NEHEMAÏAH 3:24 - Khasi CL Bible (BSI)

²⁴ U Binnui, u khun jong u Henadad u tei ïa ka bynta kaba bud, naduh ka ïing u Asaraïah haduh ka dong jong ka kynroh.

KA BAIBL

²⁴ Nadien jong u, u Binnui u khun u Henadad u la shna ïa kawei pat ka bynta, na ka ïing u Asaraïah haduh ka pyrkhung ka kynroh, bad haduh ka dong.

NEHEMAÏAH 3:24 ပူးပေါင်းရင်းမြစ်များ

ESRA 3:9

U Jeshua, u Lebi, lem bad ki khun shynrang bad ki ba-ha-ïing ha-sem jong u bad u Kadmiel bad ki khun shynrang jong u (na ka kur Hodabaïah), ki la ïasnohkti lang ha kaba khmih ïa ka jingtei biang ïa ka Templ. (Ïa ki la ïarap da ki Lebi jong ka kur Henadad.)

NEHEMAÏAH 3:11

U Malkhijah, u khun jong u Harim bad u Hasshub, u khun jong u Pahath Moab, ki tei baroh ar tylli ki bynta kiba bud bad ïa u Mot shet kpu.

NEHEMAÏAH 3:19

U Eser, u khun jong u Jeshua, u nongsynshar jong ka Mispah, u tei ïa ka bynta kaba bud kaba long ha khmat ka jaka buh tiar ïapom, haduh ka jaka ha kaba ka kynroh ka phai;

NEHEMAÏAH 3:23

U Benjamin bad u Hasshub ki tei ïa ka bynta kaba bud, kaba long ha khmat ki ïing jong ki. U Asaraïah, u khun jong u Maaseïah bad u ksiew jong u Ananaïah, u tei ïa ka bynta kaba bud, kaba long ha khmat ka ïing jong u.

NEHEMAÏAH 3:27

Ki rangbah ka Tekoa ki tei ïa ka bynta kaba bud, ka bynta kaba ar jong ki, naduh ka bynta kaba marpyrshah ïa ka jaka ap phira ka Templ kaba heh haduh ka kynroh hajan ka Ophel.