NEHEMAÏAH 5:17 - Khasi CL Bible (BSI)

¹⁷ Man ka por, nga ai jingbam ha ka miej jong nga ïa shispah sanphew ngut ki Jiw bad ki nongïalam jong ki, nalor ki briew kiba wan sha nga na ki jaitbynriew kiba don sawdong.

KA BAIBL

¹⁷ Nalor kane ruh, la don ha ka miej jong nga na ki Jiw bad na ki nongsynshar shispah sanphew ngut ki briew, nalor kita kiba la wan sha ngi napdeng ki Jentil kiba baroh sawdong ïa ngi.

NEHEMAÏAH 5:17 ပူးပေါင်းရင်းမြစ်များ

2 SAMUEL 9:13

Kumta u Mephibosheth, uba la dkoh ki kjat baroh ar tylli, u la shong la sah ha Jerusalem, u da bam ïa baroh ki jingbam jong u ha ka miej bam jong u syiem.

2 SAMUEL 9:7

“Wat sheptieng,” u Dabid u jubab. “Ngan lehbha ïa phi na ka bynta u Jonathan, u kpa jong phi. Ngan ai pat ha phi ïa ka khyndew ka shyiap baroh kaba dei ka jong u Saul, u kparad jong phi, bad phin long uba la pdiang sngewbha borabor ha ka miej bam jong nga.”

1 SYIEM 18:19

Mynta hukum ïa ki paid Israel baroh ban ïakynduh ïa nga ha u Lum Karmel. Wallam ruh sawspah sanphew ngut ki nongïathuhlypa jong u Baal bad sawspah ngut ki nongïathuhlypa jong ka blei Asherah kiba ïoh jingkyrshan na ka syiem Jesebel.”

1 SYIEM 5:3

“Phi tip ba namar ki thma ba ïai khie, u Dabid, u kpa jong nga u la dei ban ïaleh pyrshah ïa ki ri jong ki nongshun kiba sawdong jong u, um shym la lah ban tei ka templ na ka bynta ka jingmane ïa U Trai U Blei jong u tad haduh ba u la ai ha u ka jingjop halor ki nongshun jong u baroh.

NEHEMAÏAH 5:16

Nga sei ïa ka bor jong nga baroh na ka bynta ka jingtei pat ïa ka kynroh bad ngam shym wad ban ïoh kano kano ka jingdon jingem. Baroh kiba trei na ka bynta jong nga, ki ïasnoh ha ka jingtei pat ïa ka kynroh.

ISAÏAH 32:8

Hynrei u briew uba donburom u lehhok bad u ïeng skhem na ka bynta kaei kaba dei.

Ka Shithi U Paul Sha Ki Nong Rom 12:13

To ïasam lem ïa ki jingdon jong phi bad ki parabangeit kiba kyrduh, bad to pdiang sngewbha sha ki ïing jong phi ïa ki nongwei.