NEHEMAÏAH 4:15 - Khasi CL Bible (BSI)

¹⁵ Ki nongshun jong ngi ki ïohsngew ba ngi la tip ïa kaei kaba ki ïasylla, bad ki sngewthuh ba U Blei u la jop ïa ki jingthmu jong ki. Nangta ma ngi baroh ngi leit biang ban tei pat ïa ka kynroh.

KA BAIBL

¹⁵ Bad haba ki nongshun jong ngi ki la ïohsngew ba ngi la tip ïa kane, bad ba U Blei u la pyndam noh ïa ka jingsylla jong ki, ngi baroh ngi la leit pat sha ka kynroh, uwei pa uwei ha la ka kam.

NEHEMAÏAH 4:15 ပူးပေါင်းရင်းမြစ်များ

2 SAMUEL 15:31

Haba la ïathuh ha u Dabid ba u Ahithophel u la ïasoh lang bad ka jingïaleh pyrshah jong u Absalom, u la duwai, “Ko Trai, sngewbha pynpulom ïa ka jingaibuit u Ahithophel.”

2 SAMUEL 17:14

U Absalom bad ki Israel baroh ki ong, “Ka jingai jingmut jong u Hushai ka kham bha ban ïa ka jong u Ahithophel.” U Trai u la rai ban pynpulom ïa ka jingai jingmut babha ka jong u Ahithophel, khnang ba ka jingjot kan wan ha u Absalom.

NEHEMAÏAH 4:16

Naduh kata, shiteng na ki rangbah jong nga ki trei bad shiteng ki ïeng ban ap phira, da kaba phong ki jingphong jong ka jingkieng atiar bad bat da ki sum, ki stieh bad ki ryntieh. Ki nongïalam jong ngi ki ai ka jingkyrshan batylli ïa ki briew kiba trei ha ka jingtei pat ïa ka kynroh.

PROBERB 21:30

Ka jingstad briew, ka jingproh jabieng, ka jingsngewthuh — kim lah ïarap ei ei lada U Trai u long pyrshah ïa phi.

ISAÏAH 44:25

Nga pynpaw bieit ïa ki nongpeit kti bad pynkulmar ïa ki jingïathuh lypa ki nongbatai kupar. Ki ktien jong kiba stad nga kyntait bad pyn-i ba ka jingstad jong ki ka long ka jingbieit.

ISAÏAH 8:10

To thaw ki jingpynkhreh jong phi! Hynrei kin ym urlong. To kren ïa baroh kaba phi kwah! Hynrei baroh ka long ka bymmyntoi, namar U Blei u long lem bad ngi.

MARKOS 13:34

Kan long kumba u briew uba mih na ïing ban leit jingleit, bad u iehnoh ha ki shakri ban khmih ïa ka kam, hadien ba u ai ha uwei pa uwei ïa ka kam jong u ban leh, bad hadien ba u ong ïa u nongap khyrdop ban peit bha.

Ka Shithi U Paul Sha Ki Nong Rom 12:11

To trei shitom bad wat long kiba alhia. To shakri ïa U Trai da ka dohnud kaba aiti lut.

1 THESSALONI 4:11

Pynlong ïa ka, ka jingthmu jong phi ban im ka jingim kaba jar jar, ban pyrkhat ïa la ka kam, ban kamai na ka bynta ka jingim jong phi hi, kumba ngi la bthah ïa phi mynshuwa.