kane ka jingmaham.

NEHEMAÏAH 6:6

La thoh: “U Geshem u ong ïa nga ba ka don ka hamsaïa kaba ïaid kylleng hapdeng ki jaitbynriew kaba don marjan, ba ma phi bad ka jaitbynriew Jiw phi don jingthmu ban ïaleh pyrshah bad dei na kane ka daw balei ba phi la tei pat ïa ka kynroh. U ong ruh ba phi thmu ban pynlong ïa lade u syiem

PROBERB 22:1

Lada phi dei ban jied hapdeng ka nam babha bad ka spah kaba khraw, jied ïa ka nam babha.

PROBERB 29:5

Lada phi pynroh ïa ki paralok jong phi, phi buh jingriam ïa lade.

EKLESIASTIS 7:1

Ka nam kaba bha ka kham kor ban ïa ka jingiwbih baremdor, bad ka sngi kaba phi ïap ka kham bha ban ïa ka sngi ha kaba la kha ïa phi.

ISAÏAH 51:7

“To shahshkor ïa nga, phi kiba tip ïa kaei kaba dei, kiba don ka jinghikai jong nga kaba neh ha la ki dohnud. Wat sheptieng haba ki briew ki pynsalia bad krenbeiñ ïa phi;

ISAÏAH 57:11

U Trai u ong, “Kiei kine ki blei kiba pynsheptieng ïa phi, kumta ba phi ïathuh ïa nga ïa kaba lamler bad klet syndon ïa nga? Hato phim shym la ai burom shuh ïa nga namar ba nga la shu sngap la slem bah?

JEREMAÏAH 1:17

Pynkhreh, ko Jeremaïah; khie leit bad ïathuh ïa ki ïa kaei kaei baroh kaba nga hukum ïa me ban ong. Wat leit sheptieng ïa ki mynta, ïoh ba ngan pynlong ïa me uba kham sheptieng haba me don bad ki.

JEREMAÏAH 18:18

Nangta ki briew ki la ong, “To ngin leh ei ei shaphang u Jeremaïah! Yn don borabor ki lyngdoh ki ban hikai ïa ngi, ki rangbah bastad ban ai jingsyllok ïa ngi, bad ki nongïathuhlypa ban pynbna ïa ka khubor jong U Blei. To ngin wallam ki jingmudui pyrshah ïa u, bad sangeh ban pynshahshkor ïa kaei kaba u ong.”

JEREMAÏAH 20:10

Nga ïohsngew uwei uwei baroh u ïa-pasiaw, “Ka jingshyrkhei ka don ha kylleng! Ïa ngin ïamudui ïa u sha ki bor pynïaid!” Wat ki paralok kiba ïajan eh ki ap khmih ïa ka jingkyllon jong nga. “Lehse lah ban pynthame ïa u,” ki ong; “te ngi lah ban kem ïa u bad ïoh pynhiarkput.”

ESEKIEL 2:6

“Hynrei ma me, ko khun u briew, wat sheptieng ïa ki lane ïa kano kano ba ki ong. Kin beiñ bad ym kheiñ ïa me; bad kan long kumba im hapdeng ki 'ñianglartham. La katta ruh, wat sheptieng ïa kito kiba ïaleh pyrshah lane ïa kano kano kaba ki ong.

MATHAÏOS 10:28

Wat sheptieng ïa kito kiba pynïap ïa ka met hynrei ki bym lah ban pynïap ïa ka mynsiem; hynrei to sheptieng ïa U Blei, uba lah ban pynjot ïa ka met bad ka mynsiem ha dujok.

MATHAÏOS 22:15

Ki Pharisi ki la leit noh bad ki la pynlong ka jingthmu ban riam ïa U Jisu da ki jingkylli.

MATHAÏOS 26:59

Ki rangbah lyngdoh bad ka Dorbar baroh kawei ki la pyrshang ban lap ki sabut lamler pyrshah ïa U Jisu ban pynïap ïa u;

KI KAM 6:13

Nangta ki la wallam katto katne ngut ki rangbah ban ïathuh lamler shaphang jong u. “Une u briew,” ki la ong, “u ïai kren borabor pyrshah ïa ka templ bakyntang bad ïa ka hukum u Moses.

2 KORINTH 11:12

Ngan ïai leh ïa kaei kaba nga leh mynta, khnang ban khanglad ïa kito kiwei ki “apostol” ba kin ïoh daw ban kob sarong bad ban ong ba ki trei ha kajuh ka rukom kumba ngi trei.

1 TIMOTHI 5:14

Te ngan kham lah ba ki riewkynthei kiba dang kham samla kin shongkurim, kin don ki khun ki kti, bad sumar ïa la ki ïing, khnang ban ym ailad ïa ki nongshun jong ngi ban kren sniew ïa ngi.

2 TIMOTHI 1:7

Naba U Mynsiem uba U Blei u la ai ha ngi um pynlong ïa ngi kiba khawpud; pynban, U Mynsiem jong u, u pyndap ïa ngi da ka bor, ka jingieit, bad ka bor halor lade.

TITOS 2:8

Pyndonkam da ki ktien kiba shongnia ïa kiba yn ym don ba wad daw, khnang ba yn ïoh pynlehrain ïa ki nongshun jong me da ka bym don ei ei kaba sniew ban ïoh kren pyrshah shaphang jong ngi.

JAKOB 4:17

Kumta te, u briew u bym leh ïa kaba bha kaba u tip ba u dei ban leh u long uba shah pynrem namar ka pop.

JINGPYNPAW 21:8

Hynrei ki khawpud, ki nongshetkylla, ki riewkhyllah, ki nongpynïap briew, kiba leh awria, kito kiba leh byrtong, kito kiba mane bleithaw, bad kiba lamler baroh — ka jaka na ka bynta jong ki ka long ka pung kaba klang da ka ding bad u kyndok, kaba long ka jingïap kaba ar.”