NEHEMAÏAH 2:7 - Khasi CL Bible (BSI)

⁷ Nangta nga kyrpad ïa u ban lehsbun ïa nga da kaba ai ha nga ïa ki shithi sha ki lat ka Probins Ïuphratis Kaba Shaphang Sepngi, da kaba bthah ïa ki ban shah ïa nga ban ïaid lyngba sha Judah.

KA BAIBL

⁷ Nalor kane nga la ong ha u syiem, “Lada u syiem u sngewbha, to pynai ki shithi ïa nga ha ki nongsynshar sha shiliang ka wah, ba kin shah ïa nga ban ïaid lait tad ynda nga poi ha Judah;

NEHEMAÏAH 2:7 ပူးပေါင်းရင်းမြစ်များ

ESRA 6:6

Nangta u Darius u phah ïa kane ka jubab: “Ha u Tattenai, u lat jong ka Ïuphratis Sepngi, u Shethar Bosenai, bad ki para rangbah synshar ha Ïuphratis Sepngi.

ESRA 7:21

“Nga hukum ïa baroh ki rangbah synshar ka ïing jingkynshew ha ka probins jong ka Ïuphratis Sepngi ban pynbiang khlem pynslem ïa u Esra, u lyngdoh bad u riewstad ha ka Hukum jong U Blei ka Bneng, ïa kaei kaei baroh kaba u pan,

ESRA 8:22

Ngan jin da la lehrain ban kyrpad ïa u patsha ban ai ki shipai ïaid kjat ban ïada ïa ngi na kino kino ki nongshun katba ngi dang ïaid lynti, namar nga la lah ong ïa u ba U Blei jong ngi u kyrkhu ïa uno uno uba shaniah ha u, hynrei ba u sngewsih bad u pynshitom ïa uno uno uba phai noh na u.

ESRA 8:36

Ki la rah ruh ïa ka jingthoh kaba u patsha u la lah ai ha ki bad ai ïa ka ha ki lat bad ki rangbah synshar ka probins jong ka Ïuphratis Sepngi, kiba la ai pat ïa ka jingkyrshan jong ki ïa ki briew bad ka jingmane ha ka Templ.

NEHEMAÏAH 2:9

U patsha u la phah katto katne ki rangbah shipai bad shi kynhun ki nongshong kulai bad nga, bad nga leit sha ka Ïuphratis Kaba Shaphang Sepngi. Hangta nga ai ïa ki shithi u patsha ha ki lat.

NEHEMAÏAH 3:7

U Melataïah na Gibeon, u Jadon na Meronoth, bad ki rangbah ka Gibeon bad Mispah, ki tei ïa ka bynta kaba bud, haduh ka jaka sah jong u lat ka Ïuphratis kaba shaphang sepngi.