NEHEMAÏAH 3:21 - Khasi CL Bible (BSI)

²¹ U Meremoth, u khun jong u Uriah bad u ksiew jong u Hakkos, u tei ïa ka bynta kaba bud, haduh kaba kut ka ïing u Eliashib.

KA BAIBL

²¹ Nadien jong u, u Meremoth u khun u Uriah u khun u Hakkos u la shna ïa kawei pat ka bynta, naduh ka jingkhang u Eliashib haduh ka bakut ka ïing u Eliashib.

NEHEMAÏAH 3:21 ပူးပေါင်းရင်းမြစ်များ

1 KHRONIKL 4:8

U Kos u dei u kpa jong u Anub bad u Sobebah, bad u kpa tymmen jong ki kur kiba hiarpateng na u Aharhel u khun jong u Harum.

ESRA 2:61

Kine ki kur lyngdoh kim shym shem ka jingbuh jingthoh ka ban pynshisha ïa ka jinghiarpateng na ki kpa tymmen: Habaïah, Hakkos bad Barsillai. (U kpa tymmen jong ka kur lyngdoh jong u Barsillai u la shongkurim ïa ka kynthei na ka kur u Barsillai jong ka Gilead bad shim ïa ka kyrteng jong ka kur u kthaw jong u.) Namar ba kim shym la lah ban pynshisha mano ba dei ki kpa tymmen jong ki, ym shym la pdiang ïa ki kum ki lyngdoh.

ESRA 8:33

Nangta ha ka sngi kaba saw ngi leit sha ka Templ, ngi thew ïa ka rupa, ka ksiar bad ki khiew ki pliang bad aiti ïa ki sha u Meremoth, u lyngdoh, u khun jong u Uriah. Kiba la ïadon bad u, ki long u Eleasar u khun jong u Phinehas bad ar ngut ki Lebi, u Josabad u khun jong u Jeshua bad u Noadaïah u khun jong u Binnui.

NEHEMAÏAH 3:1

Kane ka long kumno ba la tei pat ïa ka kynroh jong ka nongbah. U Eliashib u Rangbah Lyngdoh bad ki para lyngdoh jong u ki la tei pat ïa ka Khyrdop Langbrot, ki pynkyntang ïa ka, bad pynïeng ïa ki khyrdop. Ki la pynkyntang ïa ka kynroh haduh u Mot ki Shispah bad u Mot Hananel.

NEHEMAÏAH 3:20

U Barukh, u khun jong u Sabbai u tei ïa ka bynta kaba bud, haduh ka jaka rung sha ka ïing jong u Eliashib u Rangbah Lyngdoh.

NEHEMAÏAH 3:22

Kine ki long ki lyngdoh kiba tei pat ïa kiba bun ki bynta kiba bud jong ka kynroh: Ki lyngdoh kiba dei na ka jaka sawdong ka Jerusalem ki tei ïa ka bynta kaba bud;

NEHEMAÏAH 3:4

U Meremoth, u khun jong u Uriah bad u ksiew jong u Hakkos u tei ïa ka bynta kaba bud. U Meshullam, u khun jong u Berekhaïah bad u ksiew jong u Meshesabel u tei ïa ka bynta kaba bud. U Sadok, u khun jong u Baana u tei ïa ka bynta kaba bud.

NEHEMAÏAH 7:63

Kine ki kur lyngdoh kim shym shem jingbuh jingkynmaw ban pynshisha ïa ka jinghiarpateng na ki kpa tymmen: Hobaïah, Hakkos bad Barsillai. (U kpa tymmen jong ka kur lyngdoh jong u Barsillai u la shongkurim ïa ka kynthei na ka kur u Barsillai jong ka Gilead bad shim ïa ka kyrteng jong ka kur u kthaw jong u.) Namar ba kim shym la lah ban pynshisha mano ba dei ki kpa tymmen jong ki, ym shym la pdiang ïa ki kum ki lyngdoh.