NEHEMAÏAH 5:13 - Khasi CL Bible (BSI)

¹³ Nangta nga shim ïa ka jaiñ ba nga teh sawdong ïa ka syngkai jong nga bad kynther ïa ka. “Kumne U Blei un kynther ïano ïano na phi u bym bat ïa la ka kular,” nga ong. “U Blei un shim noh ïa ki ïing jong phi bad ïa kiei kiei baroh ba phi don, bad un iehnoh ïa phi khlem don ei ei shuh.” Baroh kiba don hangta ki ong, “Amen!” bad ki ïaroh ïa U Trai. Bad ki nongïalam ki bat ïa ka kular jong ki.

KA BAIBL

¹³ Nga la kynther noh ruh ïa ka rmiang ka jaiñ jong nga, bad nga la ong, “Kumta U Blei un kynther noh ïa u briew baroh na ka ïing jong u, bad na ka kam jong u, u ban ym pyndep ïa kane ka jingkular; kumne keiñ, yn kynther noh ïa u, bad ba yn pynsuda ïa u.” Bad u paidbah baroh u la ong, “Amen,” bad ki la ïaroh ïa U Trai. Bad u paidbah u la leh katba kum kane ka jingkular.

NEHEMAÏAH 5:13 ပူးပေါင်းရင်းမြစ်များ

2 SYIEM 23:3

U ïeng ha ka jaka ïeng jong ki syiem, bad pynlong ka jutang bad U Trai ban kohnguh ïa u, ban sumar ïa ki Aiñ bad ki hukum jong u, da ka dohnud bad mynsiem jong u baroh bad ban leh ïa ki jingdawa kiba ïadei bad ka jutang kumba la thoh ha ka Kitab. Bad baroh ki briew ki kular ban bat ïa ka jutang.

1 KHRONIKL 16:36

Ïaroh ïa U Trai, U Blei ki Israel! Ïaroh ïa u mynta bad junom! Nangta baroh u paidbah u ong, “Amen,” bad ïaroh ïa U Trai.

NEHEMAÏAH 8:6

U Esra u ong, “Ïaroh ïa U Trai, U Blei uba khraw!” Baroh u paidbah u rah la ki kti shajrong bad ong, “Amen! Amen!” Ki dem khohsiew ha ka jingshakri, ki phai ki khmat jong ki sha khyndew.

SALM 119:106

Ngan bat ïa ka jingkular kyntang jong nga, ban kohnguh ïa ki jingbthah bahok jong me.

SALM 50:14

Ai ba ka jingai jong ka jingsngewnguh jong phi kan long ka jingkñia sha U Blei, bad to ai sha U Badonbor Baroh ïa kata baroh kaba phi la kular.

SALM 76:11

To ai ha U Trai U Blei jong phi ïa kaei kaba phi la kular ha u; to wallam ki jingai sngewbha sha u, phi baroh ki jaitbynriew kiba marjan. U Blei u pynlong ïa ki briew ban sheptieng ïa u;

PROBERB 28:4

Kito kiba lyndet ïa ka hukum ki ïaroh ïa ki bymman; hynrei kito kiba bat ïa ka ki ïaleh pyrshah ïa ki.

EKLESIASTIS 5:5

Kham bha ban ym kular ei ei ban ïa kaba pynlong ka jingkular hynrei khlem bat ïa ka.

JINGKHEIÑ 5:22

Ai ba kane ka um kan rung sha ka kpoh jong pha ban pynsieb ïa ka bad pynstai ïa ka longkynthei jong pha.” Bad kata ka kynthei kan ong, “Nga mynjur; ai ba U Trai un leh kumta.”

MATHAÏOS 10:14

Bad lada kano kano ka ïing ne ka shnong kam pdiang sngewbha ïa phi lane pynshahshkor ïa phi, te mihnoh na kata ka jaka bad kynther noh ïa u pui pui na ki kjat jong phi.

KI KAM 13:51

Ki apostol ki la kynther noh ïa u pui pui na ki kjat jong ki ha ka jingpyrshah ïa ki bad ki la leit noh sha Ikoniom.

KI KAM 18:6

Haba ki la ïa-pyrshah ïa u bad ki la ong kiei kiei kiba sniew shaphang jong u, u la pynpaw ïa ka jingsngew pyrshah da kaba kynther ïa u pui pui na ki jaiñ jong u bad ong ha ki, “Lada phi long kiba la jah noh, phi hi da lade phi dei ban shim ka jingkitkhlieh na ka bynta jong ka! Ngam don jingkitkhlieh. Naduh mynta ngan leit sha ki Jentil.”

1 KORINTH 14:16

Haba phi ainguh ha U Blei tang ha ka mynsiem, da kumno u riewpaidbah uba shim bynta ha ka jingïaseng u lah ban ong “Amen” ha kata ka jingduwai ainguh jong phi? Kim don lynti ban sngewthuh ïa kaei kaba phi kren.

1 SAMUEL 15:28

U Samuel u ong ha u, “U Trai u la kad ïa ka hima Israel na me ha kane ka sngi, bad u la ai ïa ka ha uta u briew uba kham bha ban ïa me.