NEHEMAÏAH 5:1 - Khasi CL Bible (BSI)

¹ Hadien katto katne por, bun na ki briew, kynthup ïa ki shynrang bad ki kynthei, ki sdang ban ujor pyrshah ïa ki para Jiw jong ki.

KA BAIBL

¹ Te la mih jinglynñiar bakhraw u paidbah bad ki tnga jong ki pyrshah ïa la ki para ki Jiw.

NEHEMAÏAH 5:1 ပူးပေါင်းရင်းမြစ်များ

NEHEMAÏAH 4:23

Ngam shym la kylliang sopti wat ha ka por miet, lymne mano mano na ki paralok jong nga, lymne ki shakri jong nga, lymne ki nongap phira jong nga. Bad ma ngi baroh ngi bat ïa ki tiar ïaleh ha ka kti.

Ka Kitab U Job 34:28

Ki pynbor ïa kiba duk ban kyrpad jam sha U Blei, bad u la ïohsngew ïa ki jingpyrta jong ki ban ïoh jingïarap.

EKSODOS 3:7

Nangta U Trai u ong, “Nga la ïohi haduh katno la pynshitom beiñ ïa ki briew jong nga ha Ijipt; nga la ïohsngew ruh ba ki ud ban ïohlait noh na ki nongpyntrei mraw jong ki. Nga tip ïa ki jingshah shitom jong ki baroh,

ISAÏAH 5:7

Ka Israel ka dei ka bri sohwaiñ jong U Trai Badonbor Baroh; ki briew ka Judah ki dei ki dieng sohwaiñ kiba u la thung. U la khmih lynti ba kin leh ïa kaei kaba bha, hynrei pynban ki la pynïap briew. U la khmih lynti ba kin leh ïa kaba dei, hynrei kiba shah lanot jong ki, ki kyang ïa ka jingbishar hok.

JEREMAÏAH 34:8

U syiem Sedekaïah bad ki briew ka Jerusalem ki la pynlong ka jingïakut ban pyllaitluid noh ïa ki mraw Hebru, ïa ki shynrang bad ki kynthei, khnang ba uno uno ruh un ym don u para jait Israel kum u mraw.

ESEKIEL 45:9

U Trai Nongsynshar u la ong, “Phi la leh pop la slem bha, ko ki nongsynshar ka Israel! Sangeh noh na ka jingleh jubor bad ka jingbanbeiñ jong phi. Leh ïa kaei kaba dei bad kaba hok. Phim dei shuh ban beh noh ïa ki briew jong nga na ka ri jong ki. Ma nga, U Trai Nongsynshar, nga ong ha phi ïa kane.

MALAKHI 2:13

Kane ka long kawei pat kaba phi leh. Phi pynjhieh ïa ka duwan U Trai da ki ummat, da kaba ïam bad kyang namar um shym pdiang shuh ïa ki jingainguh kiba phi wanrah sha u.

LOUKAS 18:7

Mynta, hato U Blei un ym bishar ha ka liang jong ki briew jong u kiba kyang sha u mynsngi bad mynmiet ban ïoh jingïarap? Hato un long uba suki ban ïarap ïa ki?

KI KAM 7:26

Ha ka sngi kaba bud u la ïohi ar ngut ki Israel kiba dang ïashoh, bad u la pyrshang ban pynïasuk ïa ki u da ong, ‘Shahshkor, ko rangbah,’ u la ong, ‘phi ïalong para Israel; balei ba phi ïashoh kumne?’

JAKOB 5:4

Phim pat siew bainong ei ei ïa ki briew kiba trei ha ki lyngkha jong phi. To shahshkor ïa ki jingmudui jong ki! Ki jingkyang jong kito kiba la lum ïa ki jingot ki la poi sha ki shkor jong U Blei, U Trai Badonbor Baroh.