NEHEMAÏAH 2:8 - Khasi CL Bible (BSI)

⁸ Nga kyrpad ruh ïa ka shithi sha u Asaph, u nongsumar ïa ki khlaw u syiem, da kaba bthah ïa u ban ai ïa nga ki dieng na ka bynta ki khyrdop ka kut kaba ïada ïa ka Templ, na ka bynta ki kynroh ka nongbah, bad na ka bynta ka ïing kaba ngan shong ngan sah. U patsha u la ai ïa nga ïa baroh kaba nga pan, namar U Blei u la long ryngkat bad nga.

KA BAIBL

⁸ bad ïa ka shithi ha u Asaph u nongap ka khlaw syiem, ba un ai ha nga ïa ki dieng ban shna khung ïa ki khyrdop ka ïingsyiem kiba dei ïa kata ka ïing bad ïa ka kynroh ka nongbah, bad ïa ka ïing sha kaba ngan rung.” Bad u syiem u la ai ha nga, katba kum ka kti babha U Blei jong nga kaba halor jong nga.

NEHEMAÏAH 2:8 ပူးပေါင်းရင်းမြစ်များ

JENESIS 32:28

Uta u briew u ong, “Ka kyrteng jong me kam long shuh u Jakob. Me la ïaleh bad U Blei bad ki briew, bad me la jop ruh; kumta ka kyrteng jong me kan long noh u Israel.”

ESRA 5:5

Hynrei U Blei u peit halor ki nongïalam jong ki Jiw, bad ki rangbah synshar ki Persia ki rai ban ym leh ei ei haduh ba kin da lah thoh sha u Darius bad ïoh ïa ka jubab.

ESRA 6:22

Hynñiew sngi ki rakhe da ka jingkmen ïa ka Jingkhawai Niam U Kpu Bakhlem Thiat. Ki la dap da ka jingkmen namar U Trai u la pynlong ïa u patsha jong ka Assyria ban lehsbun ïa ki, ba u kyrshan ïa ki ha ka jingtrei jong ki ha ka jingtei pat ïa ka Templ jong U Blei ki Israel.

ESRA 6:8

Da kane nga hukum ïa phi ban ïarap ïa ki ban tei biang ïa ka. Ïa ki jingpynlut pynsep dei ban ai khlem pynslem na ka ïing jingkynshew syiem ba la ïoh na ki khajna ha Ïuphratis Sepngi, khnang ban ym pynthut ïa ka kam.

ESRA 7:6

U Esra u long u riewstad uba don ka jingtip bajylliew ïa ka Hukum kaba U Trai U Blei ki Israel u la ai ha u Moses. Namar ba u Esra u don ïa ka jingkyrkhu U Trai U Blei jong u, u patsha u ai kat ïa kaba u pan. Ha ka snem kaba hynñiew jong ka jingsynshar u Artakserksis, u Esra u la mih na Babilonia ban leit sha Jerusalem ryngkat bad shi kynhun ki Israel kiba kynthup ïa ki lyngdoh, ki Lebi, ki nongput nongtem ka Templ, ki nongap phira ka Templ bad ki nongtrei.

NEHEMAÏAH 7:2

Nga buh ar ngut ki rangbah ban peit ïa ka jingpynïaid ïa ka nongbah Jerusalem: u Hanani, uba shi para bad nga, bad ïa u Hananaïah, u rangbah shipai jong ka kut. U Hananaïah u long u briew ïa uba lah ban shaniah bad u briew uba sheptieng ïa U Blei, u bym don kum ma u.

PROBERB 21:1

U Trai u pynïaid ïa ka jingmut jong u syiem kham suk kumba u pynïaid ïa ka lynti ka wahduid.

EKLESIASTIS 2:5

Nga la thung ki kper bad ki bri sohwaiñ lem bad bun jait ki diengsoh ha ki.

EKLESIASTIS 2:6

Nga la tih ki pung-um ban ai um ïa ki.

ISAÏAH 66:14

Haba phi ïohi ïa kane ba ka jia, phin sa shadkmen; kan pynlong ïa phi ban long khlaiñ bad khiah krat. Te phin sa tip ba ma nga, U Trai, nga ïarap ïa kito kiba kohnguh ïa nga, bad nga pyn-i ïa la ka jingbitar pyrshah ïa ki nongshun jong nga.”

DANIEL 1:9

bad U Blei u la pynlong ïa u Ashkenas ban pyrkhat sngewlem ïa u Daniel.

KI KAM 26:22

Hynrei haduh kane ka sngi, la ïarap ïa nga da U Blei, bad kumta nga ïeng hangne ban ai ïa ka jingsakhi jong nga ha baroh, ha uba rit bad ha uba khraw kumjuh. Kaei kaba nga ong ka long kajuh hi kaba ki nongïathuhlypa bad u Moses ki la ong ba kan sa jia:

KI KAM 7:10

Haba u Joseph u leit ha khmat u syiem ka Ijipt, U Blei u la ai ha u ka akor kaba pynsngewbha bad ka jingstad; bad u syiem u la pynlong lyngskor ïa u Joseph halor ka ri bad ka longïing syiem.

2 KORINTH 8:16

Katno ngi ainguh ïa U Blei ba u la pynlong ïa u Titos ban thrang kum ma ngi ban ïarap ïa phi.