NEHEMAÏAH 5:11 - Khasi CL Bible (BSI)

¹¹ Map noh ïa ki ram kiba ki shah ïa phi — ka pisa, u kew, ka waiñ lane ka umphniang Olib. Pynphai noh shisyndon sha ki ïa ki pynthor, ki bri sohwaiñ, ki khlaw Olib bad ki ïing!”

KA BAIBL

¹¹ Nga kyrpad ïa phi, to ai noh pat ha ki, mynta ka sngi, ïa ki lyngkha jong ki, ïa ki brisoh Waiñ jong ki, ïa ki bri Olib jong ki, bad ïa ki ïing jong ki, bad shi bynta na ka shispah na ki tyngka, bad na u Kew, na ka Waiñ bad ka umphniang, kiba phi khrong bor na ki.”

NEHEMAÏAH 5:11 ပူးပေါင်းရင်းမြစ်များ

2 SAMUEL 12:6

Namar ka jingleh ïa kaba kum kane ka jingleh barunar, u dei ban buria saw shah ïa kaba u la shim.”

NEHEMAÏAH 5:10

Nga la shah ïa ki briew ban shim pisa kylliang bad u kew na nga, bad kumjuh ruh ki paralok jong nga bad ki briew kiba trei na ka bynta jong nga. To mynta ngin ym ïa-dawa shuh ïa ka jingpynphai biang ïa ka pisa.

NEHEMAÏAH 5:12

Ki nongïalam ki la jubab, “Ngin leh kumba phi ong. Ngin ai noh ïa ka jaka bad ngin pyrshang ban ym lum shuh ïa ki ram.” Nga khot ïa ki lyngdoh bad pynlong ïa ki nongïalam ban smai ha khmat jong ki ban bat ïa ka kular kaba ki la lah khlei.

ISAÏAH 58:6

“Ka rukom shah jingit kaba nga kwah ka dei kane: Pynduh noh ïa ki kynjri ka jingbanbeiñ bad ka lyngkor ka jingbymhok, bad ai ba kiba la shah banbeiñ kin ïoh laitluid.

LOUKAS 3:8

To leh ïa kita kiei kiei ki ban pyn-i ba phi la phai noh na ki pop jong phi. Bad wat sdang ban ong hapdeng jong phi hi ba u Abraham u long u kpa tymmen jong phi. Nga ong ha phi ba U Blei u lah ban shim ïa kine ki maw bad pynlong ïa ki, ki khun ki ksiew jong u Abraham!

DEUTERONOMI 6:11

Ki ïing kin dap da ki mar kiba bha kiba phim shym la leit buh hangta, bad kin don ki pukri kiba phim shym la tih, bad ki bri sohwaiñ bad ki dieng Olib kiba phim shym la thung. Ynda U Trai u ïalam ïa phi sha kata ka ri bad phi ïoh kat ïa kaba phi kwah ban bam,

1 SAMUEL 12:3

Hangne nga don. Lada nga la leh ïa kano kano kaba bakla, sakhi pyrshah ïa nga ha khmat U Trai bad ha khmat u syiem uba u la pynsleh. Hato nga la shim ïa ka masi ne ka kada jongno jongno? Hato nga la shukor ne banbeiñ ïano ïano? Hato nga la bamsap nano nano? Lada nga la leh ïa kine kiei kiei ngan pynphai noh ïa kata kaba nga la shim.”