NEHEMAÏAH 2:5 - Khasi CL Bible (BSI)

⁵ Nga duwai ha U Blei ka Bneng, bad nangta nga ong ha u patsha, “Lada ma me, ko syiem, me don ka jingsngewbha ïa nga bad ai sngewbha ïa ka jingkyrpad jong nga, shah ïa nga ba ngan leit sha ka ri Judah, sha ka nongbah ha kaba la tep ïa ki kpa tymmen jong nga, khnang ba nga lah ban tei pat ïa ka nongbah.”

KA BAIBL

⁵ Bad nga la ong ha u syiem, “Lada u syiem u sngewbha, bad lada u shakri jong me u la shem ïa ka jingsngewbha ha khmat jong me, ba men da phah ïa nga sha Judah, ha ka nongbah ki jingtep ki kpa jong nga, ba ngan tei ïa ka.”

NEHEMAÏAH 2:5 ပူးပေါင်းရင်းမြစ်များ

2 SAMUEL 14:22

U Joab u dem khrup haduh khyndew ha khmat u Dabid da ka jingburom bad u ong “U Blei un kyrkhu ïa phi, ko Syiem Kynrad! Mynta nga tip ba phi sngewbha ïa nga, namar phi la mynjur ïa ka jingkyrpad jong nga.”

ESRA 5:17

“Mynta, lada ka pynsngewbha ïa phi, ko syiem, ai ba yn ïit ha ki jingthoh syiem ha Babilon ban shem lada u Syros u la ai ne um shym la ai ki hukum na ka bynta ka jingtei pat ïa kane ka Templ ha Jerusalem, bad nangta sa pyntip ïa ngi kaei ka mon jong phi ha kane ka kam.”

NEHEMAÏAH 2:4

U patsha u kylli, “Kaei kaba me kwah?”

NEHEMAÏAH 2:6

U patsha, ryngkat bad ka mahadei kaba shong ha syndah jong u, u la mynjur ïa ka jingkyrpad jong nga. U la kylli ïa nga katno slem ngan jah bad ba ngan wan phai pat, bad nga ïathuh ha u.

ESTHER 1:19

Lada ka pynsngewbha ïa u Syiem, pynmih ka jingpynbna syiem ba ka Bashti kan ym lah shuh ban wan ha khmat u syiem. Hukum ban thoh ïa kata ha ki aiñ jong ka Persia bad Media, khnang ba kata kan ym kylla shuh. Nangta ai ïa ka jaka jong ka kum ka mahadei sha kano kano ka kynthei kaba kham bha.

ESTHER 5:8

“Lada ma phi ko syiem phi lehsbun ban ai ïa ka jingkyrpad jong nga, nga kwah ba ma phi bad u Haman phin long ki nongshahkhot sngewbha ha kawei pat ka jingkhawai la shai ka sngi ba ngan pynkhreh na ka bynta jong phi. Ha kata ka por ngan sa ong ïa phi ïa kaei kaba nga kwah.”

ESTHER 7:3

Ka Esther, ka mahadei ka jubab, “Lada phi sngewbha, ko syiem, ban ai ïa ka jingkyrpad barit jong nga, ka jingkwah jong nga ka long ba ngan lah ban im bad ba ki briew jong nga ruh kin im.

ESTHER 8:5

“Lada ka pynsngewbha ïa phi, ko syiem, bad lada phi sngewsynei ïa nga bad ka long kaba dei ha phi, sngewbha pynmih ka jingpynbna ban khang ïa ki hukum u Haman na kaba pyntreikam ïa ki — kito ki hukum kiba u khun jong u Hammedatha uba hiarpateng na u Agag u la ai na ka bynta ka jingpynjot ïa ki Jiw baroh ha ka hima.

PROBERB 3:4

Lada phi leh ïa kane, phin pynsngewbha ïa U Blei bad ïa u briew.

DANIEL 9:25

Kynmaw ïa kane bad to shemphang ïa ka: Naduh ka por ba la ai ïa ka hukum ban tei pat ïa ka Jerusalem, tad haduh ba wan u nongïalam ba la jied da U Blei, ki hynñiew sien ki hynñiew snem kin leit noh. Ïa ka Jerusalem yn tei pat lem bad ki lynti bah bad ki jingïada bakhlaiñ, bad kan ïeng haduh hynñiew sien ki hynriewphew ar snem, hynrei kane kan long ka por ki jingjynjar.

MATHAÏOS 23:27

“A katno ka long kaba shyrkhei ïa phi ki nonghikai ka Hukum bad ki Pharisi! Phi kiba arsap! Phi long kum ki jingtep ba la pushara lieh, kiba itynnat ha kaba shabar hynrei kiba dap da ki shyieng bad ki metïap bapyut ha kaba shapoh.

RUTH 2:13

Ka Ruth ka jubab, “Kynrad, phi la lehsbun shibun ïa nga. Phi la pynlong ïa nga ban kham sngewbiang da kaba kren jem jai jai ïa nga, wat la ngam ïaryngkat kyrdan bad kawei na ki shakri jong phi.”