NEHEMAÏAH 3:3 - Khasi CL Bible (BSI)

³ Ka kur Hassenaah ka tei ïa ka Khyrdop Dohkha. Ki buh ïa ki bim bad pynïeng ïa ka khyrdop, bad pyndait ïa ki nar-khang bad ki jingkhang ïa ka khyrdop.

KA BAIBL

³ Bad ki khun u Hassenaah ki la tei ïa Ka Khyrdop Dohkha; ki la pynshong ïa ki khung jong ka, bad ki la pynïeng ïa ki jingkhang jong ka, ïa ki nar jingkhang jong ka, bad ïa ki dieng-khang jong ka.

NEHEMAÏAH 3:3 ပူးပေါင်းရင်းမြစ်များ

2 KHRONIKL 33:14

Hadien kane, u Manasseh u tei pynjrong ïa ka kynroh bashabar ha ka phang mihngi jong ka Nongbah u Dabid, na ka tduh jong ka them hajan ka umpohliew Gihon shaphang shatei sha ka Khyrdop Dohkha bad ka jaka jong ka nongbah ba khot ka Ophel. U buh ruh ïa u shipai pynïaidkam ban ai hukum ïa ka kynhun ki shipai ha man ki nongbah ba la ker kynroh jong ka Judah.

NEHEMAÏAH 12:39

bad nangta ngi ïaid lait ïa ka Kynroh Ephraim, ka Kynroh Jeshanah, ka Kynroh Dohkha, u Mot Hananel, bad u Mot Shispah sha ka Khyrdop Langbrot. Ngi pynkut ïa ka jingïaid jong ngi hajan ka khyrdop sha ka Templ.

NEHEMAÏAH 2:8

Nga kyrpad ruh ïa ka shithi sha u Asaph, u nongsumar ïa ki khlaw u syiem, da kaba bthah ïa u ban ai ïa nga ki dieng na ka bynta ki khyrdop ka kut kaba ïada ïa ka Templ, na ka bynta ki kynroh ka nongbah, bad na ka bynta ka ïing kaba ngan shong ngan sah. U patsha u la ai ïa nga ïa baroh kaba nga pan, namar U Blei u la long ryngkat bad nga.

NEHEMAÏAH 3:4

U Meremoth, u khun jong u Uriah bad u ksiew jong u Hakkos u tei ïa ka bynta kaba bud. U Meshullam, u khun jong u Berekhaïah bad u ksiew jong u Meshesabel u tei ïa ka bynta kaba bud. U Sadok, u khun jong u Baana u tei ïa ka bynta kaba bud.

NEHEMAÏAH 3:6

U Joïada, u khun jong u Paseah, bad u Meshullam, u khun jong u Besodeïah, ki tei pat ïa ka Khyrdop Jeshanah. Ki buh ïa ki bim bad pynïeng ïa ka khyrdop, bad pyndait ïa ki nar-khang bad ki jingkhang ka khyrdop.

NEHEMAÏAH 6:1

U Sanballat, u Tobiah, u Geshem bad kiba sah na ki nongshun jong ngi, ki la ïohsngew ba ngi la lah pyndep ïa ka jingtei ïa ka kynroh bad ba ym don shuh ki jinglait thliew ha ka, wat la ngim pat shym la pynïeng ki khyrdop ha ki jaka ban shna ïa ki.

NEHEMAÏAH 7:1

Bad mynta ïa ka kynroh la dep tei pat, ïa ki khyrdop la pynïeng ha ki jaka jong ki, bad ïa ki nongap phira ka templ, ki dkhot ka kynhun rwai ba la pynkyntang bad kiwei pat ki Lebi, la buh ki kam na ka bynta jong ki.

SALM 147:13

U pynskhem ïa ki khyrdop jong phi; u kyrkhu ïa ki briew jong phi.

SEPHANAÏAH 1:10

“Ha kata ka sngi,” ong U Trai, “phin ïohsngew ïa ka jingsawa ka jingïam ha ka Khyrdop Dohkha ha Jerusalem. Phin ïohsngew ka jingud ha ka bynta bathymmai jong ka nongbah bad ka jingsawa bajam jong ka jingkhyllem ha ki lumrit.