NEHEMAÏAH 4:10 - Khasi CL Bible (BSI)

¹⁰ Ki briew ka Judah ki don ka jingrwai kaba ki rwai: “Ngi long tlot ba ngi bah ki jingkit bakhia; Don bun bah ka synrum ban pynkhuid. Kumno ngi lah ban tei ïa ka kynroh mynta ka sngi?”

KA BAIBL

¹⁰ Bad ki Judah ki la ong, “Ka bor ki nongkit jingkit ka la duh, bad dang don shibun ki synrum; kumta ngi ngim lah ban tei ïa ka kynroh.”

NEHEMAÏAH 4:10 ပူးပေါင်းရင်းမြစ်များ

2 KHRONIKL 2:18

U la pynbeit hynñiewphew hajar ngut na ki ban kit ïa ki tiar ki tar bad phraphew hajar ngut ban shtah maw ha ki jaka lum, bad u la thung lai hajar hynriewspah ngut ki nongpynïaidkam ki ban pynthikna ba yn pyndep ïa ka kam.

2 KHRONIKL 34:13

Kiwei pat ki Lebi ki peit halor ka jingpynkit jingkit bad halor ki nongtrei ha ki kam bapher bapher, bad kiwei ki buh jingkheiñ lane ki shakri kum ki nongap phira.

NEHEMAÏAH 4:11

Ki nongshun jong ngi ki pyrkhat ba ngin ym ïohi ïa ki ne tip ïa kaei kaba jia haduh ba ki la long halor jong ngi, ban pynïap ïa ngi bad ban pynduh pyndam ïa ka jingtrei jong ngi.

NEHEMAÏAH 4:2

Ha khmat ki paralok jong u bad ki shipai Samaria u ong, “Kaei, kine ki Jiw shem-lanot, ki tharai ba ki leh? Hato ki pyrkhat ba da ka jingkñia jingainguh ki lah ban pyndep ïa ka kam ha ka shi sngi? Hato ki lah ban pynlong ïa ki maw jingtei na ki kynton jong ki synrum ba la ing?”

NEHEMAÏAH 4:9

hynrei ngi duwai ha U Blei jong ngi bad ngi buh ki rangbah ban ap phira bad ïaleh pyrshah ïa ki mynsngi bad mynmiet.

ESEKIEL 29:18

“Ko khun u briew,” u la ong, “u Nebukhadnessar u syiem ka Babilonia u la hiarthma ban tur ïaleh ïa ka Tyros. U la pynlong ïa ki shipai jong u ban kit ïa ki jingkit kiba khia haduh ba ki khlieh jong ki, ki la dkhoi ki shñiuh bad ki tyrpeng jong ki, ki la tyrkhong khait, hynrei u syiem lymne ka kynhun shipai jong u kim shym ïoh ei ei na baroh ki jinglehshitom jong ki.

HAGGAI 1:2

U Trai Badonbor Baroh u la ong ha u Haggai, “Kine ki briew ki ong ba kane kam dei ka por kaba biang ban tei pat ïa ka Templ.”

JINGKHEIÑ 13:31

Hynrei ki rangbah kiba la leit ryngkat bad u Kaleb ki ong, “Em, ngim khlaiñ haduh katta katta ban tur ïaleh ïa ki, ki briew hangta ki kham khlaiñ ban ïa ngi.”

JINGKHEIÑ 32:9

Ki la leit haduh ka Them Eshkol bad ki la ïohi ïa ka ri, hynrei ynda ki la wan phai ki la pynnoh mynsiem ïa ki briew na kaba leit rung sha ka ri ïa kaba U Trai u la ai ha ki.