NEHEMAÏAH 5:9 - Khasi CL Bible (BSI)

⁹ Nangta nga ong, “Kaei kaba phi leh ka long kaba bakla! Phi dei ban kohnguh ïa U Blei bad leh ïa kaei kaba dei, khnang ba phin ym pynlong ïa ki nongshun jong ngi, ki Jentil, ïa kano kano ka daw ba kin krenbeiñ ïa ngi.

KA BAIBL

⁹ Nga la ong ruh, “Kane kaba phi leh kam long ka babha: hato kam dei ïa phi ban ïaid ha ka jingsheptieng ïa U Blei jong ngi, namar ka jingrkhiebeiñ ki Jentil ki nongshun jong ngi?

NEHEMAÏAH 5:9 ပူးပေါင်းရင်းမြစ်များ

JENESIS 20:11

U Abraham u jubab, “Nga la pyrkhat ba yn ym don hangne kiba sheptieng burom ïa U Blei, ba kumta kin pynïap ïa nga ban ïoh ïa ka tnga jong nga.

JENESIS 42:18

Ha ka sngi kaba lai, u Joseph u ong ha ki, “Nga long u briew uba sheptieng Blei, kumta ngan pyllait im ïa phi ha kane ka kyndon:

2 SAMUEL 12:14

Hynrei namar ba phi la pyn-i ïa kum kane ka jingñiewbeiñ ïa U Trai ha kaba leh ïa kane, u khun jong phi un ïap.”

NEHEMAÏAH 4:4

Nga duwai, “To sngap ïa ki ba ki krenbeiñ ïa ngi, A Blei! Ai ba ka jingkrenbeiñ jong ki kan hap halor ki khlieh jong ki hi. Ai ba yn lute ïa kaei kaei baroh kaba ki don, bad ai ba yn ring koidi ïa ki sha ka ri nongwei.

NEHEMAÏAH 5:10

Nga la shah ïa ki briew ban shim pisa kylliang bad u kew na nga, bad kumjuh ruh ki paralok jong nga bad ki briew kiba trei na ka bynta jong nga. To mynta ngin ym ïa-dawa shuh ïa ka jingpynphai biang ïa ka pisa.

NEHEMAÏAH 5:15

Uwei pa uwei u lat uba don ha ka kam ha shuwa jong nga, u la long ka jingbankhia ïa ki briew bad ki ju dawa sawphew ki pisa rupa shi sngi na ka bynta ka jingbam bad ka waiñ. Wat ki shakri jong ki, ki ju banbeiñ ïa ki briew. Hynrei ngam shym leh kumta, namar nga burom ïa U Blei.

SALM 90:11

Uei uba sngew ïa ka borbah ka jingbitar jong me? Uei uba tip kaei ka jingsheptieng ba ka jingbitar shla jong me kan wallam?

PROBERB 16:29

Ki briew kiba leh jubor ki shukor ïa la ki paralok bad ki ïalam ïa ki sha ka jingjot.

PROBERB 17:26

Kam long kaba dei ban pynlong ïa u briew balui lui ban siew ïa ka kuna; ka pynkylla khongpong ïa ka jingbishar bahok haba ki briew kiba bha ki shah pynshitom.

PROBERB 18:5

Kam long kaba dei ban pynksan ïa uba la rem bad ban khang ïa uba lui lui na kaba ïohpdiang ïa ka jingbishar hok.

PROBERB 19:2

Ka jingshitrhem khlem ka jingtip kam long kaba bha; ka jingbymïaishah kan pynïoh ha phi ïa ka jingjynjar.

PROBERB 24:23

Ki briew kiba stad ki don ruh ban ong ïa kine kiei kiei: Ka long ka bymdei ïa u nongbishar ban leh shiliang khmat.

ESEKIEL 36:20

Kat shaba ki leit, ki pynlehrain ïa ka kyrteng bakhuid jong nga, namar ba ki briew ki ïoh kynnoh, ‘Kine ki long ki briew jong U Trai, pynban ki hap ban mihnoh na ka ri jong u.’

LEBITIKOS 25:36

Wat shim sut ei ei na u, hynrei kohnguh ïa U Blei, bad shah ïa uta u para Israel jong phi ban shong marjan bad phi.

KI KAM 9:31

Bad kumta ka la long ba ka balang ha kylleng ka Judia, Galilaïa bad Samaria ka la ïoh shongsuk. Da ka jingïarap jong U Mynsiem Bakhuid la pynshaitbor ïa ka bad ka la nang san ha ka jingbun briew, haba ka ïaid ha ka jingsheptieng ïa U Trai.

Ka Shithi U Paul Sha Ki Nong Rom 2:24

Ka Jingthoh Bakhuid ka ong, “Na ka daw jong phi ki Jiw, ki Jentil ki kren sniew ïa U Blei.”

1 TIMOTHI 5:14

Te ngan kham lah ba ki riewkynthei kiba dang kham samla kin shongkurim, kin don ki khun ki kti, bad sumar ïa la ki ïing, khnang ban ym ailad ïa ki nongshun jong ngi ban kren sniew ïa ngi.

TITOS 2:5

ban long kiba synshar ïa lade bad kiba sngur mynsiem, bad ki nongsumar ïing babha kiba pyndem ha la ki tnga, ba yn ym don mano mano ba lah ban kren sniew ïa ka khubor kaba wan na U Blei.

1 PETROS 2:12

Ka rukom im jong phi hapdeng ki bymngeit ka dei ban long kaba bha kumta ba haba ki mudui ïa phi kum ki nongleh bymman, kin hap ban ithuh shai ïa ki kam babha jong phi bad kumta kin ïaroh ïa U Blei ha ka Sngi ka jingwan jong u.

1 SAMUEL 2:24

Sangeh noh ko khun jong nga! Kane ka long kaba sngewshyrkhei kaba ki briew jong U Trai ki ïakren shaphang jong phi.