NEHEMAÏAH 4:23 - Khasi CL Bible (BSI)

²³ Ngam shym la kylliang sopti wat ha ka por miet, lymne mano mano na ki paralok jong nga, lymne ki shakri jong nga, lymne ki nongap phira jong nga. Bad ma ngi baroh ngi bat ïa ki tiar ïaleh ha ka kti.

KA BAIBL

²³ Kumta, lymne ma nga, lymne ki para jong nga, lymne ki shakri jong nga, lymne ki nongap kiba bud ïa nga, ngim shym la loit noh ïa la ki jaiñ, uwei pa uwei bad la ka atiar u leit sha um.

NEHEMAÏAH 4:23 ပူးပေါင်းရင်းမြစ်များ

NEHEMAÏAH 4:22

Ha kane ka por nga ong ïa ki rangbah kiba khmih ïa ka kam, ba ma ki bad ki nongïarap jong ki, ki hap ban sah ha Jerusalem ha ka por mynmiet, khnang ba ngi lah ban ap phira ïa ka nongbah mynmiet bad kumjuh ruh ban trei ha ka por mynsngi.

NEHEMAÏAH 5:1

Hadien katto katne por, bun na ki briew, kynthup ïa ki shynrang bad ki kynthei, ki sdang ban ujor pyrshah ïa ki para Jiw jong ki.

NEHEMAÏAH 5:16

Nga sei ïa ka bor jong nga baroh na ka bynta ka jingtei pat ïa ka kynroh bad ngam shym wad ban ïoh kano kano ka jingdon jingem. Baroh kiba trei na ka bynta jong nga, ki ïasnoh ha ka jingtei pat ïa ka kynroh.

NEHEMAÏAH 7:2

Nga buh ar ngut ki rangbah ban peit ïa ka jingpynïaid ïa ka nongbah Jerusalem: u Hanani, uba shi para bad nga, bad ïa u Hananaïah, u rangbah shipai jong ka kut. U Hananaïah u long u briew ïa uba lah ban shaniah bad u briew uba sheptieng ïa U Blei, u bym don kum ma u.

JOEL 2:8

lane ïatyngkhuh para ma ki. Ki ïa-ïaid kynhun lyngba ïa ki jingker-ïada, bad ym don kano kano kaba lah ban pynsangeh ïa ki.

1 KORINTH 15:10

Hynrei da ka jingaiei U Blei nga long kumba nga long, bad ka jingaiei kaba u la ai ha nga kam shym long lehnoh-ei. Ha kawei ka liang, nga la kham trei shitom ban ïa uno uno uwei pat na ki apostol, wat la kam shym la long da ka jingleh jong nga hi, hynrei ka jingaiei U Blei kaba trei ha nga.

NONGBISHAR 5:11

Sngap! Ki paid ba sawa sawdong ki pukri um Ki pynbna ïa ki jingjop jong U Trai, Ki jingjop jong ki paid Israel! Nangta ki briew jong U Trai ki ïaid arsut na ki nongbah jong ki

NONGBISHAR 9:48

kumta u la leit kiew sha u Lum Salmon bad la ki rangbah. Hangta u shim uwei u sdie, u pom kawei ka tnat na u dieng, bad u bah ïa ka ha la ka tyrpeng. U ong ïa la ki rangbah ban pynkloi bad ban leh kumjuh.