NEHEMAÏAH 4:14 - Khasi CL Bible (BSI)

¹⁴ Nga ïohi ba ki briew ki khuslai, kumta nga ong ha ki bad ha ki nongïalam bad ki rangbah synshar jong ki, “Wat sheptieng ïa ki nongshun jong ngi. Kynmaw kumno U Trai u long uba khraw bad uba shyrkhei, bad u ïaleh na ka bynta ki briew ka ri jong phi, ki khun jong phi, ki tnga jong phi, bad ki ïing jong phi.”

KA BAIBL

¹⁴ Bad nga la khmih, bad nga la ïeng joit, bad nga la ong ha ki bakhraw batri, bad ha ki nongsynshar, bad ha kita kiwei pat na u paidlang, “Wat sheptieng ïa ki: kynmaw ïa U Trai, uba long u bakhraw bad ba-itieng, ban ïaleh na ka bynta la ki para, la ki khun shynrang bad la ki khun kynthei, la ki tnga bad la ki ïing.”

NEHEMAÏAH 4:14 ပူးပေါင်းရင်းမြစ်များ

2 SAMUEL 10:12

To long kiba khlaiñ bad kiba shlur! To ngin ïaleh tyngeh na ka bynta ki briew jong ngi bad na ka bynta ki nongbah jong U Blei jong ngi. Bad ai ba yn leh ïa ka mon U Trai!”

2 KHRONIKL 32:7

U ong ha ki, “To long kiba kut jingmut bad kiba sngewskhem, bad wat sheptieng ïa u patsha ki nong Assyria lane ïa ka kynhun shipai kaba u ïalam. Ngi don kham bun ka bor ha ka liang jong ngi ban ïa kaba u don ha ka liang jong u.

NEHEMAÏAH 1:5

Nga duwai ha U Blei, “A Trai U Blei jong ka bneng! Me long uba khraw, ngi ïeng ha ka jingsheptieng ïa me. Me batskhem ïa la ka jutang bad kito kiba ieit ïa me bad kiba leh ïa kaei kaba me hukum.

Ka Kitab U Job 37:22

Ïa ka jingphyrnai ksiar la ïohi ha ka phang bashatei, bad ka burom jong U Blei ka pyndap ïa ngi da ka jingtiengburom.

SALM 143:5

Nga kynmaw ïa ki sngi ba la leit noh; nga pyrkhat ïa kata baroh kaba me la leh, nga kynmaw ïa baroh ki jingleh jong me.

SALM 20:7

Katto katne ki shaniah ha ki kali ïapom jong ki bad kiwei pat ha ki kulai jong ki, hynrei ngi, ngi shaniah ha ka bor jong U Trai U Blei jong ngi.

SALM 27:1

U Trai u long ka jingshai jong nga bad ka jingpynim jong nga; ngan ym sheptieng ïano ïano ruh. U Trai u ïada ïa nga na ki jingjynjar baroh; ngan ym sheptieng lano lano ruh.

SALM 46:11

U Trai Badonbor Baroh u don bad ngi; U Blei jong u Jakob u long ka jakarieh jong ngi.

SALM 65:5

Me jubab ïa ngi da kaba ai ha ngi ka jingjop bad me leh kiei kiei kiba phylla ban pyllait im ïa ngi. Ki briew ha kylleng ka pyrthei bad sha shiliang ki duriaw kiba jngai ki shaniah ha me.

SALM 66:3

To ong ha U Blei, “A katno kiba phylla long kiei kiei kiba me leh! Ka bor jong me ka long kaba khraw katta katta ba ki nongshun jong me ki dem ngon ha ka jingsheptieng ha khmat jong me.

SALM 66:5

To wan bad peit aïu U Blei u la leh, ki kam baphylla jong u hapdeng ki briew.

EKSODOS 14:14

U Trai un ïaleh na ka bynta jong phi, bad phim donkam ban leh ei ei ruh em.”

EKSODOS 14:25

U la pynsahkut ïa ki shalyntem jong ki kali ïapom jong ki, bad kumta ki la ïaid da kaba shitom eh. Ki nong Ijipt ki la ong, “U Trai u ïaleh pyrshah ïa ngi na ka liang ki Israel. Ïa ngin ïaphet noh nangne.”

EKLESIASTIS 12:1

Kumta to kynmaw ïa la U Nongthaw katba phi dang samla ha shuwa ka jingwan kito ki sngi bad ki snem ba-dum ha kaba phin ong, “ngam sngewtynnat ïa ka jingim.”

DANIEL 11:32

Da ka buit shukor u syiem un ïoh ïa ka jingkyrshan jong kito kiba la iehnoh ïa la ka niam, hynrei kito kiba bud ïa U Blei kin ïaleh pyrshah.

SEKHARAÏAH 14:3

Nangta U Trai un mih shabar bad un ïaleh pyrshah ïa kito ki hima, kumba u la ïaleh ha ki por ba la dep.

JINGKHEIÑ 14:9

Wat ïaleh pyrshah ïa U Trai bad wat sheptieng ïa ki briew kiba shong hangta. Ngin jop da kaba suk ïa ki. U Trai u don lem bad ngi bad u la jop ïa ki blei kiba ïada ïa ki; kumta te wat sheptieng.”

MATHAÏOS 10:28

Wat sheptieng ïa kito kiba pynïap ïa ka met hynrei ki bym lah ban pynïap ïa ka mynsiem; hynrei to sheptieng ïa U Blei, uba lah ban pynjot ïa ka met bad ka mynsiem ha dujok.

DEUTERONOMI 10:17

Naba U Trai U Blei jong phi u long uba khrawbor tam halor ki blei baroh bad halor ki bor baroh. U long uba khraw bad uba donbor, bad uba dei ban sheptieng. U bym ñiewshiliang khmat bad u bym ju pdiang ïa ki jingai kiba da ka dohnud ka bymkhuid.

HEBRU 13:6

To ngin long shlur, te, bad ong, “U Trai u long u nongïarap jong nga, ngan ym sheptieng. Uei uba lah ban leh ei ei ïa nga?”

JOSHUA 1:9

Kynmaw ba nga la hukum ïa me ban long uba kut jingmut triang bad uba skhem! Wat sheptieng lane noh mynsiem, namar nga, U Trai U Blei jong me, nga long ryngkat lem bad me kat shaba me leit.”

NONGBISHAR 3:27

Haba u poi hangta ha ka ri lum ki Ephraim, u la put ïa ka turoi ban khot ïa ki paid Israel sha ka thma; nangta u la ïalam ïa ki arsut na ki lumrit.