NEHEMAÏAH 5:5 - Khasi CL Bible (BSI)

⁵ Ngi long na kajuh ka jaitbynriew kum ki para Jiw jong ngi. Hato ki khun ki kti jong ngi kim long kumjuh kum ki jong ki? Hynrei ngi la hap ban pynlong mraw ïa ki khun ki kti jong ngi. Ïa ki katto katne ki khun kynthei jong ngi, la lah die ïa ki kum ki mraw. Ngim donbor ei ei namar ïa ki pynthor bad ki bri sohwaiñ la shim noh na ngi.”

KA BAIBL

⁵ Hynrei te ka doh jong ngi ka long kum ka doh ki para jong ngi, ki khun jong ngi kum ki khun jong ki; bad ha khmih, ngi buh mraw ïa la ki khun shynrang bad ïa la ki khun kynthei, ban long ki shakri, bad don lypa kiba na ki khun kynthei jong ngi ïa kiba la ring mraw: bad kam long ha ka bor jong ngi ban khang ïa kata; namar kiwei pat ki briew ki la ïoh noh ïa ki lyngkha bad ïa ki brisoh Waiñ jong ngi.”

NEHEMAÏAH 5:5 ပူးပေါင်းရင်းမြစ်များ

JENESIS 29:14

Haba u Jakob u la ïathuh ha u Laban ïa kaba la jia baroh, u Laban u ong, “Ho-oid, da shisha phi dei ka doh ka snam jong nga.” U Jakob u la shong la sah hangta baroh shi bnai.

JENESIS 37:27

To ngin die noh ïa u ha kine ki nong Ishmael. Te ngim donkam ban pynmynsaw ïa u, naba u dei u para jong ngi, ka doh ka snam jong ngi hi.”

2 SYIEM 4:1

Ka riewkynthei jong u dkhot ka kynhun ki nongïathuhlypa ka la leit sha u Elisha bad ka ong, “Kynrad, u tnga jong nga u la ïap! Kumba phi tip, u dei u briew uba sheptieng ïa U Blei, hynrei mynta u briew uba ai ram ïa u, u la wan ban shim noh ïa ki ar ngut ki khun shynrang jong nga ban long ki mraw kum ka jingsiew ïa ka ram u tnga jong nga.”

PROBERB 22:7

Ki briew kiba duk ki long ki mraw jong u briew bariewspah, pan kylliang pisa bad phin long u mraw jong u nongai ram.

ISAÏAH 50:1

U Trai u ong, “Phi tharai ba nga la phah noh ïa la ki briew kum u briew uba pyllait noh ïa la ka tnga? Hangno te, ki don ki kot pyllait tnga? Phi tharai nga la die ïa phi sha ka jingshahtehmraw kum u briew uba die ïa la ki khun kum ki mraw? Em, phi la leit shahtehmraw noh namar ki pop jong phi; la phah noh ïa phi namar ki kam bymman jong phi.

ISAÏAH 58:7

Ïasam lang ïa ki jingbam jong phi bad kiba thngan, bad ai jaka sah ïa kiba duk ki bym don ïing. Ai jaiñphong ïa kito ki bym don jaiñ ban phong, bad wat kyntait ban ïarap ïa la ki jong ki ba-ha-ïing.

MATHAÏOS 18:25

U shakri um shym don shibun ban siew ïa ka ram jong u, kumta u syiem u la hukum ba ïa uta dei ban die mraw noh, ïa ka tnga bad ki khun jong u bad baroh kiba u la don khnang ban siew ïa ka ram.