NEHEMAÏAH 4:2 - Khasi CL Bible (BSI)

² Ha khmat ki paralok jong u bad ki shipai Samaria u ong, “Kaei, kine ki Jiw shem-lanot, ki tharai ba ki leh? Hato ki pyrkhat ba da ka jingkñia jingainguh ki lah ban pyndep ïa ka kam ha ka shi sngi? Hato ki lah ban pynlong ïa ki maw jingtei na ki kynton jong ki synrum ba la ing?”

KA BAIBL

² Bad u la kren ha khmat la ki para bad ïa ka kynhun shipai Samaria, bad u la ong, “Kine ki Jiw ba khlem bor ki leh aïu? Kin ker kut ïa lade? Kin kñia? Kin pyndep ha kawei ka sngi? Kin khyllie pat ïa ki maw na kine ki lymbher tait, haba ki la ing ruh?”

NEHEMAÏAH 4:2 ပူးပေါင်းရင်းမြစ်များ

ESRA 4:4

Nangta ki briew kiba shong basah ha ka ri ki pyrshang ban pynduh mynsiem bad pyntieng ïa ki Jiw bad ban khanglad ïa ka jingtrei.

NEHEMAÏAH 12:27

Haba ïa ka kynroh ka nongbah la pynkyntang, ïa ki Lebi la wallam shapoh na ki jaka ba ki ïashong ïasah, khnang ba ki lah ban ïadon bynta ha ka jinglehkmen jong ka jingpynkyntang ryngkat bad ki jingrwai jong ka jingainguh bad ki jingtem jong ki shakuriaw bad ki duitara.

NEHEMAÏAH 12:43

Ha kata ka sngi, la pynlong bun ki jingkñia, bad u paidbah u la dap da ka jingkmen namar U Blei u la pynlong ïa ki ban kmen haduh katta katta. Ki kynthei bad ki khynnah ki la ïasnohlang ha ka jinglehkmen, bad ïa ka jingsawa kaba ki la pynlong, la ïohsngew shaduh sha jngai bah.

NEHEMAÏAH 4:10

Ki briew ka Judah ki don ka jingrwai kaba ki rwai: “Ngi long tlot ba ngi bah ki jingkit bakhia; Don bun bah ka synrum ban pynkhuid. Kumno ngi lah ban tei ïa ka kynroh mynta ka sngi?”

NEHEMAÏAH 6:15

Hadien sanphew ar sngi jong ka jingtrei, ïa ka kynroh baroh kawei la pyndep ha ka sngi kaba arphew san jong u bnai Elul.

SALM 83:4

“Ale,” ki ong, “ïa ngin pynduh noh khoit ïa ka hima jong ki; khnang ba yn klet noh junom ïa ki Israel.”

JEREMAÏAH 26:18

“Mynba u Hesekaïah u long u syiem ka Judah, u Mikah u nongïathuhlypa na Moresheth u la bthah ïa baroh ki briew ba U Trai Badonbor Baroh u la lah ong, “ ‘Ïa ka Seïon yn lur kum ka lyngkha, ka Jerusalem kan kylla ka kynton ki jingpra, bad u lum ka Templ un kylla khlaw.’

JEREMAÏAH 33:24

“Phi la ïohi kumno ba ki briew ki ïa-ong ba nga la kyntait noh ïa ki Israel bad Judah, ki ar tylli ki longïing kiba nga la jied? Bad kumta ki khmih da ka jingñiewbeiñ ïa ki briew jong nga bad kim kheiñ shuh ïa ki kum ka jaitbynriew.

DANIEL 9:25

Kynmaw ïa kane bad to shemphang ïa ka: Naduh ka por ba la ai ïa ka hukum ban tei pat ïa ka Jerusalem, tad haduh ba wan u nongïalam ba la jied da U Blei, ki hynñiew sien ki hynñiew snem kin leit noh. Ïa ka Jerusalem yn tei pat lem bad ki lynti bah bad ki jingïada bakhlaiñ, bad kan ïeng haduh hynñiew sien ki hynriewphew ar snem, hynrei kane kan long ka por ki jingjynjar.

HABAKKUK 3:2

A Trai, nga la ïohsngew ïa kaei ba me la leh, bad nga la dap da ka jingtiengburom. Mynta to leh biang ha ki por jong ngi ïa ki kam bakhraw kiba me la ju leh. To leh-isynei, wat haba me bitar.

SEKHARAÏAH 12:8

Ha kata ka por U Trai un ïada ïa kito kiba shong basah ha Jerusalem, bad wat kiba tlot tam napdeng jong ki kin long kiba khlaiñ kumba long u Dabid. Ki khun ki ksiew jong u Dabid kin ïalam ïa ki kum u angel jong U Trai, kum U Blei hi da lade.

SEKHARAÏAH 4:10

Ki la noh mynsiem namar ka jingsuki jong ka jingïaid ka kam. Hynrei kin ïohi ba u Serubbabel u dang ïai tei ïa ka Templ, bad kin long kiba kmen.” U angel u la ong ha nga, “Ki hynñiew tylli ki sharak ki long ki hynñiew tylli ki khmat jong U Trai kiba khmih halor ka pyrthei baroh.”

1 KORINTH 1:27

U Blei u la jied khnang ïa kaei kaba ka pyrthei ka kheiñ ba ka long kaba ibieit khnang ban pynlehrain ïa kiba stad, bad u la jied ïa kaei kaba ka pyrthei ka kheiñ ba ka long kaba tlot khnang ban pynlehrain ïa kiba donbor.