NEHEMAÏAH 3:25 - Khasi CL Bible (BSI)

^25-26 U Palal, u khun jong u Usai u tei ïa ka bynta kaba bud, kaba sdang na ka dong jong ka kynroh bad ka jingtei ap phira jong ka ïingsyiem kaba haneng kaba long habar ka jaka ap phira; U Pedaïah, u khun jong u Parosh u tei ïa ka bynta kaba bud, haduh ka bynta kaba sha mihngi hajan ka Khyrdop Um bad ka jingtei ap phira ka Templ. (Kane ka long hajan kata ka bynta jong ka nongbah ba khot Ophel, ha kaba ki nongtrei shynrang ka Templ ki shong ki sah.)

KA BAIBL

²⁵ U Palal u khun u Usai u la shna marpyrshah ïa ka pyrkhung ka kynroh, bad ïa ka ïing phira kaba pynkha na ka ïingsyiem kaba haneng kaba hajan ka phyllaw ka karod. Nadien jong u, u Pedaïah u khun u Parosh.

NEHEMAÏAH 3:25 ပူးပေါင်းရင်းမြစ်များ

ESRA 2:3

Parosh — Ar hajar shispah hynñiewphew ar ngut. Shephataïah — Laispah hynñiewphew ar ngut. Arah — Hynñiewspah hynñiewphew san ngut. Pahath Moab (ki khun ki ksiew u Jeshua bad u Joab) — Ar hajar phraspah khat-ar ngut. Elam — Shihajar arspah sanphew saw ngut. Sattu — Khyndaispah sawphew san ngut. Sakkai — Hynñiewspah hynriewphew ngut. Bani — Hynriewspah sawphew ar ngut. Bebai — Hynriewspah arphew lai ngut. Asgad — Shihajar laispah arphew ar ngut. Adonikam — Hynriewspah hynriewphew hynriew. Bigbai — Ar hajar sanphew hynriew ngut. Adin — Sawspah sanphew saw ngut. Ater (la khot ruh Hesekaïah) — Khyndaiphew phra ngut. Besai — Laispah arphew lai ngut. Jorah — Shispah khat-ar ngut. Hashum — Arspah arphew lai ngut. Gibbar — Khyndaiphew san ngut.

NEHEMAÏAH 12:39

bad nangta ngi ïaid lait ïa ka Kynroh Ephraim, ka Kynroh Jeshanah, ka Kynroh Dohkha, u Mot Hananel, bad u Mot Shispah sha ka Khyrdop Langbrot. Ngi pynkut ïa ka jingïaid jong ngi hajan ka khyrdop sha ka Templ.

NEHEMAÏAH 7:8

Kane ka long ka thup kyrteng jong ki kur jong ki Israel, ryngkat bad kito kiba na kawei kawei ka kur, kiba la wan phai na ka jingshah ringmraw: Parosh — Ar hajar shispah hynñiewphew ar ngut Shephataïah — Laispah hynñiewphew ar ngut Arah — Hynriewspah sanphew ar ngut Pahath Moab (ki khun ki ksiew u Jeshua bad u Joab) — Ar hajar phraspah khatphra ngut Elam — Shihajar arspah sanphew saw ngut Sattu — Phraspah sawphew san ngut Sakkai — Hynñiewspah hynriewphew ngut Binnui — Hynriewspah sawphew phra ngut Bebai — Hynriewspah arphew phra ngut Asgad — Ar hajar laispah arphew ar ngut Adonikam — Hynriewspah hynriewphew hynñiew ngut Bigbai — Ar Hajar hynriewphew hynñiew ngut Adin — Hynriewspah sanphew san ngut Ater (la khot ruh Hesekaïah) — Khyndaiphew phra ngut Hashum — Laispah arphew phra ngut Besai — Laispah arphew saw ngut Hariph — Shispah khat-ar ngut Gibeon — Khyndaiphew san ngut

NEHEMAÏAH 8:4

U Esra u ïeng ha ka jaka ba kham kynjang ba la shna da ka dieng ïa kaba la shna khnang na ka bynta kata ka por. Kine ki briew ki ïeng ha ka liang kamon jong u: U Mattithaïah, u Shema, u Anaïah, u Uriah, u Hilkaïah, bad u Maaseïah; bad kine pat ki ïeng ha ka liang kadiang jong u: u Pedaïah, u Mishael, u Malkhijah, u Hashum, u Hashbaddanah, u Sekharaïah bad u Meshullam.

JEREMAÏAH 22:14

Kordit ïa u briew uba ong, “Ngan tei ïa lade ka ïing paki dulan bad ki kamra kiba kylluid shajrong ki mala.” Kumta u buh ki jingkhangïit ha ka ïing jong u, bad u shna biar da ki dieng Kedar, bad u airong ïa ka da ka rong saw.

JEREMAÏAH 32:2

Ha kata ka por ka kynhun shipai jong u syiem ka Babilonia ka dang tur ïaleh ïa ka Jerusalem, bad ïa nga la set ha ka phyllaw ba la kerkut jong ka ïingsyiem.

JEREMAÏAH 33:1

Katba nga dang don hi ha ka ïingbyndi ha ka phyllaw, ka khubor U Trai ka la wan biang ha nga.

JEREMAÏAH 37:21

Kumta u syiem Sedekaïah u la hukum ba yn set ïa nga ha ka phyllaw ka ïingsyiem. Nga la sah hangta, bad man ka sngi ïa nga la ai uwei u kpu na ka jaka shet kpu haduh ba baroh u kpu ha ka nongbah u la lut.

JEREMAÏAH 38:13

Nga la leh ïa kane, bad ki la tan ïa nga shalor shabar ka pung. Hadien kata ïa nga la buh ha ka phyllaw ïingsyiem.

JEREMAÏAH 39:8

Ha kata ka por, ki nong Babilonia ki la thang duh ïa ka ïingsyiem bad ïa ki ïing jong ki briew bad pynpra ïa ki kynroh ka Jerusalem.

MIKAH 4:8

Bad ma pha, ko Jerusalem, ha kaba U Blei, kum u nongaplangbrot, u sumar ïa la ki briew, phan long pat sa shisien ka nongbah jong ka hima kaba la ju long ka jong pha.