NEHEMAÏAH 4:21 - Khasi CL Bible (BSI)

²¹ Kumta, man ka sngi, naduh dang step phyrngab haduh ka por ba la mih ki khlur mynmiet, shiteng na ngi, ngi trei ha ka kynroh, katba shiteng kiwei pat, ki ïeng ap phira bad ki sum.

KA BAIBL

²¹ Kumta, ngi la trei ïa ka kam: bad marshiteng ki la bat ïa ki sum naduh kaba shai byrngut haduh kaba mih ki khlur.

NEHEMAÏAH 4:21 ပူးပေါင်းရင်းမြစ်များ

NEHEMAÏAH 4:20

Lada phi ïohsngew ïa ka jingput ronsing, ïalumlang sawdong jong nga. U Blei jong ngi un ïaleh na ka bynta jong ngi.”

NEHEMAÏAH 4:22

Ha kane ka por nga ong ïa ki rangbah kiba khmih ïa ka kam, ba ma ki bad ki nongïarap jong ki, ki hap ban sah ha Jerusalem ha ka por mynmiet, khnang ba ngi lah ban ap phira ïa ka nongbah mynmiet bad kumjuh ruh ban trei ha ka por mynsngi.

1 KORINTH 15:10

Hynrei da ka jingaiei U Blei nga long kumba nga long, bad ka jingaiei kaba u la ai ha nga kam shym long lehnoh-ei. Ha kawei ka liang, nga la kham trei shitom ban ïa uno uno uwei pat na ki apostol, wat la kam shym la long da ka jingleh jong nga hi, hynrei ka jingaiei U Blei kaba trei ha nga.

1 KORINTH 15:58

Te kumta, ko parabangeit ba-ieit jong nga, to long phi kiba ïeng skhem bad kiba ïaineh. To long kiba ïai trei minot ïa ka kam U Trai, namar phi tip ba kano kano kaba phi leh ha ka jingshakri ïa U Trai kam ju long kaba lehnoh-ei.

GALATIA 6:9

Kumta to ai ba ngin ym man thait ha kaba lehbha; namar lada ngim duh bor noh, ka por kan poi ha kaba ngin lum ïa ka jingot.

KOLOSSAI 1:29

Ban pyndep ïa kane nga ïaleh tyngeh bad nga ïaksaid, da kaba pyndonkam ïa ka jingkhlaiñ badonbor kaba U Khrist u ai bad kaba treikam hapoh jong nga.